Connect with us
Advertisement
Advertisement

 एक घोगो मकैमा दलाल किन

Published

on

विराटचोकः ‘हातमा काम र मुखमा राम हुने मानिस भोकै मर्नुपर्दैन’ भन्ने कुराको चरितार्थ बन्ने गरेका उदाहरणमा पर्छन् पोलेको मकै बेचेर गर्जो टार्दै आएका परिवार । यस्तै परिवारमध्येको एक हो पेमा तामाङको परिवार ।

पूर्वपश्चिम लोकमार्ग अन्तर्गत मोरङको बेलबारीको चिसाङ पुल छेउमा पेमा तामाङले दैनिक मकै पोलेर आम्दानी गर्दै आएका छन् । यहाँ भारतीय र नेपाली ग्राहक भोक मेटाउन २० मिनेट भए पनि सवारी रोकेर मकै खाएरै जाने गरेको मकै पोल्नेहरु बताउछन् ।

 

मकै पोल्ने मध्येका तामाङ पाँचथरमा जन्मिएका हुन् । विगत ३ वर्ष यता चिसाङ खोला छेउमा श्रीमती र एक छोरासँगै उनी बस्ने गर्छन् । दैनिक १ हजार ५ सय भन्दा बढी आम्दानी हुुुने गरेको उनको भनाइ छ । ‘बिहान ५ बजेदेखि बेलुका ६ बजेसम्म आगोसँग खेल्दै मकै पोलेर दुःखसुख जिन्दगी चलाउँदैछु’, तामाङले सुनाए ।

तामाङ उमेरले २१ वर्ष पुग्दैछन् । युवाहरु काम नपाएर भौँतारिएको अवस्थामा स्वदेशमै मकै पोलेरै भए पनि जेनतेन परिवारलाई खुशी राख्नुमा नै आनन्द लाग्ने उनी बताउँछन् ।

यसैगरी सँगै अर्का एक जना मिहिनेती मानिस पनि ग्राहकलाई मकै बच्दै थिए । उमेरले ५० कटेका उनको अँगेनामा १५÷२० घोगा मकै तातै थिए । उनको आँखाको भाव कसैले गाडी रोकेर यता आए हुन्थ्यो भन्ने प्रष्ट बुझिन्थ्यो । छानीछानी घोगाको ३० रुपैयाँ पर्ने मकैमा पनि दलाली गर्ने गरेको उनी सुनाउँछन् ।

राम्रो गाडीमा चढ्ने अनि चिटिक्क परेको जागिरे जस्ता देखिने मानिसले होटलमा भए महँगो मूल्य तिरेर पनि टिप्स दिने गरेको तर एक घोगामा दलाल गरेको भने पटक्कै नसुहाउने उनी बताउँछन् । गरिबीका कारण सडक किनारमा धुलो धुवाँ सहेर एक दुइ पैसा कमाएर परिवार पाल्दै आएका मेघराज बस्नेत भन्छन्, ‘दया र मायाको जमाना गएछ ।’

गाँउघरमा मकै सहजै पाइन्छ । तर शहरमा भने ताजा मकै पाउन सजिलो छैन । मानिसहरूले रुचाउने खाने कुरामध्ये पोलेको मकै पनि पर्छ । यो ठाउँको सडक छेउमा मानिसहरुको भीड लाग्ने गरेको छ । यहाँ निगुरो र पोलेको मकै बेच्ने गरिन्छ । १२-१२ परिवारले यो पेसा गरेर घरखर्च चलाइरहेका छन् । राजमार्गको सडक छेउमै सवारी पार्किङ गरेर आगो ताप्दै मकै खानेको भीड नै लाग्ने गरेको छ । जङ्गल भएकाले यहाँ बाँदर र छाडा चौपायाले असाध्यै दुःख दिने गरेको व्यवसायी बताउँछन् ।

 

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

महालक्ष्मी नगरपालिकाको दमारमा आधारभूत स्वास्थ्य केन्द्र सञ्चालनमा

Published

on

धनकुटाः धनकुटाको महालक्ष्मी नगरपालिका वडा नम्बर ४ दमारमा आधारभूत स्वास्थ्य केन्द्र सञ्चालनमा आएको छ । ४ कोठे पक्की भवन ३३ लाख ६६ हजार रुपैयाँको लागतमा निर्माण गरी स्वास्थ्य सेवा शुरु गरिएको हो ।

महालक्ष्मी नगरपालिकाका प्रमुख पर्शुराम नेपाल र उप–प्रमुख मञ्जु अधिकारीले रिबन काटेर तथा शिलालेखमा राखिएको पर्दा उघारेर भवन उद्घाटन गरेका हुन् । गाउँमै सहज रुपमा आधारभूत स्वास्थ्य सेवा उपलब्ध गराउन स्वास्थ्य केन्द्र भवन निर्माण गरिएको नगरप्रमुख नेपालले बताए ।

सो स्वास्थ्य केन्द्रमा अहिले दुई अहेब र एक जना कार्यालय सहयोगी कार्यरत रहेका छन् ।

Continue Reading

Banner

ठक्कर दिएर फरार भएको सवारीका चालक पक्राउ

Published

on

विराटचोकः साउन ११ गते राति सवा ९ बजे मोरङको बेलबारी नगरपालिका वडा नं. ३ मा पैदलयात्रीलाई ठक्कर दिई फरार रहेका सवारी चालकलाई बेलबारी प्रहरीले पक्राउ गरी सार्वजनिक गरेको छ ।

सो दिन पूर्व–पश्चिम राजमार्गमा पूर्वबाट पश्चिमतर्फ आउँदै गरेको तत्काल नम्बर नखुलेको पिकअपले पैदल यात्री अन्दाजी ६० वर्षीय ‘महन’ भनिने व्यक्तिलाई ठक्कर दिई घाइते बनाएको थियो । तत्काल सो सवारीको पहिचान खुलेको थिए । पछि इलाका प्रहरी कार्यालय बेलबारीले सुक्ष्म रूपमा अनुसन्धान गरी सवारी चालकलाई पक्राउ गरेको थियो ।

प्रहरीका अनुसार धादिङको जुङ्गीखोला गाउँपालिका वडा नं. ४ बस्ने अन्दाजी ३२ वर्षीय रामकृष्ण पौडेललाई प्रहरीले साउन १४ गते पक्राउ गरेको हो । उनले चलाएको बाग्मती प्रदेश ०१–०२४ च ९९१३ नम्बरको पिकअपले ठक्कर दिएको खुल्न आएकाले हुँदा चालक तथा पिकअपलाई नियन्त्रणमा लिई थप अनुसन्धान भइरहेको इलाका प्रहरी कार्यालय बेलबारीले जनाएको छ ।

Continue Reading

Banner

ब्राउन सुगर र नगदसहित दुई जना पक्राउ

Published

on

काँकरभिट्टाः झापाको मेचीनगर नगरपालिका – ९ लीलाबस्तीको लीलाचोकमा ब्राउन सुगरको कारोबार गर्ने दुई जनालाई नगद र ब्राउन सुगरसहित प्रहरीले पक्रेको छ । पक्राउ पर्नेमा मेचीनगर– १ वस्ने २६ वर्षीय सरोज भुजेल र ३५ वर्षीय निर्मल भुजेल रहेका छन् ।

हिजो दिउँसो साढे ३ बजे विशेष सूचनाको आधारमा जिल्ला प्रहरी कार्यालय झापा, लागू औषध नियन्त्रण ब्युरो काँकरभिट्टा र इलाका प्रहरी कार्यालय धुलाबारीबाट खटिएको प्रहरी टोलीले उनीहरुलाई ब्राउन सुगर कारोबार गर्न लागेको अवस्थामा फेला पारी खानतलासी गरेको थियो ।

सो क्रममा झोलाभित्र ब्राउन सुगर ३४ ग्राम र २ लाख ५१ हजार रुपैयाँ प्रहरीले फेला पारेको थियो । उनीहरुले प्रयोग गरेको मे. ४ प ४०९७ र मे ६ प ३२१३ नम्बरका दुई वटा मोटरसाइकल सहित पक्राउ गरिएको प्रहरीले जनाएको छ । पक्राउ परेका उनीहरुलाई इलाका प्रहरी कार्यालय धुलाबारीबाट थप अनुसन्धान भइरहेको बताइएको छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक