बिराटचोक   कम्युनिष्टको लालकिल्ला भनेर चिनिने धरानको प्रमुख पदमा नेपाली काङ्ग्रेसका तिलक राइले ऐतिहासिक जित दर्ता गरेका छन्।

२०४६ सालपछाडि भएका जस्तोसुकै चुनावमा बामपन्‍थीले जित्दै आएको धरानमा योपटक भने प्रमुख पदमा काङ्ग्रेसले ऐतिहासिक बाजी मारेको हो।

मेयर पदमा निर्वाचित भएका तिलकले २६ हजार ७ सय ९ मत ल्याए भने नेकपाका प्रकाश राईले २३ हजार ९ सय १४ मत ल्याएका हुन्। ९२ हजार ८ सय ५३ मतदाता भएको धरानमा ५९.४९ प्रतिशत मत खसेको थियो। मेयरमा निर्वाचित तिलक राई २०७४ सालको चुनावमा एमालेका तारा सुब्बासँग ४ हजार ८ सय ७३ मतले पराजित भएका थिए। अघिल्लो चुनावमा १६ हजार १ सय २ मत पाएका तिलकले यो पटक भने बढी मत ल्याएका हुन् ।

मतगणना भएको सुरुवाती चरणमा मात्र झिनो मतले लिड गरेका प्रकाश राई त्यसपछि निरन्तर तिलक राईको पछि नै परेका थिए। साविक चुनावमा वामपन्‍थी समूहले जितेका ९ वटा वडामा कांग्रेसले बढी मत पाएको छ।

विराटचोकः प्युठानको ऐरावती गाउँपालिकामा नेकपाको समर्थनमा उठेका स्वतन्त्र उम्मेद्वार भिमेशकुमार घर्ती निर्वाचित भएका छन् ।

लठ्ठी चुनाव चिह्न लिएर वडा नम्बर २ को अध्यक्षमा चुनावमा उठेका उनले ८ सय ५५ मत पाउँदा राष्टिय जनमोर्चाका भक्तबहादुर विश्वकर्माले ५ सय ४ र नेपाली कांग्रेसका भुपाल जिसीले ३ सय ५६ मत पाए ।

सोही गाउँपालिकाको वडा नम्बर १ को अध्यक्षमा नेकपाका उम्मेद्वार दोर्णप्रसाद पाण्डे ६ सय ९६ मत ल्याएर विजयी हुँदा कांग्रेसका अमरबहादुर रेश्मीले ६ सय ८७ मत ल्याएका छन् ।

घरदैलोको क्रममा कांग्रेस उम्मेद्वार राई नेकपाका उम्मेद्वार प्रकाश राई (चस्मा लगाएका) सँग अंकमाल गर्दै ।

धरानः धरान उपमहानगरपालिकाको अन्तिम मत परिणाम आउन बाँकी भए पनि नेपाली कांग्रेस विजयको नजिक पुगेको छ ।

वडा नं ७ को मात्र मतपरिणाम आउन बाँकी रहेको छ । सो वडामा वडाध्यक्ष पदका लागि पनि उपनिर्वाचन भएको छ । वडाध्यक्षमा पनि कांग्रेसले अग्रता लिएको छ ।

हालसम्मको मत परिणामअनुसार कांग्रेसका तिलक राईले २५ हजार ९ सय ९५ मत ल्याउँदा नेकपाका प्रकाश राईले २३ हजार ३ सय ९३ मत ल्याएका छन् । १ जना स्वतन्त्र उम्मेद्वारको पक्षमा अझै पनि १ मत पनि आएको छैन । यस्तो छ बढी मत ल्याउने ७ जना उम्मेद्वारले ल्याएको मत ।