समाचार
भू उपयोग नियमावलीले पार्ने समस्या समाधानका लागि सुन्दरहरैंचाको वडा नम्बर १२ ले राख्यो छलफल
विराटचोक: सुन्दरहरैंचा नगरपालिकाको वडा नम्बर १२ ले भू उपयोग नियमावलीले पार्ने असरको बारेमा जानकारी दिन र वडावासीको मत संकलन गर्न आज छलफलको आयोजना गरेको छ ।
वडा कार्यालयमा भएको छलफलका वक्ताले सबै पक्ष विचार गरेर जग्गाको वर्गीकरण गर्नुपर्ने बताए । छलफलका वक्ताले बस्ती बीचमा कृषियोग्य जमिन राख्न अप्ठ्यारो हुने हुनाले वडा नम्बर १२ मा मात्रै नभएर नगरभर नै जग्गाको वर्गीकरण गर्न समस्या हुने धारणा राखेका थिए ।
अधिकांश वक्ताले वडा नम्बर १२ लाई आवासीय क्षेत्र तोक्नुपर्ने बताएका थिए । वडाको दक्षिणी क्षेत्रको केही भूभागलाई कृषि क्षेत्र तोकेर बाँकी क्षेत्रलाई आवासीय क्षेत्र तोक्न सकिने उनीहरुको सुझाव थियो ।
स्थानीय तहले पहिले नै विज्ञको टोली बनाएर यस सम्बन्धमा काम गर्नुपर्नेमा त्यसो हुन नसकेको उनीहरुको भनाइ थियो । कृषि क्षेत्रमा राख्दा वा आवासीय क्षेत्रमा राख्दा हुने फाइदा वा बेफाइदाको बारेमा स्पष्ट भएर मात्र क्षेत्र निर्धारण गरिनुपर्ने उनीहरुले माग राखेका थिए । जग्गाको वर्गीकरणमा समस्या देखिने हुनाले बृहत छलफलको आवश्यकता उनीहरुले औँल्याएका थिए । १० कठ्ठाभन्दा बढी जग्गा हुने सबैलाई सहभागी गराएर सुझाव संकलन गर्नुपर्ने पनि उनीहरुले बताएका थिए ।
सरकारले यही जेठ २३ गते नेपाल राजपत्रमा सूचना प्रकाशित गरी भू उपयोग नियमावली २०७९ लागू गरेको छ । २० पेजमा प्रकाशित सो नियमावलीअनुसार अब जग्गाको भूउपयोग क्षेत्रको नक्सा र विवरण तयार पारी सार्वजनिक गर्नुपर्नेछ ।
राजपत्रमा प्रकाशित सूचनाको अनुसूची १ मा जनाइएअनुसार जग्गालाई अब कृषि, आवासीय, व्यावसायिक, औद्योगिक, खानी तथा खनिज र वन गरी ६ क्षेत्रमा वर्गीकरण गर्नुपर्नेछ ।
भू उपयोग नियमावली लागू भएपछि अहिले जग्गाको कित्ताकाट रोकिएको छ भने बैंकले धितो जमानत लिन छाडेका छन् । जग्गाको कित्ताकाट गर्न सो जग्गा कुन क्षेत्रमा पर्छ भनी स्थानीय तहले खुलाएर जग्गाधनीलाई सिफारिश दिनुपर्ने तर त्यस विषयमा धेरै स्थानीय तहमा छलफल नै नभएकाले जग्गाको कित्ताकाट रोकिएको हो ।
जग्गाको कित्ताकाट रोकिएपछि सुन्दरहरैंचा नगरपालिकाले जेठ २५ गते सबै वडा कार्यालयलाई पत्र लेखी असार २ गतेसम्ममा जग्गाको वर्गीकरण गरिसक्न पत्राचार गरेको थियो । तर नगर परिषद्को तयारीमा जनप्रतिनिधि लागेका हुनाले कुनै पनि वडाले जग्गाको वर्गीकरण गर्न त परै जाओस् छलफलसम्म बोलाउन सकेका छैनन् ।
नगरपालिकाको वडा नम्बर १२ ले भने पहिलो चरणको छलफल आज बोलाएको हो । वडाध्यक्ष रोशनप्रसाद ढकालका अनुसार अझै केही चरणमा छलफल भएपछि मात्रै वडाले आफ्नो वडाको जग्गाको वर्गीकरण गरी नगरपालिकालाई पठाउनेछ । सबै वडाको वर्गीकरण आइसकेपछि नगरपालिकाले माथिल्लो निकायमा त्यसको जानकारी गराउनेछ ।
Facebook Comment
विराटचोकः आज सुनको भाउ बढेको छ भने चाँदीको भाउ घटेको छ । सुनको भाउ तोलामा १ सय रुपैयाँ बढेको छ । चाँदीको भाउ तोलामा १५ रुपैयाँ घटेको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला ९७ हजार ८ सय रुपैयाँ निर्धारण भएको छ । तेजाबी सुनको भाउ प्रति तोला ९७ हजार ३ सय र असली चाँदीको भाउ प्रति तोला १ हजार २ सय ४० रुपैयाँ निर्धारण भएको छ ।
हिजो सुनको भाउ तोलामा ४ सय रुपैयाँ बढ्दा चाँदीको भाउ तोलामा १० रुपैयाँ बढेको थियो ।
विराटचोकः हिमालयन हाइड्रोपावर लिमिटेडले आजदेखि आईपीओ निष्काशन तथा बिक्री खुला गरेको छ ।
सो कम्पनीले प्रतिशेयर १०० रुपैयाँ अंकित मूल्यका ९ लाख कित्ता शेयर आयोजना प्रभावित क्षेत्रका बासिन्दाहरुका लागि निष्काशन गरेकोमा २ लाख ८१ हजार ७ सय ५० कित्ता मात्र बाँडफाँड भएको थियो । बाँकी ६ लाख १८ हजार २ सय ५० कित्ता सहित कुल १९ लाख ६८ हजार २ सय ५० कित्ता साधारण शेयर बिक्री शुरु गरेको हो ।
निष्काशन गरिने कुल शेयरमध्ये २ प्रतिशत अर्थात् ३९ हजार ३ सय ६५ कित्ता शेयर कर्मचारीहरुका लागि सुरक्षित गरिएको छ भने ५ प्रतिशत अर्थात् ९८ हजार ४ सय १३ कित्ता शेयर सामूहिक लगानी कोषमा बाँडफाँड गरिएको छ । सर्वसाधारणले बाँकी १८ लाख ३० हजार ४ सय ७२ कित्ताका लागि आवेदन दिन सक्नेछन् ।
निष्काशन बन्द छिटोमा असार १९ गते हुनेछ भने ढिलोमा असार २९ गते हुनेछ । आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ । यसका साथै मेरो शेयर एप तथा वेबसाइटबाट पनि न्यूनतम १० कित्तादेखि अधिकतम १ हजार कित्ताका लागि आवेदन दिन सकिनेछ ।
विराटचोकः असार १५ गते आज राष्ट्रिय धान दिवस मनाइँदै छ । नेपाली समाजमा आजको दिनलाई दही चिउरा खाने पर्वका रुपमा पनि चिनिन्छ ।
वि.सं. २०६१ मंसिर २९ गतेको मन्त्रीस्तरीय निर्णयले २०६२ असार १५ गतेदेखि राष्ट्रिय धान दिवस मनाउन थालिएको हो । आजको दिन असारे भाकामा लोक लयका गीत गाउँदै धान रोप्ने र हिलो छ्यापाछ्याप गरेर रमाइलो गर्ने चलन छ ।
-
अर्थ3 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
खेलकुद3 years agoरंगशालाको अवलोकन
-
अर्थ2 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य3 years agoशेयर बजारमा झिनो अंकको गिरावट
-
मुख्य3 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य3 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
प्रदेश नं. १2 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
-
मुख्य3 years agoजित्ने स्वास्थ्य मन्त्री, हार्ने मेडिकल कलेज सञ्चालक
You must be logged in to post a comment Login