धरानः धरान उपमहानगरपालिकाको वडा नम्बर ७ मा १ मतको अन्तरमा नेकपाका जीवराज सुवेदी निर्वाचित भएका छन् । सुवेदीले ६ सय २२ मत ल्याउँदा कांग्रेसका सुवर्णमोहन पलिखेले ६ सय २१ मत ल्याएका छन् ।

त्यस्तै, राप्रपाका दिनेश शाक्यले २० र संघीय लोकतान्त्रिक राष्ट्रिय मञ्चकी निता राईले ७ मत ल्याएकी छिन् । यो वडामा जम्मा ४ जनाले उम्मेद्वारी दिएका थिए । २ हजार २५ मतदातामध्ये १ हजार ३ सय ३१ मत खसेको थियो । जसमा ६१ मत बदर भएको निर्वाचन आयोगले जनाएको छ ।

यद्यपि १ मतको फरकले नतिजा आएपछि नेपाली कांग्रेसले पुनः मतगणनाको लिखित माग गरेको छ ।

 बिराटचोक   कम्युनिष्टको लालकिल्ला भनेर चिनिने धरानको प्रमुख पदमा नेपाली काङ्ग्रेसका तिलक राइले ऐतिहासिक जित दर्ता गरेका छन्।

२०४६ सालपछाडि भएका जस्तोसुकै चुनावमा बामपन्‍थीले जित्दै आएको धरानमा योपटक भने प्रमुख पदमा काङ्ग्रेसले ऐतिहासिक बाजी मारेको हो।

मेयर पदमा निर्वाचित भएका तिलकले २६ हजार ७ सय ९ मत ल्याए भने नेकपाका प्रकाश राईले २३ हजार ९ सय १४ मत ल्याएका हुन्। ९२ हजार ८ सय ५३ मतदाता भएको धरानमा ५९.४९ प्रतिशत मत खसेको थियो। मेयरमा निर्वाचित तिलक राई २०७४ सालको चुनावमा एमालेका तारा सुब्बासँग ४ हजार ८ सय ७३ मतले पराजित भएका थिए। अघिल्लो चुनावमा १६ हजार १ सय २ मत पाएका तिलकले यो पटक भने बढी मत ल्याएका हुन् ।

मतगणना भएको सुरुवाती चरणमा मात्र झिनो मतले लिड गरेका प्रकाश राई त्यसपछि निरन्तर तिलक राईको पछि नै परेका थिए। साविक चुनावमा वामपन्‍थी समूहले जितेका ९ वटा वडामा कांग्रेसले बढी मत पाएको छ।

घरदैलोको क्रममा कांग्रेस उम्मेद्वार राई नेकपाका उम्मेद्वार प्रकाश राई (चस्मा लगाएका) सँग अंकमाल गर्दै ।

धरानः धरान उपमहानगरपालिकाको अन्तिम मत परिणाम आउन बाँकी भए पनि नेपाली कांग्रेस विजयको नजिक पुगेको छ ।

वडा नं ७ को मात्र मतपरिणाम आउन बाँकी रहेको छ । सो वडामा वडाध्यक्ष पदका लागि पनि उपनिर्वाचन भएको छ । वडाध्यक्षमा पनि कांग्रेसले अग्रता लिएको छ ।

हालसम्मको मत परिणामअनुसार कांग्रेसका तिलक राईले २५ हजार ९ सय ९५ मत ल्याउँदा नेकपाका प्रकाश राईले २३ हजार ३ सय ९३ मत ल्याएका छन् । १ जना स्वतन्त्र उम्मेद्वारको पक्षमा अझै पनि १ मत पनि आएको छैन । यस्तो छ बढी मत ल्याउने ७ जना उम्मेद्वारले ल्याएको मत ।