समाचार
मोरङ ३, एमाले उम्मेदवारको घरदैलोमा मतदाताको उत्साहजनक सहभागिता
विराटचोकः मोरङ क्षेत्र नम्बर ३ मा नेकपा एमालेका उम्मेदवारको घरदैलो कार्यक्रम सक्रियताका साथ चलिरहेको छ । बुधबार सुन्दरहरैँचा वडा नम्बर ९ मा घरदैलो कार्यक्रम सम्पन्न भएको हो । घरदैलो कार्यक्रममा एमाले उम्मेदवार, नेता, कार्यकर्तासँगै मतदाताको स्वस्फुर्त, सकृय र उत्साहजनक सहभागितामा घरदैलो कार्यक्रम सकिएको नेकपा एमाले वडा कमिटीका अध्यक्ष युबराज पौडेलले जानकारी दिए ।
घरदैलोका क्रममा एमाले सरकारमा हुँदा भएका कामका बारेमा मतदातालाई जनाकारी गराउदै सरकारमा हुँदा भएका कामका बारेमा जनताले चासोका साथ हेरेको र फेरि पनि विकास निर्माण, राष्ट्रियताका पक्षमा उभिने पार्टीका उमेद्वारलाई भोट दिएर जिताउन आतुर भएको मतदाताको प्रतिकृया रहेको समेत पौडेलले बताए ।
मोरङ ३ मा ४ पालिकाका २६ वटा वडाहरु सुन्दरहरैँचा, बेलबारी, पथरीशनिश्चरे नगरपालिका र कानेपोखरी गाउँपालिका रहेका छन् ।
प्रतिनिधि सभा तर्फ एमालेका उम्मेदवार भानुभक्त ढकालले मतदातालाई सम्बोधन गर्दै विकास गर्ने, बाटो निर्माण, सिँचाईको व्यवस्था, कानुन निर्माण स्वास्थ्य क्षेत्रको सुधारकालाई अस्पताल निर्माण, राष्ट्रियताको पक्षमा दरभिलो भएर उभिने पार्टी नेकपा एमाले नै भएको बताएका छन् । यस अघि भएका कामलाई प्राथमिकता दिईने र आगामि दिनमा अपुरा कामलाई पूर्णता दिने प्रतिवद्धता जनाए ।
यस्तै मतदाताले सुकुम्बासी समस्या सामाधान किन नभएको भनि प्रस्न गरेका थिए । यो विषयमा आफ्नो सरकारले कानुन निर्माण गरेको तर कार्यान्वयन हुने चरणमा सरकार परिवर्तन भएकाले पुरा हुन नसकेको हुँदा अब आफ्नो सरकार भनेपछि समाधान हुने बताएका थिए ।
मोरङ ३, प्रदेश सभा (क्षेत्र नं. ख) सदस्यका उम्मेदवार ज्ञानेन्द्र सुवेदीले यो क्षेत्रका जनताको हितमा हुने गरी काम गर्न यो चुनावमा होमिएको बताए । उनले आफूले बेलबारीमा मेयर हुँदा भएका कामका बारेमा जानकारी गराउदै आगामि दिनमा पनि एमाललाई निर्वाचित गराए विकासले फड्को मार्ने बताए । पहिले पनि सूर्य, अहिले पनि सूर्य, भोलि पनि सूर्य भन्दै पारिलो घाममा बसेर लसुन केलाउदै एकजना आमाले मन्दमुस्कानमा आफ्नो बलेसीमा भोट माग्न आएका उम्मेदवारलाई प्रतिवद्धता समेत जनाईन् । आगामी मंसिर ४ गते प्रतिनिधि सभा र प्रदेश सभा सदस्य पदको निर्वाचन हुदैछ ।
Facebook Comment
Banner
नोवेल मेडिकल कलेज टिचिङ्ग हस्पिटलका चिकित्सक, कर्मचारी, विद्यार्थीहरुले रक्तदान गरे
Banner
नोवेल मेडिकल कलेज टिचिङ्ग हस्पिल बिरटनगरको प्राबिधिक सहयोग र सुनसरी जिल्लाको बराहाक्षेत्र नगरपालिकाको आयोजनामा महेन्द्र मा. बि., भरौल, वार्ड –३ मा एक दिवसिय निःशुल्क स्वास्थ्य सिविरको आयोजना गरियो ।
Banner
नोबेलको निःशुल्क आँखा शिविरमा आँखा पाकेका बिरामीको भीड
आँखा पाक्ने समस्या बढिरहेका बेला विराटनगरस्थित नोबेल शिक्षण अस्पतालले बुधबार मोरङको पथरीशनिश्चरे–४ सिरिसेडाँडामा निःशुल्क आँखा शिविर सञ्चालन गरेको छ ।
पथरीशनिश्चरे ४ नं. वडा कार्यालयसँग सहकार्य गरेर एक दिने शिविर आयोजना गरिएको हो । शिविरमा २ सय ६० जना बिरामीको निःशुल्क आँखा जाँच गरी औषधि प्रदान गरिएको नोबेल शिक्षण अस्पतालका मार्केटिङ अफिसर नविन दाहालले जानकारी दिए ।
शिविरमा आएका बिरामीहरूलाई नोबेल अस्पतालको आँखा विभागका डाक्टरहरूको टोलीले परीक्षण गरेको थियो ।
सिरिसेडाँडास्थित आधारभूत स्वास्थ्य केन्द्रमा आयोजना गरिएको शिविरमा आँखा पाकेका बिरामीहरू गाउँ–गाउँबाट आएका थिए ।
गाउँमा आँखा पाक्ने रोग फैलिँदै गएकाले रोकथामका लागि शिविर सञ्चालन गरिएको नोबेल शिक्षण अस्पतालले जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login