स्थानीय तह
सुन्दरहरैंचामा ६ प्रतिशतले गरे सम्बन्ध विच्छेद
विराटचोकः मोरङको सुन्दरहरैंचामा औसतमा ६ प्रतिशत जोडीले सम्बन्ध विच्छेद गर्ने गरेका छन् । नगरपालिकामा गत ३ आर्थिक वर्षमा दर्ता भएका विवाह दर्ता र सम्बन्ध विच्छेद दर्ताका आधारमा हेर्दा ६ प्रतिशतले सम्बन्ध विच्छेद गर्ने गरेको पाइएको हो ।
आर्थिक वर्ष २०७६–०७७ मा ६ दशमलव ४९ प्रतिशत जोडीको वैवाहिक सम्बन्ध टुटेको छ । आर्थिक वर्ष २०७७–०७८ मा ४ दशमलव ५७ प्रतिशत जोडीले सम्बन्ध विच्छेद गरेका छन् भने गत आर्थिक वर्षमा ७ दशमलव २६ प्रतिशत जोडी अलग्गिएका छन् । समग्रमा ३ आर्थिक वर्षमा ६ दशमलव १० प्रतिशत जोडीको वैवाहिक सम्बन्ध टुटेको देखिन्छ ।
आर्थिक वर्ष २०७६–०७७ मा नगरपालिकामा ५०८ वटा विवाह दर्ता भएका छन् भने ३३ वटा सम्बन्ध विच्छेदका घटना दर्ता भएका छन् । सम्बन्ध विच्छेदका सबैभन्दा धेरै घटना वडा नम्बर ९ मा ६ वटा दर्ता भएका छन् भने वडा नम्बर २ मा एउटा पनि घटना दर्ता भएको छैन ।
सो आर्थिक वर्षमा सबैभन्दा धेरै विवाह दर्ता पनि वडा नम्बर ९ मा नै भएको छ । सो वडामा ६८ वटा विवाह दर्ता भएका छन् भने सबैभन्दा कम वडा नम्बर १२ मा ३१ वटा विवाह दर्ता भएका छन् ।
आर्थिक वर्ष २०७७–०७८ मा ६७८ वटा विवाह दर्ता भएका छन् । सो वर्ष ३१ जोडीले सम्बन्ध विच्छेद गरेका छन् । विवाह दर्ताको आधारमा हेर्दा यो ४ दशमलव ५७ प्रतिशत हो ।
सो आर्थिक वर्षमा वडा नम्बर ६ मा सबैभन्दा धेरै ७ वटा सम्बन्ध विच्छेदका घटना दर्ता भएका छन् । अघिल्लो आर्थिक वर्षमा जस्तै सो आर्थिक वर्षमा पनि वडा नम्बर २ मा एउटा पनि सम्बन्ध विच्छेदको घटना दर्ता भएको छैन । वडा नम्बर ४ मा पनि सम्बन्ध विच्छेदको घटना दर्ता भएको छैन ।
सो आर्थिक वर्षमा सबैभन्दा धेरै विवाह दर्ता पनि वडा नम्बर ६ मा भएको छ । सो वडामा ८१ जोडीको विवाह दर्ता भएको नगरपालिकाको तथ्याङ्कले देखाउँछ । त्यस्तै, सबैभन्दा कम विवाह दर्ता वडा नम्बर ८ मा भएको छ । सो वडामा ३२ जोडीले विवाह दर्ता गरेका छन् ।
गत आर्थिक वर्षमा ११४२ जोडीले विवाह दर्ता गर्दा ८३ जोडीले भने सम्बन्ध विच्छेद गरेका छन् । अघिल्लो आर्थिक वर्षमा झैँ वडा नम्बर ६ मा सबैभन्दा धेरै १२७ जोडीले विवाह दर्ता गराएका छन् । वडा नम्बर १२ मा सबैभन्दा कम ६६ जोडीले विवाह दर्ता गराएका छन् ।
उता, सबैभन्दा धेरै सम्बन्ध विच्छेदका घटनाको दर्ता भने वडा नम्बर ७ मा भएको छ । जम्मा १०७ जोडीले विवाह दर्ता गराएको सो वडामा १२ जोडीले भने सम्बन्ध विच्छेदको घटना दर्ता गराएका छन् । सबैभन्दा कम सम्बन्ध विच्छेदको घटना दर्ता हुने वडामा वडा नम्बर ९ र ११ परेका छन् । ती वडामा समान ३ वटाका दरले सम्बन्ध विच्छेदका घटना दर्ता भएका छन् ।
सम्बन्धित समाचारः
सुन्दरहरैंचाको वडा नम्बर १० मा बसाइँ सरी आउनेको आकर्षण, यस्तो छ तीन आर्थिक वर्षको तथ्याङ्क
Facebook Comment
बेनिनलाई ३–० गोलले पराजित गर्दै अर्जेन्टिनाका कप्तान लियोनल मेस्सीले अन्तर्राष्ट्रिय करिअरको सुखद अन्त्य गरेका छन् ।
करिअरको अन्तिम खेलमा मेस्सीले अर्जेन्टिनाका तीनवटै गोलमा योगदान गरे । उनले एक गोल र दुई असिस्ट गर्दै टोलीलाई जित दिलाएका हुन् ।
३९ वर्षीय मेस्सीको अर्जेन्टिनाको राष्ट्रिय जर्सीमा यो अन्तिम तथा २०८औँ खेल थियो ।
खेलको ४८औँ मिनेटमा निकोलास ओटामेन्डीले मेस्सीको कर्नरमा गोल गर्दै अर्जेन्टिनालाई अग्रता दिलाए । त्यसपछि ५९औँ मिनेटमा मैदान प्रवेश गरेका निको पाजले ६१औँ मिनेटमा मेस्सीको पासमा गोल गर्दै अर्जेन्टिनाको अग्रता २–० बनाए ।
त्यसको १० मिनेटपछि अर्जेन्टिनाले पाएको पेनाल्टीमा मेस्सीले गोल गरे । उक्त गोल उनको अन्तर्राष्ट्रिय करिअरको अन्तिम गोल बन्यो । खेलअघि र खेलपछि मेस्सी निकै भावुक देखिएका थिए ।
आठपटकका बालोन डी’ओर विजेता मेस्सीको सम्मानमा अर्जेन्टिनाले बेनिनविरुद्ध यो खेल आयोजना गरेको हो । २१ वर्ष लामो अन्तर्राष्ट्रिय करिअरमा उनले २०८ खेल खेल्दै १२६ गोल गरेका छन् ।
अर्जेन्टिनाले सन् २००५ मा फिफा विश्व युवा च्याम्पियनसिप जित्दा मेस्सी टोलीका सदस्य थिए । त्यसको तीन वर्षपछि उनले ओलम्पिक स्वर्ण पदक जिते । सिनियर टोलीबाट उनले सन् २०२१ र २०२४ मा कोपा अमेरिका, २०२२ मा फाइनलिसिमा तथा कप्तानका रूपमा २०२२ मा विश्वकपको उपाधि जितेका छन् ।
मेस्सीले सन् २०१४ र २०२६ मा आफ्नै कप्तानीमा अर्जेन्टिनालाई विश्वकपको फाइनलसम्म पुर्याएका थिए ।
काठमाडौँको खुलामञ्चमा जारी नेपाली कांग्रेसको १५औँ महाधिवेशन अन्तर्गत आज नयाँ कार्यसमितिका लागि उम्मेदवारको मनोनयन दर्ताको कार्यक्रम रहेको छ ।
केन्द्रीय निर्वाचन समितिका सदस्यसचिव राजु कटुवालका अनुसार आज बिहान १० बजेदेखि दिउँसो ३ बजेसम्म विभिन्न पदका लागि उम्मेदवारको दरखास्त तथा मनोनयनपत्र दर्ता गर्ने समय निर्धारण गरिएको छ ।
यस्तै, आज अपराह्न साढे ४ बजे उम्मेदवारको नामावली प्रकाशन, अपराह्न साढे ४ देखि साँझ साढे ५ बजेसम्म उम्मेदवारी दरखास्तमा दाबीविरोध तथा बेलुका ७ बजे उम्मेदवारको दोस्रो नामावली प्रकाशन गरिनेछ । आज निर्वाचन प्रक्रियासँगै समानान्तर रूपमा दिनभरि बन्दसत्र पनि चल्ने।
यसैगरी, असोज २१ गते बिहान ९ बजेसम्म उम्मेदवारको नामावली फिर्ता लिने र बिहान १० बजे उम्मेदवारको अन्तिम नामावली प्रकाशन गर्ने तालिका छ ।
असोज २२ गते बिहान ७ देखि साँझ ५ बजेसम्म मतदानको कार्यक्रम तोकिएको सदस्यसचिव कटुवालले जानकारी दिए ।
मतदान कार्यक्रम राष्ट्रिय सभागृह, खुल्लामञ्च र प्रज्ञा भवन गरी तीन ठाउँमा हुनेछ । बागमती प्रदेशका लागि सभागृह र गण्डकी तथा लुम्बिनी प्रदेशका लागि प्रज्ञा भवनलाई मतदान स्थल तोकिएको छ । यस्तै, कोशी, मधेश, कर्णाली र सुदूरपश्चिम प्रदेशका लागि खुलामञ्चलाई मतदान स्थल बनाउने तय भएको छ ।
नेपाली कांग्रेसका नेता एवं पूर्व सांसद डा सुनीलकुमार शर्माले पार्टीको महामन्त्रीमा उम्मेदवारी दिने घोषणा गरेका छन् । पार्टीको १५ औँ महाधिवेशन आइतबारदेखि शुरू हुँदै गर्दा शनिबार पार्टी मुख्यालयम सानेपामा पत्रकार सम्मेलन गर्दै डा शर्माले महामन्त्री पदमा उम्मेदवारी दिने घोषणा गरेका हुन् ।
उनले भने, ‘मैले महामन्त्री पदमा उम्मेदवारी दर्ता गर्ने विचार गरेको छु। मेरा अग्रजहरू, मेरा साथीहरू, मुलुकभित्रबाट विभिन्न ठाउँबाट पाल्नुभएका तमाम नेपाली कांग्रेसका महाधिवेशन प्रतिनिधि ज्यूहरूलाई यो अभियानमा तपाईंहरूले साथ दिनु हुनेछ। हामीसँगै हातमा हात मिलाएर नेपाली कांग्रेसलाई जनतासँग जोड्ने अभियान र कांग्रेस बनाउने र कांग्रेस बनिसकेपछि देश बनाउने अभियानमा तपाईंहरूले साथ दिनुहुनेछ भन्ने हाम्रो अपेक्षा छ।’
शर्माले कांग्रेसलाई दूर दराजका नागरिकसँग जोड्दै सामान्य नागरिकका समस्या र आवश्यकतालाई राजनीतिको केन्द्रमा राखेर काम गर्ने आफ्नो अभियान रहेकोसमेत बताएका छन् ।
शर्माको राजनीतिक यात्रा भने लामो छ । २०५४ सालमा कांग्रेसको सदस्य बनेर राजनीतिक यात्रा शुरू गरेका उनी १३औँ महाधिवेशनदेखि महासमिति सदस्यका रूपमा पार्टीमा सक्रिय छन्। स्पष्ट रूपमा आफ्ना धारणा राख्ने, सार्वजनिक सरोकारका विषयमा बोल्ने र कार्यकर्तासँग प्रत्यक्ष सम्पर्कमा रहने नेताका रूपमा उनको परिचय बनेको छ।
स्वास्थ्य र शिक्षाको क्षेत्रमा उनको सक्रियता बढी चर्चित भए पनि शर्माको सार्वजनिक भूमिकाको दायरा त्यतिमै सीमित छैन। सामाजिक सेवा, विपन्न तथा असहाय नागरिकका पक्षमा काम, संगठनमा कार्यकर्तासँगको सम्बन्ध र सार्वजनिक विषयमा स्पष्ट धारणा राख्ने शैली उनका राजनीतिक पहिचानका अन्य पाटा हुन्।
पछिल्लो समय गिरिजाप्रसाद कोइराला फाउन्डेसनको सभापतिको जिम्मेवारी पाएपछि उनको सामाजिक सक्रियता थप फराकिलो बनाउने प्रयास अघि बढेको छ।
फाउन्डेसनको नेतृत्व सम्हालेसँगै शर्माले आर्थिक अभावका कारण उपचार गर्न नसक्ने एक हजार बिरामीको निःशुल्क शल्यक्रिया गर्ने घोषणा गरेका छन्। स्वास्थ्य सेवामार्फत सामाजिक क्षेत्रमा जोडिएको उनको यो पहललाई समर्थकहरूले राजनीतिलाई जनजीवनसँग जोड्ने अभ्यासका रूपमा व्याख्या गर्दै आएका छन्।
महामन्त्री कांग्रेसको संगठन सञ्चालन, नीति कार्यान्वयन र कार्यकर्तासँग प्रत्यक्ष समन्वय गर्ने महत्वपूर्ण पद हो। त्यसैले १५औँ महाधिवेशनमा यो पदका आकांक्षीबीचको बहस व्यक्ति केन्द्रित मात्र छैन। पार्टीलाई कुन दिशामा लैजाने, संगठनलाई कसरी चलाउने र जनतासँगको सम्बन्ध कसरी बलियो बनाउने भन्ने विषय पनि महामन्त्रीको प्रतिस्पर्धासँग जोडिएको छ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
धर्म / संस्कृति7 years agoगुरुङको थर नै गोत्र
You must be logged in to post a comment Login