विराटचोकः आइतबार हुने आम चुनावमा केही उम्मेदवारले आफैंलाई मत दिन नपाउने भएका छन् । मतदाता नामावली आफू उठेको क्षेत्रभन्दा बाहिर रहेकाले उनीहरुले आफूले आफैँलाई मत दिन नपाउने भएका हुन् ।

झापा–५ मा उम्मेद्वार रहेका पूर्व प्रधानमन्त्री केपी ओलीले आफूलाई मतदान गर्न पाउँदैनन् । उनको मतदाता नामावली भक्तपुर–२ मा छ ।

चितवनबाट गोरखा–२ गएका प्रचण्डले पनि आफैंलाई मतदान गर्न पाउँदैनन् । उनको मतदाता नामावली उनी यसअघि निर्वाचित भएको क्षेत्र चितवन–३ मा रहेको छ ।

त्यस्तै, पूर्व सभामुख ओनसरी घर्तीले पनि आफूलाई मतदान गर्न पाउँदिनन् । काठमाडौं–२ मा उम्मेद्वार रहेकी घर्तीको मतदाता नामावली रोल्पामा छ ।

नेपाली कांग्रेसका पूर्व महामन्त्री कृष्णप्रसाद सिटौलाले पनि आफूलाई मत दिन नपाउने भएका छन् । झापा–३ बाट उम्मेदवार रहेका सिटौलाको मतदाता नामावली भने झापा–१ मा छ ।

नेपाली कांग्रेसका नेता शेखर कोइरालाले पनि आफूलाई मत दिन पाउने छैनन् । मोरङ–६ मा उम्मेद्वार रहेका उनको नामावली भने मोरङ–४ मा छ ।

राष्ट्रिय जनमोर्चाका अध्यक्ष चित्रबहादुर केसीले पनि आफूलाई मत दिन पाउने छैनन् । केसी बाग्लुङ–१ मा उम्मेदवार छन् भने उनको मतदाता नामावली रुपन्देहीमा छ ।

जनता समाजवादीका अध्यक्ष उपेन्द्र यादव सप्तरी–२ मा उम्मेद्वार रहेका छन् । उनको मतदाता नामावली भने मोरङ–५ मा छ ।

लोकतान्त्रिक समाजवादी पार्टीका अध्यक्ष महन्थ ठाकुरले पनि आफूलाई मत दिन पाउने छैनन् । महोत्तरी–३ बाट उम्मेदवारी दिएका ठाकुरको नामावली सर्लाही–१ मा छ ।

कांग्रेसकी महालक्ष्मी उपाध्याय डीना मकवानपुर–१ बाट उम्मेदवार छिन् भने उनको मतदाता नामावली मकवानपुर–२ मा छ ।

काठमाडौं–५ मा उम्मेद्वार रहेका नेपाली कांग्रेसका प्रदीप पौडेलको नामावली तनहुँ–२ मा छ ।

यसपटक सिन्धुपाल्चोक–२ बाट उम्मेद्वार बनेका मोहन बस्नेतको नामावली सिन्धुपाल्चोक–१ मा छ ।

माओवादी नेताहरु देवेन्द्र पौडेल बाग्लुङ–२ बाट उम्मेद्वार छन् । उनको नामावली बाग्लुङ–१ मा छ ।

काठमाडौं–९ की माओवादी उम्मेद्वार कल्पना धमलाको नामावली धादिङ–१ मा छ ।

एकीकृत समाजवादीका नेता विरोध खतिवडाले पनि आफूलाई मत दिन नपाउने भएका हुन् । मकवानपुर–२ मा उम्मेद्वार रहेका उनको नामावली भने मकवानपुर–१ मा रहेको छ ।

लोकतान्त्रिक समाजवादीका नेता लक्ष्मणलाल कर्णले पनि आफूलाई मत दिन पाउने छैनन् । पर्सा–१ मा उम्मेदवार रहेका उनको नामावली भने पर्सा–४ मा छ । उनी यसअघि पनि पर्सा–४ बाटै निर्वाचित भएका थिए ।

एमाले नेता अग्नि खरेलले पनि आफूलाई मत दिन पाउने छैनन् । झापा–१ मा उम्मेदवार रहेका उनको नामावली भने झापा–२ मा रहेको छ ।

राष्ट्रिय स्वतन्त्र पार्टीका अध्यक्ष रवि लामिछानेले पनि आफूलाई मत दिन पाउने छैनन् । चितवन–२ मा उम्मेद्वार रहेका उनको नामावली भने काठमाडौं–६ मा रहेको छ ।

राप्रपाकी उम्मेद्वार रेखा थापाले पनि आफूलाई मत दिन पाउने छैनन् । मोरङ क्षेत्र नम्बर ३ मा उम्मेद्वार रहेकी अभिनेतृ रेखा थापाको मतदाता नामावली काठमाडौंमा छ ।

नेकपा माओवादीकी कुसुम श्रेष्ठले पनि आफूलाई मत दिन्नन् । धनकुटाको प्रदेश १ की मतदाता उनी प्रदेश ख बाट उम्मेद्वार रहेकी छिन् ।