विराटचोकः प्रथम सुन्दरहरैंचा प्रदेशस्तरीय फुटबल प्रतियोगिताको उपाधी भाङबाडी फुटबल क्लब झापाले जितेको छ । प्रस्तावित इन्द्रपुर रङ्गशाला मोरङमा भएको प्रतियोगितामा आयोजक नेपाल मुस्लिम युवा समूह विराटचोकलाई शून्यका विरुद्ध ५ गोल गर्दै भाङबाडीले उपाधी उचालेको हो ।

उपाधीसँगै भाङबाडीले नगद २ लाख रुपैयाँ र ट्रफी हात पारेको छ भने उपविजेता बनेको आयोजकले नगद १ लाख रुपैयाँ र ट्रफी हात पारेको छ ।

बिजेता खेलाडीहरुलाई कार्यक्रमका प्रमुख अतिथि सुन्दरहरैंचा नगरपालिकाका नगरप्रमुख शिवप्रसाद ढकालले पुरस्कार प्रदान गरेका थिए ।

समापन समाराेहका प्रमुख अतिथि सुन्दरहरैंचा नगरपालिकाका नगरप्रमुख शिवप्रसाद ढकाल रहेका थिए । यस्तै विशिष्ट अतिथि वडा नम्बर ७ का वडा अध्यक्ष चैतन्य सिटौला, नेपाली काग्रेसका महासमिति सदस्य ललित श्रेष्ठ, नेपाली कांग्रेस माेरङका कोषाध्यक्ष गोपालबहादुर थापा रहेका थिए । अतिथिमा इन्द्रपुर बहुउदेश्यीय सहकारी संस्थाका अध्यक्ष रामप्रसाद गजुरेल, युवा समाजसेवी प्रकाश श्रेष्ठ लगायत रहेका थिए ।