Connect with us
Advertisement
Advertisement

सिद्धार्थ स्कुलद्वारा क्याप्टेन र भाइस क्याप्टेन छान्न निर्वाचन

Published

on

विराटचोकः मोरङको सुन्दरहरैंचा–१० खोर्सानेमा रहेको सिद्धार्थ सेकेन्डरी स्कुलले मतदानका बारेमा जानकारी दिन विद्यालयमा क्याप्टेन र भाइस क्याप्टेनको छनोट गर्ने भएको छ । शुक्रबार भएको निर्वाचनमा ६ वटा समूहबाट ४८ जनाले उम्मेद्वारी दिएका छन् । निर्वाचन प्रक्रिया भने सरकारले गराउने निर्वाचनकै जस्तो रहेको थियो । मत परिणाम भने शनिबार आउने विद्यालयले जनाएको छ ।

कक्षा ६ देखि १० सम्मका विद्यार्थीले प्रतिनिधि चुन्न पाउने व्यवस्था रहेकाले ४ सय भन्दा बढी मतदाता रहेको प्रमुख निर्वाचन आयुक्त तथा विद्यालयका प्रिन्सिपल अर्जुन बस्नेतले बताए ।

त्यस्तै, विद्यालयमा कक्षा १ मा पुगेका विद्यार्थीहरुलाई दीक्षित गरेको छ । पूर्व प्राथमिक तहको पढाइ सकेर कक्षा एकमा गएका ८७ जना विद्यार्थीलाई प्रमाणपत्र सहित दीक्षित गरिएको हो । कार्यक्रममा विद्यार्थीका अभिभावक समेतको उपस्थिति रहेको थियो । दीक्षित हुने विद्यार्थीले नृत्य र गायन मार्फत् मनोरन्जन समेत गराएका थिए ।

कार्यक्रममा बोल्दै विद्यालयका प्रिन्सिपल बस्नेतले कक्षा एकमा पढ्न शुरु गरेको वर्षबाट औपचारिक पढाईको शुरु गरेको बताउँदै एउटा तह पार गरेकाले विद्यार्थीहरूको हौसलाको लागि यो कार्यक्रम राखिएको बताए ।

यो कार्यक्रमको माध्यमबाट मूलतः नानीहरुलाई प्रोत्साहन मिल्ने र सो हौसलाले पढाइप्रति चासो हुने गरेको बस्नेतले बताए । अहिले पढाउनको लागि डिजिटल कक्षा स्थापना गरेको उनले बताए । हाल विद्यालयमा १ हजार ४ सय भन्दा बढी विद्यार्थीहरु अध्ययनरत रहेका छन् ।

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

सुनको भाउ १०० रुपैयाँ बढ्दा चाँदीको घट्यो १५ रुपैयाँ

Published

on

विराटचोकः आज सुनको भाउ बढेको छ भने चाँदीको भाउ घटेको छ । सुनको भाउ तोलामा १ सय रुपैयाँ बढेको छ । चाँदीको भाउ तोलामा १५ रुपैयाँ घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला ९७ हजार ८ सय रुपैयाँ निर्धारण भएको छ । तेजाबी सुनको भाउ प्रति तोला ९७ हजार ३ सय र असली चाँदीको भाउ प्रति तोला १ हजार २ सय ४० रुपैयाँ निर्धारण भएको छ ।

हिजो सुनको भाउ तोलामा ४ सय रुपैयाँ बढ्दा चाँदीको भाउ तोलामा १० रुपैयाँ बढेको थियो ।

Continue Reading

Banner

आजदेखि हिमालयन हाइड्रोपावरको आईपीओ बिक्री शुरु

Published

on

विराटचोकः हिमालयन हाइड्रोपावर लिमिटेडले आजदेखि आईपीओ निष्काशन तथा बिक्री खुला गरेको छ ।

सो कम्पनीले प्रतिशेयर १०० रुपैयाँ अंकित मूल्यका ९ लाख कित्ता शेयर आयोजना प्रभावित क्षेत्रका बासिन्दाहरुका लागि निष्काशन गरेकोमा २ लाख ८१ हजार ७ सय ५० कित्ता मात्र बाँडफाँड भएको थियो । बाँकी ६ लाख १८ हजार २ सय ५० कित्ता सहित कुल १९ लाख ६८ हजार २ सय ५० कित्ता साधारण शेयर बिक्री शुरु गरेको हो ।

निष्काशन गरिने कुल शेयरमध्ये २ प्रतिशत अर्थात् ३९ हजार ३ सय ६५ कित्ता शेयर कर्मचारीहरुका लागि सुरक्षित गरिएको छ भने ५ प्रतिशत अर्थात् ९८ हजार ४ सय १३ कित्ता शेयर सामूहिक लगानी कोषमा बाँडफाँड गरिएको छ । सर्वसाधारणले बाँकी १८ लाख ३० हजार ४ सय ७२ कित्ताका लागि आवेदन दिन सक्नेछन् ।

निष्काशन बन्द छिटोमा असार १९ गते हुनेछ भने ढिलोमा असार २९ गते हुनेछ । आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । यसका साथै मेरो शेयर एप तथा वेबसाइटबाट पनि न्यूनतम १० कित्तादेखि अधिकतम १ हजार कित्ताका लागि आवेदन दिन सकिनेछ ।

Continue Reading

Banner

आज राष्ट्रिय धान दिवस

Published

on

फाइल तस्बिर

विराटचोकः असार १५ गते आज राष्ट्रिय धान दिवस मनाइँदै छ । नेपाली समाजमा आजको दिनलाई दही चिउरा खाने पर्वका रुपमा पनि चिनिन्छ ।

वि.सं. २०६१ मंसिर २९ गतेको मन्त्रीस्तरीय निर्णयले २०६२ असार १५ गतेदेखि राष्ट्रिय धान दिवस मनाउन थालिएको हो । आजको दिन असारे भाकामा लोक लयका गीत गाउँदै धान रोप्ने र हिलो छ्यापाछ्याप गरेर रमाइलो गर्ने चलन छ ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक