प्रतिनिधि सभा निर्वाचन २०७९
मोरङमा झण्डै ६ प्रतिशत मत बदर
विराटनगरः मंसिर ४ गते भएको प्रतिनिधि र प्रदेश सभाको निर्वाचनमा मोरङमा ५.९५ प्रतिशत मत बदर भएको छ । मोरङमा ४ लाख ८५ हजार ४९९ मत अर्थात् ६६.१ प्रतिशत मत खसेको मध्ये १८ हजार ८६५ मत बदर भएको प्रदेश निर्वाचन कार्यालय प्रदेश १ का निर्वाचन अधिकारी लेवन काश्यप अधिकारीले जानकारी दिए ।
मोरङमा ७ लाख ३५ हजार ५२५ मतदाता रहेका मध्ये ६६.१ प्रतिशत मत खसेको थियो । खसेको मत मध्ये ४ लाख ५६ हजार ६३३ मत सदर भएको निर्वाचन कार्यालयले जनाएको छ ।
६ वटा निर्वाचन क्षेत्र रहेको मोरङमा सबैभन्दा बढी ५ नम्बर निर्वाचन क्षेत्रमा मत बदर भएको छ । सबैभन्दा बढी मत पनि सोही क्षेत्रमा खसेको थियो । मोरङको सबैभन्दा बढी मतदाता रहेको क्षेत्र नं. ३ मा कम मत बदर भएको छ ।
मोरङ क्षेत्र नं १ मा १ लाख २३ हजार ६१५ मतदाता मध्ये ६०.८६ प्रतिशत अर्थात् ७५ हजार २३५ मत खसेको थियो । यो क्षेत्रमा ६.०६ प्रतिशत अर्थात् ४ हजार ५५९ मत बदर भएको छ भने ९३.९४ अर्थात् ७० हजार ६७६ मत सदर भएको निर्वाचन कार्यालयले जनाएको छ ।
यस्तै मोरङ २ मा १ लाख २४ हजार ७२९ मतदाता रहेका मध्ये ६४.२८ प्रतिशत अर्थात् ८० हजार १७१ मत खसेको थियो । जसमा ५.६२ प्रतिशत अर्थात् ४ हजार ५०४ मत बदर भएको थियो भने सदर ७५ हजार ६६६ भएको छ ।
मोरङ ३ मा १ लाख ४९ हजार ८३३ मतदाता भएको मध्ये ६४.८२ प्रतिशत अर्थात् ९७ हजार १ सय २६ मत खसेको थियो । जसमा ५.७ प्रतिशत अर्थात् ४ हजार ९२४ मत बदर भएको थियो भने सदर ९२ हजार २ सय २ मत भएको छ ।
मोरङ ४ मा १ लाख १० हजार ९३ मतदाता रहेको मध्ये ६७.८१ प्रतिशत अर्थात् ७४ हजार६५० मत खसेको थियो । जसमा ५.८५ प्रतिशत अर्थात् ४ हजार ३६७ मत बदर भएको थियो भने सदर ९४.१५ प्रतिशत अर्थात् ७० हजार २८३ मत भएको छ ।
मोरङ ५ मा १ लाख ४९४ मतदाता रहेको मध्ये ७२.३५ प्रतिशत अर्थात् ७२ हजार ७०४ मत खसेको थियो । जसमा ७.३२ प्रतिशत अर्थात् ५ हजार ३२४ मत बदर भएको थियो भने सदर ९२.६८ अर्थात् ६७ हजार ३८० मत भएको निर्वाचन कार्यालयले जनाएको छ ।
मोरङ ६ मा १ लाख २६ हजार ७६१ मतदातामध्ये ६७.५४ प्रतिशत अर्थात् ८५ हजार ६१३ मत खसेको थियो । जसमा ६.६ प्रतिशत अर्थात् ५ हजार १८७ मत बदर भएको थियो भने ९३.९४ प्रतिशत अर्थात् ८० हजार ४२६ मत सदर भएको छ ।
प्रतिनिधिसभा तर्फ १०५ जना उम्मेदवार रहेका थिए । जसमा ११ महिला र ९४ जना पुरुष उम्मेद्वार रहेका थिए । राजनीतिक दलको तर्फबाट ६१ जना र स्वतन्त्रबाट ४४ जना उम्मेदवार रहेका थिए ।
प्रदेश सभातर्फ १२ वटा निर्वाचन क्षेत्रमा ११० जना उम्मेद्वार रहेका थिए । जसमा ९ महिला र १०१ जना पुरुष उम्मेद्वार रहेका थिए । राजनीतिक दलको तर्फबाट ८४ जना र स्वतन्त्रबाट २६ जना उम्मेद्वारले प्रतिष्पर्धा गरेका थिए ।
Facebook Comment
साउदी अरेबियालाई ५ विकेटले पराजित गर्दै नेपाल एसीसी प्रिमियर कप २०२६ को सेमिफाइनलमा पुगेको छ।
आइतबार मलेसियाको बायुमास ओभल मैदानमा टस जितेर पहिले ब्याटिङ गरेको साउदी अरेबिया चार बल बाँकी छँदै अलआउट भएर १९० रनमा समेटिएको थियो। १९१ रनको लक्ष्य पछ्याएको नेपालले ४१ ओभरमा पाँच विकेट क्षतिमा १९३ रनसहित जित निकाल्न सफल भयो।
नेपालका लागि इशान पाण्डेले सर्वाधिक ४० रन जोडे। उनले ५९ बलमा दुई चौका हाने। देव खनालले ३९, कप्तान रोहितकुमार पौडेलले अविजित २४, आसिफ शेखले २० तथा अर्जुन कुमालले १५ रन बनाए।
यसअघि साउदी अरेबियाका लागि ओपनर अब्दुल वाहिदले सर्वाधिक ७७ रनको योगदान गरे। उनले ८९ बलमा १० चौका र दुई छक्का प्रहार गरे। मुहम्मद अतिफले ३० तथा मोहम्मद हिशाम शेखले २८ रन जोडे।
दोस्रो विकेटका लागि अतिफ र वाहिदले ९४ रनको साझेदारी गर्दै साउदीलाई बलियो स्कोरतिर बढाए। २.१ ओभरमा पहिलो विकेट गुमाएको साउदीका यी दुई ब्याटर २२.६ ओभरसम्म क्रिजमा रहँदै ९४ रनको साझेदारी गरे।
नेपालका लागि सन्दीप लामिछाने र दीपेन्द्रसिंह ऐरीले समान तीन-तीन विकेट लिए। ललितराजवंशीले दुई तथा शेर मल्ल र गुल्शन झाले एक-एक विकेट लिए।
यो प्रतियोगितामा नेपालको लगातार तेस्रो जित हो । यसअघि नेपालले समूह चरणमा बहराइन र मलेसियालाई हराएको थियो। लगातार तीन जितपछि नेपाल समूह ‘ए’ को शीर्ष स्थानमा रहरे अन्तिम चार पुगेको हो । नेपालले समूह चरणको अन्तिम खेल हङकङसँग खेल्ने भएको छ।
१० टोली सहभागी प्रतियोगिताको विजेता टोली एसिया कपका लागि छनोट हुनेछ। नेपाल सन् २०२३ पछि पुनः एसिया कप खेल्ने लक्ष्यसहित अघि बढेको छ।
सडक अवरुद्ध भएपछि ढुवानीमा समस्या भएको भन्दै खाना पकाउने ग्यासको मूल्य बढाइएको छ। धादिङको कृष्णभिरमा गएको पहिरोका कारण पृथ्वी राजमार्ग अवरुद्ध भएपछि वैकल्पिक ढुवानी महँगो परेको भन्दै नेपाल आयल निगमको सहमतिमा उद्योगीले खाना पकाउने एलपी ग्यासको मूल्य बढाएका हुन् ।
निगमले एलपी ग्यासको मूल्य प्रतिसिलिन्डर २ हजार ६० रुपैयाँ तोकेकोमा ढुवानी भाडा भन्दै उद्योगीले १ सय ५ रुपैयाँ ३८ पैसा बढाएका हुन् ।
१८ भदौमा बसेको वार्षिक साधारणसभाको निर्णय बमोजिम काठमाडौं उपत्यकामा एलपी ग्यासको मूल्य बढाएको संघले विज्ञप्ति मार्फत जानकारी दिएको छ ।
उद्योग संघले गरेको निर्णय अनुसार अब काठमाडौं उपत्यकामा ग्यासको मूल्य प्रतिसिलिन्डर २ हजार १ सय ६५ रुपैयाँ ३८ पैसा पर्ने छ ।
आइएमई ग्रुपले भोटेकोशी नदीमा आएको विनाशकारी बाढीका कारण प्रभावित नागरिकहरूको खोज, उद्धार, तत्काल राहत तथा पुनर्स्थापनाका लागि प्रधानमन्त्री दैवी प्रकोप उद्धार कोषमा १० करोड रुपैयाँ बरावरको सहयोग प्रदान गरेको छ ।
सोमबार सिंहदरबारमा ग्रुपले प्रवर्द्धन गरेका कम्पनीका प्रतिनिधिहरूसहित आइएमई ग्रुपका अध्यक्ष चन्द्र प्रसाद ढकालले अर्थमन्त्री डा. स्वर्णिम वाग्लेलाई १० करोड रुपैयाँको चेक हस्तान्तरण गरेका हुन् ।
रसुवा जिल्लाको भोटेकोशी नदीमा आएको विनाशकारी बाढीका कारण उत्पन्न विषम परिस्थितिमा मानवीय सहयोग तथा सहकार्य मार्फत प्रभावित समुदायलाई हर सम्भव सहयोग जुटाउन आइएमई ग्रुप प्रतिबद्ध रहेको अध्यक्ष ढकालले बताए ।
विदेशमा रहेका नेपाली नागरिकहरूले प्रधानमन्त्री दैवी प्रकोप राहत कोषमा रकम पठाउँदा लाग्ने रेमिट्यान्स शुल्क सेप्टेम्बर १० सम्म पूर्ण रूपमा निःशुल्क गरिएको उनले जानकारी दिए ।
साथै, ग्रुपले आइएमई फाउण्डेशनको समन्वयमा थप राहत तथा जिन्सी सहयोग उपलब्ध गराउने प्रतिबद्धता समेत गरेको छ ।
यसअघि पनि देशका विभिन्न भूभागमा आएका भीषण बाढी, पहिरो, डुबान, भूकम्प तथा महामारीजस्ता विपद्का समयमा आर्थिक, भौतिक तथा मानवीय सहायता निरन्तर उपलब्ध गराउँदै आएको आइएमई ग्रुपले जनाएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login