कला / साहित्य
नझरेका फूलहरुद्वारा गायिका ज्ञानु राणा सम्मानित
विराटचोकः नझरेका फूलहरुले वरिष्ठ गायिका ज्ञानु राणालाई सम्मान गरेको छ । मोरङको सु्न्दरहरैंचा नगरपालिकाको विराटचोकमा रहेको नझरेका फूलहरु कला केन्द्रले शनिबार ज्ञानु राणा पलेँटी साँझ आयोजना गरी सम्मान गरेको हो । जीवितै रहँदा नै स्रष्टा र सर्जकलाई सम्मान गर्ने उद्देश्यले कार्यक्रम आयोजना गरिँदै आएको संस्थाले जनाएको छ ।
कार्यक्रममा बोल्दै गायिका राणाले १४ वर्षको उमेरदेखि गायन यात्रामा रहेर आज ७० वर्षसम्म बाँचेर यो सम्मान पाउँदा हर्षले गदगद भएको बताइन् । आफूसँगै रेडियो नेपालमा गीत गाएका धेरै साथीहरु सम्झनामा मात्र सीमित हुँदा उनी निकै भावुक देखिन्थिन् ।
‘नारायण गोपाल दाइ, गोपाल योन्जन दाइ, प्रोमध्वज प्रधान दाइ, तारादेवी, अरुणा लामा, कोइली देवी हामीले सँगै काम गर्यौँ,’ उनले भनिन्, ‘एउटा गीतको १ महिना रिहल्सल हुने गथ्र्यो । कालजयी गीत हुन धेरैधरै मेहनेत गरिन्थ्यो । वाइहार्ट भएर गाइन्थ्यो ।’ गायनसँगै वाद्यवादनका कलाकारको धेरै धेरै ठुलो भूमिका हुने बताउँदै उनीहरुलाई सम्मानभावले हेर्नुपर्ने उनले बताइन् ।
सरस्वती वन्दना भजनबाट प्रस्तुति शुरु हुँदा चिसो मौसम गुन्जयमान भएको थियो । उनले सल्लै हो जोवन कल्लाई हो …, सुन मेरो निरमाया…, च्याङ्वा ओए च्याङ्बा…, कसैले बुझेन मेरो मनको वहलाई, साँघुरीगढी नि हो त्यो धारापानी…, कालीपारे दाइ कति राम्रो …, भिज्यो मेरो रातो पछ्यौरी… लगायतका गीत प्रस्तुत गरेकी थिइन् ।
उनलाई गीतमा गायक दुर्गा पराजुलीले साथ दिएका थिए । गायक पराजुलीले राणाका पिता जनकवि केशरीको ‘जन्मेको देशलाई नेपालीले माया मार्यो बरी लै…’ गाउँदा वर्तमान परिस्थितिलाई उजागर गरेको भान हुन्थ्यो । त्यसबेला दार्जिलिङ, आसाम, बर्मा, सिमला र ल्हासामा चौकीदार र गोठालाजस्ता शब्दले आजको अवस्थाको कहानी भनेको भान भएको थियो । आज पनि युवा पुस्ता परिवार पाल्न विदेशिनु परेको परिस्थितिलाई गीतले टपक्कै टिपेको थियो ।
सुमधुर स्वरकी धनि गायिका पम्फा चाहारले कार्यक्रमलाई सङ्गीतमय बनाएकी थिइन् ।
कार्यक्रममा प्रमुख अतिथि समाजसेवी सुरेन्द्रबहादुर थापा, विशिष्ट अतिथि साहित्यकार मनु मञ्जिल, अतिथि राजेन्द्रबहादुर थापा ‘राजेश’ लगायतको उपस्थिति रहेको थियो । कार्यक्रमको सभापतित्व कार्यक्रमका सह आयोजक एकता युवा क्लवका अध्यक्ष विक्रम साम्पाङले गरेका थिए । कार्यक्रम सञ्चालन नझरेका फूलहरुका प्रस्तोता केपी घिमिरेले गरेका थिए ।
Facebook Comment
Banner
जेलेन्स्कीको हत्या गर्ने योजना बनाएको आरोपमा दुई सुरक्षा अधिकारी पक्राउ
युक्रेनी राष्ट्रपति भोलोडिमिर जेलेन्स्कीको हत्या गर्ने योजना बनाएको आरोपमा दुई युक्रेनी सुरक्षा अधिकारीलाई पक्राउ गरिएको छ ।
युक्रेनको राज्य सुरक्षा सेवा (एसबीयू) ले सुरक्षा इकाईका दुई कर्णेललाई हिरासतमा लिइएको छ र रुसलाई गोप्य जानकारी चुहाएको आरोप लगाइएको जनाएको छ ।
एसबीयूले रूसको राज्य सुरक्षा सेवा सँग सम्बन्धित एजेन्टहरूको नेटवर्कको पर्दाफास भएको बताउँदै उनीहरूले जेलेन्स्कीको हत्या गर्ने योजना बनाएको र ति योजना असफल बनाएको बताएको छ ।
एसबीयूले उनीहरुले एसबियुका प्रमुख र युक्रेनको रक्षा गुप्तचर प्रमुखसहित अन्य वरिष्ठ युक्रेनी अधिकारीहरूलाई पनि निशाना बनाएको बताएको छ ।
Banner
च्याम्पियन्स लिग : पीएसजीलाई हराउँदै डर्टमन्ड फाइनलमा
यूईएफए च्याम्पियन्स लिग फुटबलमा फ्रान्सेली क्लब पेरिस सेन्ट जर्मेइन (पीएसजी) लाई हराउदै जर्मन क्लब बोरुसिया डर्टमन्ड फाइनलमा पुगेको छ । पीएसजीको घरेलु मैदान पार्क डेस प्रिन्सेसमा गएराति भएको सेमिफाइनलको दोस्रो लेगको खेलमा डर्टमन्डले पीएसजीलाई १–० ले हराएको हो । उसका म्याट्स हुमेल्सले खेलको ५० औँ मिनेटमा गोल गरे ।
यसअघि भएको पहिलो लेगमा घरेलु टोली डर्टमन्डले १–० को अग्रता लिएको थियो । समग्रमा २–० को जितसहित डर्टमण्ड च्याम्पियन्स लिगको फाइनलमा पुगेको हो । अर्काे सेमिफाइनलको दोस्रो लेगमा रियल मड्रिड र बार्यन म्युनिख खेल्दैछन् । च्याम्पियन्स लिगको फाइनल खेल आउँदो जुन २ तारिखमा हुनेछ ।
Banner
आज – २५ बैशाख २०८१ मंगलवार को राशिफल
मेष
मेष (चु, चे, चो, ला, लि, लु, ले, लो, अ) राजनैतिक कार्यमा सफलता मिल्नेछ । विपरीत वर्ग प्रति आकर्षण बढ्नेछ । घरमा अतिथिको आगमन हुनेछ, तर स्वास्थ्यको ख्याल गर्नु पर्नेछ ।
मिथुन
मिथुन (का, कि, कु, घ, ङ, छ, के, को, हा) आज शुभ कार्यमा सरिक भइनेछ । चिताएको कामले तीव्रता लिनेछ । कलासाहित्यमा रुचि बढ्नेछ । वैदेशिक कार्य पनि अघि बढ्नेछ ।
सिंह
सिंह (मा, मि, मु, मे, मो, टा, टि, टु, टे) समाजसेवामा मन लाग्नेछ । ठीक समयमा सही निर्णय लिन सकिनेछ । महत्वपूर्ण कामको थालनी हुनेछ । कुनै कुराले मनमा शान्ति छाउनेछ ।
तुला
तुला (रा, रि, रु, रे, रो, ता, ति, तु, ते) आज रमाइलो यात्राको सम्भावना छ । रोकिएको धन हात पर्ला । नयाँ ज्ञान सिक्ने मौका मिल्नेछ । स्वादिष्ट भोजनको आनन्द समेत पाइएला ।
धनु
धनु (ये, यो, भा, भि, भु, धा, फा, ढा, भे) आज महिला वर्गबाट विशेष साथ र सहयोग मिल्नेछ । अरुलाई प्रभावित पारेर काम बन्नेछ । सामाजिक क्षेत्रबाट पनि राम्रो सहयोग पाइनेछ ।
कुम्भ
कुम्भ (गु, गे, गो, सा, सि, सु, से, सो, दा) आज छोटो दुरीको लाभदायक यात्रा रहला । एकपछि अर्को अवसर आउनाले मन प्रसन्न रहनेछ । मनोरञ्जनको क्षेत्रमा सफलता मिल्नेछ ।
बृष
वृष (इ, उ, ए, ओ, वा, वि, वु, वे, वो) आज आफूलाई कमजोर भएको अनुभूति हुनेछ । मन खिन्न हुने स्थिति आउनेछ । शरीर भारी र मन अस्थिर रहने संकेत पनि देखिन्छ ।
कर्कट
कर्कट (हि, हु, हे, हो, डा, डि, डु, डे, डो) चलाखीपूर्ण बोलीले सिद्ध हुनेछ । साथीभाइसँग समय बित्नेछ । व्यवसायको सन्दर्भमा आदर्श व्यक्तित्व सँगको सहकार्यले नयाँ अनुभव मिल्नेछ ।
कन्या
कन्या (टो, पा, पि, पु, ष, ण, ठ, पे, पो) आज स्वास्थ्यमा समस्या आउनसक्छ । सहकर्मीबाट विरोध आउला । गरेका काममा ढिलासुस्ती हुनेछ । महत्वपूर्ण कार्यमा व्यवधान आइपर्ला ।
बृश्चिक
वृश्चिक (तो, ना, नि, नु, ने, नो, या, यि, यु) आज पारिवारिक जमघटमा मन रमाउनेछ । मन पर्ने वस्त्र, अलंकार आदि उपहार पाइने योग छ । धर्मकर्म तथा समाजसेवामा मन लाग्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) अधिकार प्राप्तिका लागि संघर्ष गर्नु पर्ला । दुष्ट व्यक्तिको सङ्गतिले आत्मघाती काम गर्न पुगिएला सचेत रहनुहोला । अल्छीपना पनि बढ्नेछ ।
मीन
मीन (दि, दु, थ, झ, ञ, दे, दो, चा, चि) श्रमको उचित मूल्याङ्कन हुनेछ । बिनाप्रतिस्पर्धा फाइदा हुने योग छ । जोशजाँगर र उमंग बढ्ला । आर्थिक कारोबारमा सफलता पाइएला । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login