पोखराः नवौ राष्ट्रिय खेलकुदअन्तर्गत पुरुष हकी प्रतियोगितामा नेपाली सेना टाईब्रेकरमा विजयी भएको छ ।

पोखराको हेम्जास्थित गौरीशंकर खेल मैदानमा बिहीबार सम्पन्न प्रतियोगितामा नेपाल आर्मी २–१ गोल अन्तरले विजयी भएको हो । खेल अवधिभर कुनै पनि टिमले गोल गर्न नसकेपछि खेल टाईबे्रकरमा पुगेको थियो ।

टाईब्रेकरमा आर्मीका रोशन चौधरी र प्रदीप राजवंशीले गोल गरेका थिए । यता नेपाल पुलिसको तर्फबाट नवीन क्षेत्रीले एक गोल गरेका थिए भने शशि दर्लामीले गरेको गोल आउट हुन पुगेपछि आर्मीलाई विजेता हुने अवसर मिलेको थियो ।

आर्मीले आठौ खेलकुदमा पनि फाइनलमा नेपाल प्रहरीलाई हराउँदै स्वर्ण जितेको थियो ।

त्यस्तै, कर्णाली प्रदेशलाई हराउँदै गण्डकी प्रदेशले कास्य पदक जितेको छ । गण्डकीले ३–० को गोलअन्तरले कर्णालीलाई हराएको हो ।

गण्डकीका लागि खेलको १० औं, २७ औ र ४४ औं मिनेटमा पिताम्वर थापाले गोल गरेका थिए भने ५७ औं मिनेटमा विशाल कुमालले गोल गरेका थिए । प्रतियोगितामा ९ टिम सहभागी थिए ।