स्थानीय तह
सुन्दरहरैंचाको मेयरमा डा. भट्टराईले स्वतन्त्र उम्मेद्वारी दिने
विराटचोकः सुन्दरहरैंचा–५ का बासिन्दा डा. प्रकाश भट्टराईले स्थानीय तहको निर्वाचनमा सुन्दरहरैंचाको मेयर पदमा स्वतन्त्र उम्मेद्वारी दिने भएका छन् । आज विराटचोकमा आयोजित पत्रकार सम्मेलनमा उम्मेद्वारी घोषणा गर्दै उनले आफ्ना प्रतिबद्धता सार्वजनिक गरेका हुन् ।
शान्ति तथा द्वन्द्व अध्ययन विषयमा अमेरिका र न्युजिल्याण्डबाट स्नातकोत्तर र विद्यावारिधी गरेका भट्टराई लामो समयदेखि नीति विश्लेषक र अनुसन्धानकर्ताको रुपमा क्रियाशील छन् । २० वर्षभन्दा बढी समय सङ्घीयता, स्थानीय शासन प्रणाली, द्वन्द्व व्यवस्थापन, मानव अधिकार, सुशासन, लोकतन्त्रलगायतका सामाजिक राजनीतिक क्षेत्रमा व्यवस्थापकको रुपमा काम गरेको अनुभव आफूसँग भएको उनले बताए । आफ्नो अनुभव र विद्वतालाई स्थानीय तहमा प्रयोग गरेर देशकै नमूना नगर बनाउन आफू सक्षम हुनेमा आफू विश्वस्त भएको र मतदातालाई पनि विश्वास दिलाउन लागिपरेको उनको भनाइ थियो ।
वैकल्पिक उम्मेद्वारको आवश्यकता देखिएकाले सुन्दरहरैंचाको मेयर पदमा उम्मेद्वारी दिने निर्णय गरेको उनले बताए । चुनाव खर्चिलो बन्दै गएको र न्यून आर्थिक अवस्था भएकाले उम्मेद्वारै बन्न नसक्ने अवस्थाको अन्त्य गर्न जरुरी रहेको उनको भनाइ छ । त्यसको अन्त्यका लागि निर्वाचन आयोगले तोकेको खर्च सीमाभित्र रहेर पनि उम्मेद्वार बन्न सकिन्छ र कम खर्चमा अरुको भन्दा राम्रो चुनावी अभियान गरेर नेतृत्व तहमा पुग्न सकिन्छ भन्ने आफूले प्रमाणित गर्ने उनले बताए । आफ्नो उम्मेद्वारीले राजनीतिमा आउन चाहेका तर भड्किलो चुनावी खर्च देखेर आँट नगरेका युवा अघि बढ्न पनि सहज हुने उनको भनाइ थियो ।
सुशासनलगायतका ४ वटा ‘स’ मा आधारित रहेर आफूले घोषणापत्र तयार पारेको र सोही घोषणापत्रअनुसार आफू अघि बढ्ने हुनाले आफ्नो जीत निश्चित रहेको बताउँदै उनले स्थानीय सरकारलाई सेवक सरकारको रुपमा अघि बढाउन आफू प्रतिबद्ध रहेको उनले औँल्याए । आफ्ना योजना, कार्यक्रम तथा लक्ष्यको बारेमा जानकारी दिन र मतदाताको सल्लाह सुझाव लिने गरी अन्तरक्रियात्मक अभियान लिएर चाँडै आफू घरदैलो कार्यक्रममा सहभागी हुने उनले बताए ।
सुन्दरहरैंचामा सम्मानजनक गठबन्धनको पक्षमा एकीकृत समाजवादी, भनेजस्तो नभए गठबन्धन नगर्ने
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login