विराटचोकः बैशाख ३० गते हुने स्थानीय तहको निर्वाचनका लागि उमेद्वार सिफारिशलाई नेकपा एमालेले तीव्रता दिएको छ । सुन्दरहरैंचामा भने उम्मेद्वारको लागि नाम सिफारिश गर्न केही समय लाग्ने भएको छ । सुन्दरहरैंचामा मेयरको लागि ११ जना र उपमेयरको लागि ७ जना आकाङ्क्षी रहेका छन् ।
सो पार्टीबाट हालकी उपप्रमुख धनमाया तामाङसहित ११ जना मेयरका आकाङ्क्षी देखिएका छन् । अन्य नाममा प्रदेश कमिटी सदस्य राजकुमार ओझा तथा प्रदेश कमिटी सचिवालय सदस्यद्वय नागेश पोखरेल र हरि घिमिरे रहेका छन् । त्यस्तै, नगर अध्यक्ष मातृकाबाबु ढकाल, प्रदेश सदस्य केदार गुरागाई, सुरेन्द्रबहादुर थापा, अजम्बर राई, अर्जुनराज अधिकारी, इशान राई र वीरेन्द्र श्रेष्ठ पनि मेयरको आकाङ्क्षी रहेका छन् ।
त्यस्तै उपमेयरमा नगर उपाध्यक्ष अक्कली चौधरी, अपाङ्गताको क्षेत्रमा क्रियाशील भीमा खतिवडा र महाधिवेशन प्रतिनिधि नारायणी भण्डारीले उम्मेद्वार हुन आकाङ्क्षा राखेका छन् । त्यस्तै, टीका भट्टराई, कविता शर्मा, अम्बिका दाहाल र कमला मास्केको नाम पनि चर्चामा छ । उनीहरुले नगर कमिटीमा आफ्नो आकाङ्क्षा प्रस्तुत गरिसकेका छन् ।
यस विषयमा नगर कमिटी अध्यक्ष मातृकाबाबु ढकालसँग बुझ्दा धेरै जनाले आकाङ्क्षा देखाएकाले माथिल्लो कमिटीमा नाम सिफारिश गर्न समस्या परेको बताए । केही चरणका छलफलपछि मात्रै उम्मेद्वारको लागि नाम सिफारिश गरिने उनले जानकारी दिए ।
उता, वडाध्यक्षतर्फ वडा नम्बर १, २, ७, ८ र १० मा बाहेक अरु वडाका लागि उम्मेद्वार टुङ्गो लागेको बताइएको छ । वडा नम्बर ४, ५ र ६ मा वडाका सबै पदका लागि नाम सर्वसम्मत भइसकेको बताइएको छ ।
सम्बन्धित समाचारहरुः
सुन्दरहरैंचा–५ मा गणेश चौधरीको नेतृत्वमा नेकपा एमालेले घोषणा गर्याे उम्मेद्वार
सुन्दरहरैंचाको मेयरमा डा. भट्टराईले स्वतन्त्र उम्मेद्वारी दिने
सुन्दरहरैंचामा विवेकशील साझाले चयन गर्याे मेयरसहितका यी उम्मेद्वार
You must be logged in to post a comment Login