कला / साहित्य
३० जना कविका रचना सङ्ग्रहित सुन्दरहरैंचा दर्पण आज लोकार्पण हुँदै
विराटचोकः सुन्दरहरैंचाका ३० जना कविका रचना सङ्कलन गरेर तयार भएको सुन्दरहरैंचा दर्पण नामक संयुक्त कविता सङ्ग्रह आज लोकार्पण हुने भएको छ । सुन्दरहरैंचा कला साहित्य विकास समितिद्वारा प्रकाशित तथा छवि वैरागी घिमिरे र दीपकप्रसाद न्यौपानेद्वारा सम्पादित सो सङ्ग्रहमा २ जना महिला सर्जकसहित ३० जना सर्जकका रचना समेटिएका छन् ।
सुन्दरहरैंचामा धेरै स्रस्टा भए पनि उनीहरुका सिर्जना प्रकाशित हुन नसकिरहेको अवस्थामा हरेक सर्जकका ५ वटा साहित्यिक सिर्जना समेटिएको सुन्दरहरैंचा कला साहित्य विकास समितिका अध्यक्ष तथा संयुक्त कविता सङ्ग्रहका प्रधान सम्पादक छवि वैरागी घिमिरेले बताए ।
संयुक्त कविता सङ्ग्रह प्रकाशन हुनु सुन्दरहरैंचाको गौरवको विषय भएको घिमिरेले बताए । सङ्ग्रहका सम्पादक दीपकप्रसाद न्यौपानेले लेखेको ‘सुन्दरहरैंचाको भू– सांस्कृतिक परिवृत्त’ आवरण लेखले समग्र सुन्दरहरैंचाको परिचय पनि दिने प्रयास गरेको उनको भनाइ छ ।
कार्यक्रममा साहित्यिक विमर्श, भाषिक गोष्ठी, रचना वाचन र साङ्गीतिक कार्यक्रम हुने घिमिरेले बताए । त्यस्तै, स्रष्टा सम्मानअन्तर्गत गायक रामा मण्डल र लक्ष्मी सृजन बजगाईँ तथा साहित्यकार मोहनप्रसाद काफ्लेलाई सम्मान गरिने भएको छ ।
Facebook Comment
Banner
बालबालिकालाई आज र भोलि भिटामिन ‘ए’ र जुकाको औषधी खुवाइँदै
सरकारले ६ महिनादेखि ५ वर्ष मुनिका बालबालिकालाई आज र भोलि देशैभर भिटामिन ‘ए’ क्याप्सुल खुवाउँदै छ ।
स्वास्थ्य तथा जनसंख्या मन्त्रालयले सो उमेर समूहका बालबालिकालाई रोगहरूबाट जोगाउन भिटामिन ‘ए’ क्याप्सुल खुवाउनुका साथै नियमित खोप लगाउन छुटेकाहरूलाई नजिकैको स्वास्थ्य केन्द्रमा गएर खोप लगाउन आग्रह गरेको छ । मन्त्रालयका अनुसार भिटामिन ‘ए’ क्याप्सुल ६ महिनादेखि ५९ महिनासम्मका बालबालिका तथा जुकाको औषधि एक देखि पाँच वर्षसम्मका बालबालिकालाई खुवाइने छ ।
भिटामिन ‘ए’ करिब ३२ लाख बालबालिका र जुकाको औषधि करिब २९ लाख बालबालिकालाई खुवाइने मन्त्रालयले जनाएको छ । सरकारले बालबालिकामा हुनसक्ने स्वास्थ्य जटिलता तथा कुपोषणको जोखिम न्यूनीकरणका लागि २०५० सालदेखि भिटामिन ‘ए’ क्याप्सुल र २०५६ सालदेखि जुकाको औषधि नियमित रुपमा खुवाउन थालेको हो ।
राष्ट्रिय भिटामिन ‘ए’ कार्यक्रमका लागि ५२ हजार महिला स्वास्थ्य स्वयंसेविका र १० हजार स्वास्थ्यकर्मी खटिने मन्त्रालयले जनाएको छ । सरकारले प्रत्येक वर्ष बालबालिकालाई वैशाख र कात्तिक महिनामा भिटामिन ‘ए’ र जुकाको औषधि निःशुल्क रुपमा खुवाउँदै आएको छ ।
Banner
आज विदेशी मुद्राको विनिमय दर कति ?
नेपाल राष्ट्र बैंकले बिहीबारका लागि विदेशी मुद्राको विनिमय दर निर्धारण गरेको छ ।
Banner
साविक विजेता सिटीलाई हराउँदै रियल पुग्यो सेमिफाइनलमा
साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login