कोशी प्रदेश
मिडियाको साधारण सभाका वक्ताले भने, ‘नगरमा मिडियाको आवश्यकता छ तर स्थापित हुन समस्या छ’
विराटचोकः मोरङको विराटचोकमा सञ्चालनमा रहेको रेडियो सुसेलीको सञ्चालक संस्था एकता मिडिया प्रालिको साधारण सभामा उपस्थित वक्ताले विराटचोकमा मिडियाको आवश्यकता भए पनि मिडिया चलाउन गाह्रो हुने आफूले बुझेको धारणा राखे ।
साधारण सभामा प्रमुख अतिथिको आसनबाट बोल्दै प्रदेश सांसद राजकुमार ओझाले प्रतिष्ठित व्यक्ति शेयर सदस्य रहेको एकता मिडिया प्रालिको प्रवद्र्धन गर्नु सबैको दायित्व भएको बताए । सुन्दरहरैंचा नगरपालिका उपमहानगरपालिका बन्ने क्रममा रहेको र उपमहानगर बन्न आवश्यक पर्ने सूचकमा मिडियाको उपस्थिति पनि एक सूचक रहेको हुनाले नगरभित्रका मिडियाको प्रवद्र्धन गर्न सबै निकाय लाग्नुपर्ने बताए ।
सुन्दरहरैंचा नगरपालिकाका प्रमुख शिवप्रसाद ढकालले स्थानीय मिडिया प्रवद्र्धनमा नगरपालिकाले सहयोग गरिरहेको बताए । नगरपालिकाले मिडियालाई दिने सूचनाहरुमा स्थानीय मिडियालाई प्राथमिकता दिएको उनको भनाइ थियो ।
नगरपालिकाकी उपप्रमुख धनमाया तामाङले पाठक थोरै भए पनि नगरक्षेत्रबाट एउटा पत्रिका प्रकाशन गर्न पनि आवश्यक देखिएको बताइन् ।
एकता मिडिया प्रालिका संस्थापक अध्यक्ष भोलेश्वर दुलालले यस क्षेत्रमा रेडियोको आवश्यकता देखेर रेडियो सुसेली सञ्चालन गरिएको बताए । अहिलेसम्मका सबै सञ्चालक समिति र कर्मचारीले राम्रोसँग काम गरिरहेको बताउँदै उनले एक कार्यकाल यही समितिलाई संस्था सञ्चालनको जिम्मेवारी दिनुपर्ने बताए ।
सुुन्दरहरैंचा नगरपालिकाको वडा नम्बर १२ का अध्यक्ष रोशन ढकालले साना साना स्थानीय समाचारलाई रेडियोमार्फत् सबैतिर प्रचार गराउनमा रेडियो सुसेलीको महत्वपूर्ण भूमिका रहेको बताए । रेडियोलाई बन्द हुनबाट जोगाउन सबै लाग्नुपर्ने उनको भनाइ थियो ।
निजी तथा आवासीय विद्यालय अर्गनाइजेसन प्याब्सन मोरङका अध्यक्ष अर्जुन बस्नेतले सुन्दरहरैंचामा संस्थागत रुपमा सञ्चारको विकास गरी नगरवासीलाई सुसूचीकृत गर्न रेडियो सुसेली सफल भएको बताए ।
उत्कृष्ट कर्मचारी पुरस्कृत
कार्यक्रममा एकता मिडिया प्रालिका व्यवस्थापक खडानन्द ढुंगानालाई दोसल्ला, प्रमाणपत्र र नगद ५ हजार १ सय रुपैयाँसहित सम्मान गरिएको थियो । उनलाई कार्यक्रमका प्रमुख अतिथि ओझालगायतले सम्मान गरेका थिए ।
कार्यक्रममा संस्था सञ्चालक समितिका अध्यक्ष रमेश खड्काले वार्षिक प्रतिवेदन तथा लेखा संयोजक रेवन्त कार्कीले लेखा समितिको प्रतिवेदन प्रस्तुत गरेका थिए ।
कार्यक्रमको सञ्चालन संस्थाको सञ्चालक समिति सदस्य सन्तोष वान्तवाले गरेका थिए ।
Facebook Comment
हिजो सफा रहेको मौसम आजदेखि फेरि बदली हुने भएको छ । आज बेलुकीदेखि पर्सि शनिबारसम्म देशका धेरै ठाउँमा चट्याङ, हावाहुरी र असिनासहित पानी पर्ने सम्भावना रहेको मौसमविदले बताएका छन् ।
आज कर्णाली र सुदूरपश्चिम प्रदेशको पहाडी र हिमाली भूभागका केही ठाउँहरु, लुम्बिनी र गण्डकी प्रदेशको पहाडी र हिमाली भूभागका थोरै ठाउँहरु तथा कोशी र बागमती प्रदेशको पहाडी र हिमाली भूभाग लगायत सुदूरपश्चिम प्रदेशको तराईका एक, दुई ठाउँमा मेघगर्जन, चट्याङ्ग र असिनासहित मध्यम वर्षा र हिमपातको सम्भावना रहेको मौसम पूर्वानुमान महाशाखाले जनाएको छ ।
प्रिमनसुनको योबेला दिउँसोपछि हावाहुरीसमेत चल्न सक्ने भएकाले सावधानी अपनाउन महाशाखाले आग्रह गरेको छ । भोलि र पर्सि पनि धेरै ठाउँमा चट्याङसहित वर्षा र हिमपातको सम्भावना रहेको मौसमविदको भनाइ छ ।
जलवायुविज्ञ उज्जवल उपाध्यायले भोलि बेलुकीदेखि पर्सि बिहानसम्म पहाडीमार्गमा यात्रा नगर्न, पूर्वाधार निर्माण तथा उच्चहिमाली भूभागमा पदयात्रा स्थगन गर्न सुझाव दिनुभएको छ ।
ज्ञानज्योती इङ्लिश स्कुलको २८औँ वार्षिक उत्सव तथा अभिभावक दिवस भव्य रूपमा सम्पन्न भएको छ।
कार्यक्रमका अवसरमा शिक्षा क्षेत्रमा योगदान पुर्याएका दुई जना शिक्षा सेवि तथा पाँच जना सञ्चारकर्मीलाई सम्मान गरिएको थियो। शिक्षा सेवितर्फ पञ्चायत माध्यमिक विद्यालयका पूर्व प्रधानाध्यापक टोम बहादुर श्रेष्ठ र पूर्व शिक्षक लक्ष्मी खरेल सम्मानित हुनुभयो। त्यसैगरी सञ्चारकर्मीतर्फ शिव भट्टराई, भोजपुरे, खेमचन्द्र अधिकारी, ग्याननाथ ढकाल, मनिराम दाहाल र लीलानाथ गच्छेदारलाई सम्मान गरिएको थियो।
उत्सवमा विद्यालयका विद्यार्थीहरूले एजुकेशनल एक्जिबिशन, विभिन्न प्रदर्शनी, नाटक, नृत्य तथा गायन प्रस्तुत गर्दै आफ्नो प्रतिभा प्रदर्शन गरेका थिए। विद्यार्थीहरूको सक्रिय सहभागिताले कार्यक्रमलाई थप आकर्षक बनाएको थियो।
विद्यालयकी प्रधानाध्यापिका देवी सिटौलाको अध्यक्षतामा सम्पन्न कार्यक्रममा नगर उपप्रमुख अकली देवी चौधरी प्रमुख अतिथिका रूपमा उपस्थित हुनुहुन्थ्यो। कार्यक्रममा जनप्रतिनिधि, समाजसेवी, विद्यालय व्यवस्थापन समिति, अभिभावक तथा स्थानीयवासीहरूको उल्लेखनीय उपस्थिति रहेको थियो।
कार्यक्रमले विद्यार्थीहरूको क्षमता अभिवृद्धि गर्नुका साथै शिक्षा र सहकार्यको महत्व उजागर गरेको विद्यालयले जनाएको छ।
प्रतिनिधि सभा निर्वाचनबाट समानुपातिकतर्फ सांसद बनेकाहरुले भोलि बिहीबार निर्वाचन आयोगमामार्फत प्रमाणपत्र पाउने भएका छन् । आयोगले बिहीबार समानुपातिकतर्फका कुल ११० सांसदलाई प्रमाणपत्र दिने भएको हो ।निर्वाचन आयोगका अनुसार, निर्वाचित सांसदहरुले प्रमाणपत्र पाएपछि आगामी चैत्र १२ गते सपथको तयारी गरिएको हो । त्यसपछि मात्र सरकार गठन हुनेछ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login