शेयर
दोहोरो अंकले घटेको शेयर बजारमा २ उपसमूह बढे, इन्फ्रास्ट्रक्चरको शेयरमूल्यमा सातौँ दिन पनि पोजेटिभ सर्किट
विराटचोकः फागुन महिनामा आज दोस्रो दिन शेयर बजार घटेको छ । फागुनमा आजसम्म ७ दिन शेयर कारोबार हुँदा आजसहित २ दिन बजार घटेको छ भने ५ दिन बढेको छ । फागुन २ गते शेयर बजार ३३ अंक अर्थात् १ दशमलव ३१ प्रतिशत घटेको थियो । आज बजार ३२ दशमलव ६७ अंक अर्थात् १ दशमलव २४ प्रतिशतले घटेको हो ।
नेप्से परिसूचक २६०७.६७ अंकमा अडिएको छ । राम्रा र बलिया कम्पनीको सूचक सेन्सेटिभ इन्डेक्स पनि ९.२२ अंकले झरेर ४७०.३६ को अंकमा अडिएको छ । नेप्सेमा सूचीकृत १२ वटा समूहमध्ये जलविद्युत २.२९ र अन्य समूह १ दशमलव २९ प्रतिशतले बढेका छन् । अन्य सबै समूहको सूचकमा रातो पोतिएको छ । व्यापार समूह सबैभन्दा धेरै ३ प्रतिशतले ओरालो लाग्दा बैंकिङ समूह २ दशमलव ७२ र विकास बैंक समूह २ दशमलव ३५ प्रतिशतले झरेका छन् ।
नेप्सेमा सूचीकृतमध्ये २ सय ७ कम्पनीका २ करोड १६ लाख १४ हजार ४ सय ५२ कित्ता शेयर ७८ हजार ८ सय ५८ पटक कारोबार हुँदा ८ अर्ब ४० करोड ६३ लाख १० हजार ६ सय ७१ रुपैयाँको शेयर किनबेच भएको छ ।
एनआईसी एशिया बैंकको सर्वाधिक ३८ करोड २४ लाख ७५ हजार २ सय ५३ रुपैयाँको शेयर किनबेच भएको छ । नेपाल इन्फ्रास्ट्रक्चर बैंकको ३२ करोड १२ लाख ३१ हजार ९ सय १७ रुपैयाँ र निर्धन उत्थान लघुवित्तको ३० करोड ८३ लाख ३ हजार ५ सय २२ रुपैयाँको शेयर किनबेच भएको छ । निर्धन उत्थानको शेयर आजसम्म किन्ने लगानीकर्ताले सो कम्पनीले दिने १३ प्रतिशत बोनस शेयर पाउने भएकाले सो कम्पनीको पनि आज उच्च कारोबार भएको थियो । शिखर इन्स्योरेन्स र नेपाल लाइफ इन्स्योरेन्स कारोबार रकमको आधारमा क्रमशः चौथो र पाँचौँ स्थानमा रहे ।
बजार घटे पनि आँखुखोला जलविद्युत, नेपाल इन्फ्रास्ट्रक्चर बैंक, नेपाल हाइड्रो डेभलपर, माथिल्लो तामाकोशी, चन्द्रागिरि हिल्स, शिवश्री हाइड्रोपावर र सनराइज फस्ट म्युचुअल फन्डको शेयरमूल्य १० प्रतिशतले बढेको छ । नेपाल इन्फ्रास्ट्रक्चर बैंकको शेयरमूल्य आज सातौँ दिन पनि १० प्रतिशतले बढेको हो ।
सेन्चुरी कमर्सियल बैंकका शेयरधनीहरुले सबैभन्दा धेरै साढे ५ प्रतिशतले सम्पत्ति गुमाउँदा सिभिल बैंक, मेघा बैंक र नबिल इक्विटी फन्डका शेयरधनीले ५ प्रतिशतभन्दा बढीले सम्पत्ति गुमाएका छन् । माछापुच्छ«े बैंकको शेयरमूल्य पनि साढे ४ प्रतिशतले घटेको छ । बजार घटेसँगै समग्र बजार पूँजीकरण ३५ खर्ब ९३ अर्ब २५ करोड २ लाख ७६ हजार २ सय ६६ रुपैयाँ कायम भएको छ ।
Facebook Comment
नेपाली कांग्रेको दोस्रो विशेष महाधिवेशनबाट सभापति बनेका गगन थापाले फागुन २१ को निर्वाचनका लागि धमाधम टिकट बाँड्न थालेका छन् ।
निर्वाचन आयोगबाट सभापतिको मान्यता पाएसँगै थापाले मंगलबार मनोनयन हुने भएपछि सोमबारदेखि धमाधम उम्मेदवार छानिरहेका छन् ।पहिलो चरणमा हिमाली र उच्च पहाडी जिल्लाका १७ निर्वाचन क्षेत्रका उम्मेदवारहरूलाई टिकट बाँडिसकेका छन् ।
यसअघि समानुपातिक र राष्ट्रियसभाको टिकटमा तत्कालीन सभापति शेरबहादुर देउवाले हस्ताक्षर गरेका थिए । प्रतिनिधिसभाको प्रत्यक्षतर्फ भने गगन आफैंले हस्ताक्षर गरे टिकट दिइरहेका छन् ।कांग्रेसका उम्मेदवार मिलाउन सोमबार राति देउवा र शेखर कोइराला समूहका नेतासँग उनले छलफल गरेका थिए । त्रिपक्षीय छलफलपछि गगनले टिकट बाँड्न थालेका हुन् । थापाले सोमबार नै राति धेरै स्थानको टिकट दिइसक्ने तयारी गरेका छन् ।
पार्टीको आधिकारिकता गुमाएको समूहलाई पनि गगनले समेटेर टिकट दिने तयारी गरेका छन् ।
१. कालिकोट – हर्ष बम
२. डोल्पा – कर्ण बहादुर बुढा
३. ताप्लेजुङ – गजेन्द्र तुम्येहाङ
४. तेह्रथुम – सन्तोष सुब्बा
५. दैलेख–१ – दिक्पाल शाही
६. दैलेख–२ – बासना थापा
७. धनकुटा – दिनेश राई
८. रूकुमपूर्व – कुसुम थापा मगर
९. पाँचथर – नरेन्द्र केरूङ
१०. प्युठान – डा. गोविन्दराज पोखरेल
११. बाजुरा – जनक गिरी
१२. बैतडी – चतुरबहादुर चन्द
१३. मुगु – खड्ग बहादुर बुढा
१४. रोल्पा – डा. सुधन कुमार ओली
१५. सल्यान – केशब बहादुर विष्ट
१६. जुम्ला – दीप बहादुर शाही
१७. हुम्ला – जयपति रोकाया
१८. भोजपुर- बालकृष्ण थापा
१९. अछाम-१, भरतबहादुर स्वाँर
२०. अछाम-२- पुष्पबहादुर शाह
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login