निष्पक्षखबर



दाहसंस्कार हुँदै गरेको शवलाई किन प्रहरीले लियो नियन्त्रणमा

बाराः शुक्रबार दाहसंस्कार हुँदै गरेको शवलाई प्रहरीले नियन्त्रणमा लिएको छ । बारा जिल्लाको पचरौता नगरपालिका–१ पिपरपातीका अन्दाजी ३८ वर्षीया माल्तीदेवी नुनियाको शवलाई अनुसन्धानको लागि नियन्त्रणमा लिएको प्रहरी उपरीक्षक विकासराज खनालले बताए । हत्यापछि शव जलाउँदै गरेको आशङ्कामा प्रहरीले शवलाई नियन्त्रणमा लिएको हो ।

दम्पत्तिबीच भएको झगडमा पतिले पत्नीको हत्या गरेको हुन सक्ने प्रहरीको अनुमान छ । पति रामदयाल महतो नुनियाले श्रीमतीको शवलाई जलाउँदै गरेको खुलेपछि शवलाई नियन्त्रणमा लिएको खनालले बताए । शव पूर्ण रूपमा नजलेका कारण केही हाड फेला पारेको बताइएको छ । मृतकका श्रीमान्, सासू ससुरा सबै फरार रहेको हुँदा घटना शङ्कास्पद देखिएको प्रहरीको भनाइ छ ।

भारतको मोतिहारी जिल्लाको जुयाफर भन्ने ठाउँमा माइती भएकी मृतकका माइती पक्षले नै सो घटनाको बारेमा जानकारी दिएपछि प्रहरी तत्कालै गाउँमा पुगेको थियो ।

Spread the love



Leave a Reply

Your email address will not be published.