Connect with us
Advertisement

एपीएफ पूर्वाञ्चललाई हराउँदै आयोजक फाइनलमा

Published

on

विराटचोकः मोरङको सुन्दरहरैंचामा भइरहेको प्रथम सुन्दरहरैंचा प्रदेशस्तरीय फुटबल प्रतियोगिताको आज भएको अन्तिम सेमीफाइनलबाट आयोजक फाइनलमा पुगेको छ ।

प्रस्तावित इन्द्रपुर रंगशालामा भएको खेलमा बलियो प्रतिद्वन्द्वी सशस्त्र प्रहरी बल पूर्वाञ्चललाई शून्यका विरुद्ध १ गोल गरी आयोजक फाइनलमा पुगेको हो । खेलको दोस्रो हाफमा आयोजक मुस्लि युवा समूहका जर्सी नम्बर ११ का खेलाडी दिनेश चौधरीले गरेको गोल नै निर्णायक गोल हुन पुग्यो ।

आजको जीतसँगै आयोजक फाइनलमा पुगेको छ । यसअघि हिजोको खेलमा जीत दर्ता गर्दै फाइनलमा पुगेको भाङबाडी फुटबल क्लब झापासँग आयोजकले शनिबार फाइनल खेल खेल्नेछ । खेलको विजेताले नगद २ लाख तथा उपविजेताले नगद १ लाख रुपैयाँको साथमा शिल्ड र ट्रफी पाउने आयोजकले जनाएको छ । आजको खेलमा आयोजक टिमका जर्सी नम्बर ४ का खेलाडी विकास वन म्यान अफ द म्याच हुँदै नगद ३ हजार रुपैयाँ पाए ।

यसैबीच, भोलि प्रतियोगिताको मुख्य प्रायोजक पीएलओ लुब्र्रिकेन्टस र उद्योग वाणिज्य संघ कोशीहरैँचाबीच मैत्रीपूर्ण खेल हुने आयोजकले जनाएको छ ।

 

Continue Reading

Facebook Comment

Click to comment

You must be logged in to post a comment Login

Leave a Reply

Banner

ब्राजिलको पोष्टमा अर्जेन्टिनाको चार गोल

Published

on

फिफा विश्वकपको दक्षिण अमेरिकी छनोटमा अर्जेन्टिनाले ब्राजिलमाथि ४-१ को सानदार जित हात पारेको छ ।

बोलिभियाले उरुग्वेलाई गोलरहित बराबरीमा रोकेपछि यसअघि नै अर्को वर्ष नर्थ अमेरिकामा हुने फिफा विश्वकपमा स्थान पक्का गरिसकेको अर्जेन्टिनाले लिओनल मेसीविनै ब्राजिललाई हराएको हो ।

अर्जेन्टिनाका लागि जुलियन अल्भारेज, एन्जो फर्नान्डेज, एलेक्सिस म्याक एलिस्टर र जिउलियानो सिमीओनीले गोल गरे । ब्राजिलका लागि माथिउस कुन्हाले एक गोल फर्काए ।

अल्भारेजले खेलको चौथो मिनेटमै थियागोल अल्माडाको पासमा गोल गर्दै अर्जेन्टिनालाई अग्रता दिलाएका थिए । एन्जो फर्नान्डेजले १२औं मिनेटमा नाहुल मोलिनाको पासमा गोल गरी अग्रता दोब्बर पारे ।

कुन्हाले २६औं मिनेटमा गोल गर्दै ब्राजिलला२ खेलमा फर्काउने संकेत देखाएका थिए । तर म्याक एलिस्टरले ३७औं मिनेटमा एन्जो फर्नान्डेजको पासमा गोल गर्दै अर्जेन्टिनालाई पहिलो हाफमै ३-१ को अग्रता दिलाए ।

दोस्रो हाफमा अर्जेटिनाले एक गोल थप्यो । अर्जेन्टिनाका लागि सिमीओनीले ७४औं मिनेटमा गोल गरे ।

ब्राजिलमाथि जितपछि अर्जेन्टिना दक्षिण अमेरिकी छनोटमा १४ खेलबाट ३१ अंकसहित शीर्ष स्थानमा छ ।

समान खेलबाट २१ अंक रहेको ब्राजिल चौथो स्थानमा छ । १४ खेलबाटै २३ अंकसहित इक्वेडर दोस्रो र २१ अंक जोडेको उरुग्वे तेस्रो स्थानमा छ । यस्तै पाराग्वेको पनि समान २१ अंक छ र अंकतालिकामा पाँचौ स्थानमा छ । कोलम्बिया २० अंकसहित छैटौं स्थानमा छ । दक्षिण अमेरिकी छनोटबाट शीर्ष ६ स्थानमा रहने टोली सिधै विश्वकपमा छनोट हुनेछ भने सातौं स्थानमा रहने टिमले अन्तरमहादेशिय प्लेअफ खेल्नेछ ।

छनोट अन्तर्गत उरुग्वे र बोलिभिया तथा इक्वेडर र चिलीले गोलरहित बराबरी खेलेका थिए । यस्तै कोलम्बिया र पाराग्वेले २-२ को बराबरी खेल्दा भेनेजुएलालेल पेरुलाई १-० ले हरायो ।

Continue Reading

Banner

एसियन कप छनोटमा नेपाल र मलेसियाको खेल आज

Published

on

एएफसी एसियन कप २०२७ को छनोटका लागि नेपाल र मलेसियाबीचको खेल आज हुँदै छ । एसियन कप छनोटको अन्तिम तथा तेस्रो चरणको पहिलो खेलमा नेपालले मलेसियाको सामना गर्न लागेको हो ।

नेपाली समयअनुसार राति पौने ८ बजे सुरु हुने खेलमा नेपालले बलियो प्रतिद्वन्द्वी मानिएको मलेसियाको सामना गर्न लागेको हो । यद्यपि अघिल्लो साता मैत्रीपूर्ण खेलमा सिंगापुरलाई पराजित गरेको नेपाली टोली उच्च मनोबलका साथ मैदानमा उत्रनेछ ।

नेपालका नयाँ प्रशिक्षक म्याट रोशको यो नेपालको तर्फबाट पहिलो अन्तर्राष्ट्रिय आधिकारिक प्रतियोगिता पनि हो । सिंगापुरलाई मैत्रीपूर्ण खेलमा पराजित गरेसँगै उनले यसमा पनि जित निकाल्दै नेपाली प्रशिक्षकको रूपमा विजयी यात्रा सुरु गर्न चाहन्छन् ।

तर, हेड टु हेडका आधारमा हेर्दा भने मलेसिया नेपालभन्दा निकै बलियो देखिएको छ । हालसम्म ७ पटक यी दुई टोली आमनेसामने हुँदा मलेसिया ६ पटक विजयी भएको छ । मलेसियासँग नेपालको उत्कृष्ट नतिजा भनेको ७ मध्ये १ खेलमा बराबरी हुनु हो ।

Continue Reading

Banner

कोहली र साल्टको अर्धशतकमा बेंगलुरुको विजयी सुरुवात

Published

on

विराट कोहली र फिलिप साल्टले अर्धशतक बनाएपछि रोयल च्यालेन्जर्स बेंगलुरुले इन्डियन प्रिमियर लिग आईपीएल क्रिकेटको १८औं संस्करणमा विजयी सुरुवात गरेको छ ।

शनिबार भएको खेलमा बेंगलुरुले साविक विजेता कोलकाता नाइट राइडर्सलाई ७ विकेटले हराएको हो । कोलकाताले दिएको १७५ रनको लक्ष्य बेंगलुरुले १६.२ ओभरमा ३ विकेटको क्षतिमा पूरा गर्यो ।

विराट कोहली ५९ रनमा अविहित रहे भने साल्टले ५६ रन बनाए । रजत पाटिदारले ३४ रन बनाए । लियाम लिभिङस्टोन १५ रनमा अविजित रहे । कोलकाताका वरुण चक्रवर्ती, वैभव अरोरा र सुनिल नरयानले समान १ विकेट लिए ।

त्यसअघि इडेन गार्डेन्समा टस हारेर पहिले ब्याटिङको निम्तो पाएको कोलकाताले २० ओभरमा ८ विकेट गुमाएर १७४ रन बनाएको थियो । कप्तान अजिन्क्या रहानेले तथा सुनिल नरायनले ४४ रन बनाए । अंग्क्रिश रघुवंशीले ३० रन बनाए ।

बेंगलुरुका क्रुनाल पाण्ड्याले ४ ओभरमा २९ रन दिएर ३ विकेट लिए । जोश हेजलवूडले २ तथा यश दयाल, सुयाश शर्मा र रसिख सलामले १-१ विकेट लिए ।

यस जितसँगै बेंगलुरुले २ अंक जोडेको छ भने नेट रनरेट पनि सुरुवातमै राम्रो हासिल गरेको छ ।

आइतबार दुई खेलहरू हुनेछन् । दिउँसो पौने ४‌ बजे सनराइजर्स हैदराबाद र राजस्थान रोयल्स खेल्ने छन् भने बेलुकी पौने ८ बजे मुम्बई इन्डियन्स र चेन्नई सुपर किङ्स खेल्ने छन् ।

आईपीएल क्रिकेट
Continue Reading
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

nispakshyakhabar@gmail.com
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक