स्थानीय तह
जनता समाजवादी इटहरीका २७ जनाले त्यागे पार्टी
इटहरीः विभिन्न तहमा जिम्मेवारी लिएका जनता समाजवादी पार्टीका २७ जनाले पार्टी परित्याग गरेका छन् । पार्टी जनताको मर्म र भावना विपरीत अघि बढेको निष्कर्ष निकाल्दै जनता समाजवादी पार्टीको सुनसरी जिल्ला कार्यसमिति सदस्य तथा समाजवादी उद्योग वाणिज्य महासंघ इटहरी उपमहानगर कार्यसमिति संयोजक इन्द्रमाया आङ्गबुहाङ्ग सहित २७ जनाको समूहले पार्टी परित्याग गरेको घोषणा गरेको हो ।
बिहीबार एक विज्ञप्ती जारी गर्दै पार्टी परित्याग गरेको घोषणा गर्नेहरुमा इटहरी उपमहानगर महिला समिति सचिव मीना शेर्पा पनि छिन् । पार्टीमा लैङ्गिक समानता र उत्पीडनमा परेका जाति समुदायलाई उत्थान गर्ने तथा समतामूलक समाज निर्माण गर्ने केन्द्रीय नीति भए पनि व्यवहारमा नभएको उनीहरुको आरोप छ ।
व्यक्तिवादी चरित्र हावी भएको हुँदा पार्टी परित्याग गर्नुपर्ने अवस्थामा आउनु परेको उनीहरुले बताएका छन् । पार्टीले महिलां हिंसालाई निस्तेज पार्नुको सट्टा आफ्नै संगठनभित्रका महिलामा हिंसा हुँदा समेत न्याय दिनुको सट्टा बिभिन्न बहानामा अन्याय गरिरहेको पनि उनीहरुको आरोप छ ।
स्थानीय निर्वाचनमा केन्द्रको निर्णय बमोजिम लोकतान्त्रिक गठबन्धन गरेर प्रतिमगनलाई परास्त गर्नुपर्नेमा तमाम कार्यकर्ताको भावना र पार्टी केन्द्रको निर्णय विपरीत आफुखुशी निर्णय गरेर मेयर उपमेयर लगायतका पदहरुमा उम्मेद्वारी दिएको समेत असन्तुष्ट कार्यकर्ताको आरोप छ ।
जनता समाजवादी पार्टीले इटहरी उपमहानगरमा मेयर र उपमेयरको उम्मेद्वारी दिएको भए पनि त्यो निस्क्रिय राख्ने र वडा तहमा मित्रवत प्रतिष्पर्धा गर्ने निर्णय सार्वजनिक गरेको थियो ।
यस्तो छ उनीहरुले जारी गरेको प्रेस विज्ञप्तिः
प्रेस विज्ञप्ती मितिः २०७९ बैशाख २१
हामी जनता समाजवादी पार्टीको बिभिन्न तह र तप्कामा आवद्ध तपशिलका व्यक्तिहरु पार्टी मर्म र भावना विपरित अघि बढेको निष्कर्ष निकाल्दै पार्टी परित्याग गरेर स्वतन्त्र जिवन विताउने निर्णयमा पुगेका छौँ ।
लैगिंक समानता, उत्पीडनमा परेका जाती समुदायलाई उत्थान गर्दै समतामुलक समाज निर्माण गर्ने महान उद्देश्य लिएर अघि बढेको पार्टीको केन्द्रिय नीति भएता त्यसो नभएको हामीले महशुस गरेका छौँ । पार्टीले समतामुलक समाजको निर्माणमा सबैमा समान व्यवहार गर्नुपर्नेमा त्यो नगरी आफु निकट र परका व्यक्ति छुटाउने गरी व्यक्तिबादी चरित्र हावी भएको पाइएको छ ।
जातजाती, लैंगिक, क्षेत्रिय वर्गिय समानताका साथै सबै क्षेत्रको समान प्रतिनिधित्व निर्माण भएको पार्टीले महिलां हिंसालाई निस्तेज पार्नुको सट्टा आफ्नै संगठनभित्रका महिलामा हिंसा हुँदा समेत न्यान दिनुको सट्टा बिभिन्न बहानामा अन्याय गरिरहेको र पार्टीमा भएको अन्याय विरुद्ध आवाज उठाउन समेत नदिँदा अन्यायको विरुद्ध आवाज बन्नुपर्ने पार्टीको नेतृत्वमा रहेकाहरु नैे आफै अन्याय गर्न उदत्त देखिएको पाईयो ।
स्थानीय निर्वाचन आउँदै गर्दा समेत पार्टी केन्द्रको निर्णय बमोजिम लोकतान्त्रिक गठबन्धन गरेर प्रतिमगनलाई परास्त गर्ने नीतिमा समेत पार्टीले इटहरी उपमहानगरमा लोकतान्त्रिक गठबन्धन गरेर जानुपर्नेमा तमाम कार्यकर्ताको भावना र पार्टी केन्द्रको निर्णय विपरित आफुखुशी निर्णय गरेर मेयर उपमेयर लगायतका पदहरुमा उम्मेद्वारी दिँदा पार्टीको निकाय कति इमान्दार छ भन्ने प्रष्ट भइसकेको छ ।
पार्टीको इटहरी उपमहानगर कमिटीले मेयर, उपमेयर पदमा गठबन्धन गर्ने र वडा तहमा चाहिँ गठबन्धन नगरी आफ्नै उम्मेद्वारलाई भोट दिने गरी मित्रवट प्रतिस्पर्धा गर्ने भन्ने निर्णयबाट समेत हामीलाई आघात पर्न गएको छ । अन्यायमा परेकाहरुलाई न्याय दिनमा पार्टी चुक्नुका साथै पार्टी केन्द्र र कार्यकर्ताको भावना विपरित अगाडी बढ्दा हामी तमामको मनोभावनामा ठेस पुगेको छ । यीनै कारणले हामी जनता समाजवादी पार्टीको तपसिलका व्यक्तिहरु आज कै मिती बाट पार्टीको साधारण सदस्य समेत नरहने गरि पार्टी परित्याग गरेको घोषणा गर्दछौं । अव उप्रान्त स्वतन्त्र रहने निर्णय समेत गरेका छौँ ।
तपशिल
१, इन्द्रमाया आङ्गबुहाङ्ग – जिल्ला कार्यसमिति सदस्य, सुनसरी, समाजवादी उद्योग वाणिज्य महासंघ, इटहरी उपमहानगर कार्यसमिति संयोजक
२, सरिता आले – नगर समिति सदस्य , इटहरी उपमहानगर समिति, महिला समिती सदस्य इटहरी उपमहानगरपालिका
३, जंग लिम्बु – नगर समिति सदस्य , इटहरी उपमहानगरपालिका
४, दिल कुमारी थलङ्ग –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
५, दुर्गा लिम्बु –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
६, अम्बिका मगर –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
७, जमुना गुरुङ्ग–समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
८, राधिका लिम्बु –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
९, कमली चौधरी –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१०, सिता अधिकारी –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
११, रनेश घिमिरे –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१२, वृजा राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१३, सुमित्रा राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१४, राजु राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१५, जानुका राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१६, गीता सुव्वा –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
१७, प्रेम बहादुर लिम्बु – वडा सदस्य, वडा नम्बर १४ इटहरी उपमहानर समिति
१८, रमेश श्रेष्ठ – वडा सदस्य, वडा नम्बर १४ इटहरी उपमहानर समिति
१९, दिल कुमारी साँवा – वडा सदस्य, वडा नम्बर १४ इटहरी उपमहानर समिति
२०, सन्तोष आङबुहाङ – वडा सदस्य, वडा नम्बर १४ इटहरी उपमहानर समिति
२१, सन्तोष न्योङ – वडा सदस्य, वडा नम्बर १४ इटहरी उपमहानर समिति
२२, अमृता याक्खा, –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
२३, अस्मिता खड्का राई – वडा सदस्य, वडा नम्बर १४ इटहरी उपमहानर समिति
२४, धन कुमार लिम्बु – वडा सदस्य, वडा नम्बर १४ इटहरी उपमहानर समिति
२५, मिना शेर्पा –इटहरी उपमहानगर महिला समिति सचिव
२६, सविना राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
२७ नविन कला राई –समाजवादी उद्योग वाणिज्य महासंघ, इटहरी उपमहानगर कार्यसमिति सदस्य
Facebook Comment
प्रतिनिधिसभा सदस्य चुनावमा चितवन क्षेत्र नम्बर ३ मा राष्ट्रिय स्वतन्त्र पार्टी (रास्वपा) की साेविता गाैतम ३८ हजार ६६२ मतान्तरले विजयी हुनुभएकाे छ । निर्वाचन आयाेगका अनुसार गाैतमले ५९ हजार २७७ मत प्राप्त गर्नुभएकाे छ । उहाँका प्रतिस्पर्धी नेपाली कम्युनिस्ट पार्टी (नेकपा) की रेनु दाहालले २० हजार ६१५ मत प्राप्त गर्नुभएकाे छ ।
साेविता गाैतम प्रतिनिधिसभा चुनाव इतिहासमा सबैभन्दा मत ल्याएर विजयी हुनुभएकाे हाे । यसअघि २०७४ सालको चुनावमा झापा क्षेत्र नम्बर ५ बाट नेकपा एमालेका अध्यक्ष केपी शर्मा ओलीले ५७ हजार १३९ मत ल्याएर विजयी हुनुभएकाे थियाे ।
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login