स्थानीय तह
सुन्दरहरैंचा बजार अनुगमनः अनिषा बेकरी उत्पादन मिति नराखी बजारमा बिस्कुट पठाउँदै
विराटचोकः अनिषा बेकरी उद्योगले उत्पादन मिति नराखी बजारमा सामान पठाउने गरेको पाइएको छ ।
मोरङको सुन्दरहरैंचा नगरपालिका वडा नम्बर १० मा सञ्चालित उद्योगको सुन्दरहरैंचा नगरपालिकाले अनुगमन गरेको हो । अनुुगमनका क्रममा बासी तेलमा पाउरोटी बनाउने गरेको र बेकरीहरुमा उत्पादनको मिति र समय नराखी बजारमा पठाइएकाले अनुगमन गरी जरिवाना गरिएको छ । यसका साथै ७ दिन भित्र प्रक्रिया पूरा गरेर मात्र उद्योग सञ्चालन गर्न निर्देशन दिएको अनुगमन समिति सदस्य अधिकृत जीवनप्रसाद चापागाईले बताए ।
शेख कलामले ८ वर्ष अघिदेखि यो उद्योग सञ्चालन गर्दै आएका थिए । उत्पादन मिति नराखी बजार पठाउन तयारी गरिएको बिस्कुट जफत समेत गरिएको छ ।

यसैबीच हरैंचा बजार, बेलेपुर र खोर्सानेका खाद्य किराना पसलमा पनि अनुगमन गरिएको छ । अनुगमनका क्रममा तेल, सस, चाउचाउ, मसला, बिस्कुटलगायतका सामग्री म्याद गुज्रिएको पाइएकाले जफत गरिएको छ । खोर्साने स्टोर, तिलहरी मार्केट, सुपर मिनी मार्केट, घिमिरे होलसेल किराना पसल, विमल किराना पसल, सुरज किराना पसल लगायत पसलमा मूल्य सूची नराखिएको पाइएकाले सचेत गराइएको खाद्य प्रविधि शाखा सुन्दरहरैंचाकी आस्मा खुलालले बताइन् ।
सुन्दरहरैंचा नगरपालिका, उद्योग वाणिज्य संघ, प्रहरी प्रशासन, जनप्रतिनिधिको संयुक्त अनुगमन समितिले अनुगमनलाई तीव्रता दिएको छ ।

चाडपर्व नजिकिँदै जाँदा बजार अनुगमन गर्दै सुन्दरहरैंचा नगरपालिका
Banner
भारतमा बस दुर्घटना, चार जनाको मृत्यु, ५० भन्दा बढी घाइते
उत्तरी भारतको एक्सप्रेसवेमा मंगलबार बाक्लो कुहिरोको बीचमा सातवटा बसहरू एकअर्कासँग ठोक्किएर आगलागी हुँदा कम्तिमा चार जनाको मृत्यु हुनुका साथै ५० जना भन्दा बढी घाइते भएको स्थानीय प्रहरीलाई उदृत गर्दै सिन्ह्वाले जनाएको छ । प्रहरीले मथुरा जिल्लाको दिल्ली–आगरा एक्सप्रेसवेमा बसहरूको ठक्करको कारणले उनीहरूको ज्यान गएको जनाउदै घटनाको पुष्टि गरेको छ । घाइतेहरूलाई उपचारको लागि स्थानीय अस्पतालमा भर्ना गरिएको प्रहरीले जनाएको छ ।सामाजिक सञ्जालमा राखिएको भिडियो फुटेजमो गाडीबाट ठुलो आगो निस्किएको देखाइएको छ । घाइतेहरू मध्ये केहीको अवस्था गम्भीर रहेकाले मृतकको सङ्ख्या बढ्ने सम्भावना रहेको बताइएको छ ।
Banner
सातौँ झापा गोल्डकप माघको अन्तिम हप्तादेखि हुने
झापा गोल्डकपको सातौँ संस्करण आउँदो माघ अन्तिम हप्तादेखि हुने भएको छ । अखिल नेपाल फुटबल सङ्घ (एन्फ)ले निकालेको पछिल्लो तालिकाअनुसार झापा गोल्डकप माघ २४ गतेदेखि शुरु हुने भएको हो ।
गएको वैशाखमा ज्यान गुमाएका झापा गोल्डकपका निवर्तमान अध्यक्ष विनोद बस्नेतको स्मृतिमा आयोजना गर्न लागिएको प्रतियोगिता बिर्तामोडमा रहेको डोमालाल राजवंशी रङ्गशालामा हुनेछ । प्रतियोगितामा तीन विभागीय टोली, दुई विदेशी, झापा ११ एफसी र ‘ए’ डिभिजनसहित १० टोली सहभागिता हुने गोल्डकपका अध्यक्ष केदार गिरीले जानकारी दिनुभयो ।
प्रतियोगिताको फाइनल खेल फागुन ४ गते हुनेछ । प्रतियोगिताको विजेताले नगद १५ लाख र उपविजेताले ८ लाख रुपैयाँ पुरस्कार पाउने छन् । प्रतियोगिता सम्पन्न गर्न झन्डै १ करोड ५० लाख रुपैयाँ खर्च अनुमान गरिएको कोषाध्यक्ष चन्द्र कट्टेलले जानकारी दिनुभयो ।
प्रतियोगिताको सर्वोत्कृष्ट खेलाडीलाई एउटा मोटरसाइकल, उत्कृष्ट गोलकिपर, उच्च गोलकर्ता, उदीयमान खेलाडी र प्रशिक्षकलाई जनही २५ हजार तथा हरेक खेलको प्लेयर अफ द म्याचलाई नगद ११ हजार रुपैयाँ दिइने आयोजकले जनाएको छ ।
Banner
एमाले अध्यक्ष चयनका लागि आज मतदान, ओली–पोखरेल आमनेसामने
नेकपा (एमाले) को ११औँ राष्ट्रिय महाधिवेशनअन्तर्गत आज नयाँ नेतृत्व चयनका लागि मतदान हुँदैछ । केन्द्रीय निर्वाचन आयोगका अनुसार मतदान बन्दसत्र स्थल भृकुटीमण्डप काठमाण्डौमा दिउँसो १ बजेदेखि शुरु हुनेछ ।
मतदान बेलुका ७ बजेसम्म चल्नेछ । अध्यक्ष पदका लागि केपी शर्मा ओली र ईश्वर पोखरेल प्यानलसहित प्रतिस्पर्धामा हुनुहुन्छ । आयोगले हिजो अबेर सार्वजनिक गरेको उम्मेदवारको प्रारम्भिक नामावलीअनुसार अध्यक्ष पदमा ओली र पोखरेलबीच नै प्रतिस्पर्धा हुने भएको हो ।
महाधिवेशनमा विद्युतीय भोटिङ मेसिन प्रयोग गरिँदैछ । आयोगका अध्यक्ष डा. विजय सुब्बाका अनुसार ल्याइएका एक सय वटा मेसिनमध्ये ८० वटा मतदानका लागि प्रयोग हुनेछन् ।
बाँकी १० वटा अभ्यासका लागि र १० वटा अतिरिक्त मेसिनको रूपमा राखिएको छ । एक जनाले मत खसाल्न झण्डै २५ देखि ३० मिनेट समय लाग्ने अनुमान छ । महाधिवेशनमा कुल २ हजार २ सय ६३ प्रतिनिधि सहभागी छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने













Pingback: बजार अनुगमनको समाचार सङ्कलनका लागि पुगेका सञ्चारकर्मीमाथि व्यापारीको दुर्व्यवहार - निष्पक्षख