विराटचोकः आज प्रदेश नम्बर १ मा ३ सय ६२ जना संक्रमित थपिएका छन् । त्यस्तै १ सय ६१ जना निको भएका छन् । योसँगै प्रदेशमा संक्रमितको संख्या २५ हजार ८ सय ८० जना र निको हुनेको संख्या २१ हजार १ सय ५१ जना पुगेको छ ।
आज झापामा १ सय २५, सुनसरीमा १ सय १४, मोरङमा ८५, इलाममा ११ , सङ्खुवासभामा ३, पाँचथर, तेह्रथुम र उदयपुरमा २–२, धनकुटा, भोजपुर र खोटाङमा १–१ र प्रदेशबाहिरका १५ जनामा संक्रमण पुष्टि भएको हो ।
मोरङको विराटनगरमा ५१, सुन्दरहरैचामा ९, पथरीशनिश्चरेमा ६, बेलबारीमा ५, बुढीगंगामा ३, सुनवर्षी, रतुवामाई र उर्लाबारीमा २–२, धनपालथान, कटहरी, रंगेली, जहदा र लेटाङमा १–१ जनामा संक्रमण देखिएको छ ।
सामाजिक विकास मन्त्रालयका अनुसार झापाको गौरादह, बिर्तामोड र दमकमा २६–२६, कनकाईमा ९, बुद्धशान्तिमा ७, अर्जुनधारामा ६, शिवसताक्षी र भद्रपुरमा ५–५, कचनकवल र मेचीनगरमा ४–४, हल्दीबारी र कमल गाउँपालिकामा २–२, बाह्रदशीमा १ र ठेगाना नखुलेका २ जनामा संक्रमण पुष्टि भएको हो ।
सुनसरीको इटहरी र धरानमा ४९–४९, इनरुवा र वराहक्षेत्रमा ४–४, दुहबीमा ३, रामधुनी, बर्जु, देवानगञ्ज, कोशी गाउँपालिका र ठेगाना नखुलेका १–१ जना संक्रमित थपिएका हुन् ।
इलामको माईजोगमाईमा ५, चुलाचुलीमा ३, इलाम नगरपालिकामा २ र सूर्योदयमा १ जनामा संक्रमण पुष्टि भएको हो । सङ्खुवासभाको खाँदबारी, सभापोखरी र धर्मदेवी, पाँचथरको हिलिहाङ र मिक्लाजुङ, तेह्रथुमको छथर र म्याङलुङ, उदयपुरको त्रियुगा र ठेगाना नखुलेका १–१ जनामा संक्रमण पुष्टि भएको छ । धनकुटामा १, भोजपुरको अरुणमा १, खोटाङमा १ र प्रदेश १ बाहिरका १५ जना संक्रमित थपिएका हुन् ।
आज प्रदेशमा होम आइसोलेसनबाट १५६, वीपी कोइराला स्वास्थ्य विज्ञान प्रतिष्ठानबाट ३, विराट मेडिकल कलेज र न्युरो अस्पतालबाट १–१ जना निको भई घर फर्किएका छन् । प्रदेश १ मा हालसम्म १ लाख ८५ हजार ७ सय ६० स्वाबको पीसीआर परीक्षण गरिएको छ ।
You must be logged in to post a comment Login