समाचार
नेपाल पत्रकार महासंघ सुनसरीमा जनकऋषि राई विजयी
इटहरीः नेपाल पत्रकार महासंघ सुनसरीमा जनकऋषि राईको प्यानल विजयी भएको छ ।
प्रेस युनियन, प्रेस चौतारी (नेपाल समूह) र प्रेस सेन्टरको गठबन्धनका उम्मेद्वार राईले प्रेस चौतारीको ओली समूहका सन्तोष काफ्ले तथा प्रेस युनियनका बागी उम्मेद्वारहरु सचिन पोखरेल र सुविद गुरागाईंलाई पराजित गरेका हुन् ।
विजयी राईले १ सय २३ मत पाउँदा उनका निकटतम प्रतिद्वन्द्वी वर्तमान कार्य समितिका उपाध्यक्ष रहेका काफ्लेले ६५ मत पाए । पोखरेलले ४५ र गुरागाईंले १० मत पाए ।
निर्वाचित राई महासंघको सुनसरी शाखाका पूर्व सचिव हुन् ।
उपाध्यक्षमा राईको प्यानलका गणेश निरौलाले १ सय ४२ मत पाएर विजयी भए ।
महिला उपाध्यक्षमा राईकै प्यानलकी उषाकिरण भट्टराई १ सय मत पाएर विजयी भइन् । उनकी निकटतम प्रतिद्वन्द्वी स्वतन्त्र रुपमा उम्मेद्वारी दिएकी मनिता चाम्लिङले ५३ मत प्राप्त गरिन् । महिला उपाध्यक्ष पदका लागि ४ जनाको उम्मेद्वारी थियो । सन्तोष काफ्लेको प्यानलबाट उम्मेद्वारी दिएकी सन्जु राईले ४५ र स्वतन्त्र रुपमा उम्मेद्वारी दिएकी रञ्जना पौडेलले ४३ मत पाए ।
सचिव पदमा राईको प्यानलका धु्रव ढकाल विजयी भएका छन् । ढकालले १ सय ४८ मत पाउँदा निकटतम प्रतिद्वन्द्वी काफ्ले समूहबाट उम्मेद्वारी दिएका दिनेश गजमेरले ६४ मत पाए । सचिव पदमा स्वतन्त्र उम्मेद्वारी दिएका भरतराज शर्मा (गोपाल कामत) ले ३१ मत पाए ।
खुला सहसचिवमा तीर्थ काकी र विकल रेग्मीले समान १ सय १५ मत पाएका छन् । सह–सचिव समावेशीमा भोला श्रेष्ठले १ सय ४२ मत ल्याएर विजयी भएका छन् । कोषाध्यक्षमा अजित झा १ सय ३१ मत ल्याएर विजयी भएका छन् ।
सदस्यहरुमा संगम विष्ट, सुस्मिता राई, विबेक रेग्मी, दिपेन्द्र कुमार यादव, निश्चल शर्मा, विरेन्द्र शाह, शान्ता निरौला, शुक्रान्त राई, देबिका चाम्लिङ, पारस चाम्लिङ, महममद मिकाइल, सुविन विश्वकर्मा, आरबी कटुवाल विजयी भएका छन् । उनीहरु सबै राई प्यानलका उम्मेद्वार हुन् ।
सदस्यमध्ये महम्मद मिकाइल, देविका चाम्लिङ, सुबिन विश्वकर्मा र पारस राई निर्विरोध निर्वाचित भएका हुन् ।
सुनसरीका २ सय ६२ मतदाता मध्ये २ सय ४८ जनाले मतदान गरेका थिए ।
Facebook Comment
Banner
भ्रष्टाचार र आगोले सकियो देश नत जनता भ्रष्टाचारका विरुद्ध एक हुन्छ्न नत सरकार प्रशासन गृहमन्त्री जंगलमा लागेको आगो निभाउने प्रयास गर्छ ।
भ्रष्टाचार र आगोले सकियो देश नत जनता भ्रष्टाचारका विरुद्ध एक हुन्छ्न नत सरकार प्रशासन गृहमन्त्री जंगलमा लागेको आगो निभाउने प्रयास गर्छ ।
Banner
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै
मोरङ
सुन्दरहरैचा ४ बासबारी पानिट्याङ्की टोलले आफ्नो टोललाई नमुना टोल बनाउनका लागि विभिन्न कार्यक्रमको आयोजना गर्दै आईरहेको सोहि कार्यक्रम अनुसार आज टोलमा सरसफाइ कार्यक्रमको आयोजना गरिएको थियोे उक्त कार्यक्रममा वडा नं ४ का वडा अध्यक्ष कैलाश बस्नेत को उपस्थिति रहेको थियो । साथै स्थानिय बुद्धिजीवी समाजसेवी र स्थानीय बासिन्दाहरुको उपस्थितिमा टोल सरसफाइ कार्यक्रम गरिएको छ। टोललाई नमुना टोल बनाएर अगाडि बढाउनका लागि नवनिर्वाचित टोल विकास संस्थाकि अध्यक्ष भिमा राई कार्की ज्यूले महत्त्वपूर्ण भुमिका खेल्नुभएको छ। उहाँ भन्नुहुन्छ “स्वास्थ्य रहनु हामी सबैको कर्तव्य हो टोललाई समृद्ध बनाई यस टोलका बालबालिका देखि वृद्ध सम्म कुनै पनि फोहोरजन्य वस्तुको प्रदुषणबाट गुज्रिएर बस्न नपरोस् भनेर हामीले प्रत्येक महिना टोलका हरेक बाटो नहरहरुमा सरसफाइ कार्यक्रम सुरु गर्न थालेको कुरा जानकारी दिनुभएको छ।”
साथै अन्य धेरै कार्यक्रमहरुलाई अगाडि बढाउदै आईरहेको कुरा पनि उहाँले बताउनुभयो ।
Banner
टी–२० विश्वकप क्रिकेट खेल्ने नेपाली टोलीको बिदाइ
टी–२० विश्वकप खेल्ने नेपाली टोलीको बिदाइ गरिएको छ । अमेरिका र वेस्ट इन्डिजमा आउँदो जुनमा हुने टी–२० विश्वकपका लागि नेपाली राष्ट्रिय टोली दुई चरणमा भोलि फ्लोरिडा जाने तालिका छ । नेपाल क्रिकेट सङ्घ (क्यान) ले हिजो एक कार्यक्रमकाबीच टोलीको बिदाइ गरेको हो ।
बिदाइ कार्यक्रममा उपप्रधान तथा गृहमन्त्री रवि लामिछाने, युवा तथा खेलकुदमन्त्री विराजभक्त श्रेष्ठ, क्यानका अध्यक्ष चतुरबहादुर चन्दलगायतको उपस्थिति रहेको थियो । नेपाली टोलीमा कप्तान रोहितकुमार पौडेलसहित आसिफ शेख, अनिलकुमार साह, कुशल भुर्तेल, कुशल मल्ल, दीपेन्द्रसिंह ऐरी, ललित राजवंशी, करण केसी, गुल्सन झा, सोमपाल कामी, प्रतिश जीसी, सन्दीप जोरा, अविनाश बोहरा, सागर ढकाल र कमलसिंह ऐरी रहेका छन् ।
टी–२० विश्वकपमा नेपाल समूह ‘डी’ मा छ । यो समूहमा दक्षिण अफ्रिका, श्रीलङ्का, बङ्गलादेश र नेदरल्यान्ड्स रहेका छन् । वेस्ट इन्डिज भने विश्वकपको समूह ‘सी’ मा छ । नेपाल र वेस्ट इन्डिज ‘ए’ टोलीबीचको पाचौँ तथा अन्तिम टी–२० क्रिकेट आज हुँदैछ ।
वेस्ट इन्डिज ‘ए’ ले यसअघि नै श्रृङ्खला ३–१ ले जितिसकेको छ । आजको अन्तिम खेलपछि नेपाली टोली भोलि फ्लोरिडा जानेछ । नेपालले आईसीसी टी–२० विश्वकपको तयारी स्वरूप वेस्ट इन्डिज ‘ए’ सँग पाँच खेलको श्रृङ्खला खेलेको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login