शेयर
नाफा बढे पनि व्यवसाय नबढ्दा बैंकको लाभांश दर घट्यो
विराटचोकः गत आर्थिक वर्षमा वाणिज्य बैंकहरुको नाफामा २३ प्रतिशतले वृद्धि देखिए पनि बैंकहरुले लाभांश दर भने घटाउँदै लगेका छन् । बैंकहरुले आफ्नो पूँजी वृद्धि गरेअनुसार व्यवसाय वृद्धि एवम् नाफा वृद्धि गर्न नसक्दा लाभांश दर घटाउनु परेको हो ।
कोभिड संक्रमणको समयमा बैंकबाट नगद बाहिर नजाओस् भनेर राष्ट्र बैंकले नै बैंकहरुलाई बोनस शेयर लाभांश दिन बाध्य पार्याे । बैंकहरुले लाभांश दिँदा त्यसमा ३० प्रतिशत मात्रै नगद लाभांश दिन सकिने प्रावधान ल्याइयो । केन्द्रीय बैंकको बाध्यकारी व्यवस्थापछि प्रायः सबै बैंकले आफ्नो गच्छेअनुसार बोनस शेयर दिए पनि गत वर्षको नाफाबाट भने धेरैले नगद लाभांशमा जोड दिएका छन् ।
आर्थिक वर्ष २०७७–७८ मा ३३.६० प्रतिशत बोनस शेयर र ४.४० प्रतिशत नगद लाभांश गरी ३८ प्रतिशत लाभांश बाँडेको नबिल बैंकले आव २०७८–७९ मा भने लाभांश दर घटाएर ३० प्रतिशत मात्रै दिँदैछ । बैंकले गत आवमा १८.५० प्रतिशत बोनस शेयर र ११.५० प्रतिशत नगद लाभांश बाँड्ने घोषणा गरेर बुक क्लोज मिति (शेयर दाखिला खारेजी मिति) पनि तोकेको छ ।
सिद्धार्थ बैंकले अघिल्लो वर्ष १४.२५ प्रतिशत बोनस र ०.७५ प्रतिशत नगद गरी १५ प्रतिशत लाभांश बाँडेकोमा गत आवमा भने १२.५० प्रतिशत बोनस र ०.६६ प्रतिशत नगद लाभांश गरी १३.१६ प्रतिशत मात्रै लाभांश बाँड्ने भएको छ । अघिल्लो वर्ष १७ प्रतिशत बोनस शेयर त्यसमा लाग्ने करसहित १७.८९ प्रतिशत लाभांश बाँडेको सानिमा बैकको लाभांश दर घटेर गत वर्ष १० प्रतिशतमा झरेको छ ।
बोनस शेयर नै लाभांश घोषणा गरेका बैंकहरुले पनि लाभांश दरलाई १० प्रतिशतभन्दा कम मात्रै घोषणा गरेका छन् । नबिल बैंकले १८.५० प्रतिशत, एभरेष्ट बैंकले १३ प्रतिशत, सिद्धार्थ बैंकले १२ प्रतिशत र सानिमा बैंकले १० प्रतिशतबाहेक अन्य सबै बैंकले एकल अंकमा स्टक लाभांश घोषणा गरेका छन् । यस वर्ष हिमालयन बैकले ८ प्रतिशत, प्रभु बैंकले साढे ६ प्रतिशत, बैक अफ काठमाण्डूले ६ प्रतिशत, सिभिल बैंकले ५ प्रतिशत, सेन्चुरी बैंकले ४.७५ प्रतिशत, नेपाल इन्भेष्टमेन्ट बैंकले ४ प्रतिशत, प्राइम कमर्सियल बैंकले ४ प्रतिशत, मेगा बैंकले ४ प्रतिशत, नेपाल क्रेडिट एन्ड कमर्स बैंकले ३.३७ प्रतिशत, ग्लोबल आईएमई बैंकले ३ प्रतिशत, नेपाल एसबीआई बैंकले ३ प्रतिशत र सबैभन्दा कम नेपाल बैंकले २ प्रतिशत बोनस शेयर लाभांश घोषणा गरेका छन् । गत आवमा तुलनात्मक रूपमा नगद लाभांशको अंश बढी देखिएको छ ।
नगद लाभांशमा स्ट्यान्डर्ड चार्टर्ड बैंकले सबैभन्दा बढी १६.५१ प्रतिशत लाभांश घोषणा गरेको छ भने दोस्रोमा नबिल बैंकले ११.५० प्रतिशत लाभांश घोषणा गरेको छ । कृषि विकास बैंकले भने लाभांश घोषणा गर्न बाँकी छ ।
चार बैंकको शून्य लाभांश
गत आर्थिक वर्षको नाफाबाट ४ वटा बैंकले लाभांश नदिने घोषणा गरेका छन् । यस पटक सनराइज बैंक, लक्ष्मी बैंक, एनआईसी एशिया र माछापुच्छ«े बैंकले लाभांश नदिने घोषणा गरेका हुन् । राष्ट्र बैंकको प्रावधानअनुसार पूँजी कोष टाइट भएका बैंकहरुले यस वर्ष लाभांश नबाँडेका हुन् । एनआईसी एशियाले गत वर्ष पनि लाभांश बाँडेको थिएन ।
४ वटा बैंकले नगद लाभांशमात्रै दिने
४ वटा बैंकले नगद लाभांश मात्रै दिने निर्णय गरेका छन् । स्ट्यान्डर्ड चार्टर्ड बैंक, कुमारी बैंक, सिटिजन्स बैंक इन्टरनेसनल र एनएमबी बैंकले यसपटक नगद लाभांश मात्रै घोषणा गरेका छन् ।
विदेशी लगानीका बैंकले बढाए लाभांश दर
यस वर्ष लाभांश दर बढाउने बैंकहरुमा भने विदेशी लगानीमा सञ्चालित बैंकहरु अगाडि देखिएका छन् । अघिल्लो आवमा नगद र बोनस शेयर गरी १०.३२ प्रतिशत लाभांश बाँडेको एभरेष्ट बैंकले गत आवमा १३ प्रतिशत बोनस शेयर र ७.७८ प्रतिशत नगद लाभांश गरी २०.६८ प्रतिशत लाभांश दिएको छ । यो अघिल्लो वर्षभन्दा शतप्रतिशत बढी हो । त्यसैगरी विदेशी लगानीमै स्थापित नेपाल एसबीआई बैंकले अघिल्लो वर्ष साढे ३ प्रतिशत बोनस शेयर र १.८१ नगद लाभांश गरेर ५.३१ प्रतिशत मात्रै लाभांश बाँडेकोमा गत वर्ष भने ३ प्रतिशत बोनस शेयर र ७.५३ प्रतिशत नगद लाभांश गरेर १०.५३ प्रतिशत लाभांश बाँडेको छ ।
विदेशी लगानीमै स्थापित स्ट्यान्डर्ड चार्टर्ड बैंकले अघिल्लो वर्ष १३.०६ प्रतिशत लाभांश बाँडेकोमा गत वर्ष १६.५१ प्रतिशत नगद लाभांश घोषणा गरेको छ । – मेरो लगानीबाट
Facebook Comment
सिद्धार्थ बैंक एनपीएल क्रिकेटमा लुम्बिनी लायन्स प्लेअफमा प्रवेश गर्ने चौथो टोली बनेको छ। शुक्रबार जनकपुर बोल्ट्सलाई ४ विकेटले पराजित गर्दै लुम्बिनीले पहिलोपटक प्लेअफ स्थान सुरक्षित गरेको हो । १३३ रनको लक्ष्य लुम्बिनीले १९.१ ओभरमा ६ विकेट खोस्दै पूरा गर्यो। कप्तान रोहित पौडेलले ३४, डार्शी सर्टले ३० रन बनाए। पराजयसँगै जनकपुर, पोखरा एभेन्जर्स र चितवन राइनोज प्लेअफ दौडबाट बाहिरिए। यसअघि सुदूरपश्चिम रोयल्स, काठमाडौँ गोर्खाज र विराटनगर किंग्सले प्लेअफ बुक गरिसकेका छन्। अब शनिबारको खेलपछि दोस्रो र तेस्रो स्थानको टुङ्गो लाग्नेछ।
सहलेस फुटबल क्लब सिरहामाथि संघर्षपूर्ण जित निकाल्दै गाईघाट युनाइटेड अन्तर्राष्ट्रिय आमन्त्रण प्रथम गछिया गोल्डकप फुटबल प्रतियोगिताको फाइनलमा प्रवेश गरेको छ।
मोरङको सुन्दरहरैंचा–गछिया बजार खेल मैदानमा शुक्रबार सम्पन्न पहिलो सेमिफाइनलमा गाईघाटले सहलेसलाई १–० ले पराजित गर्दै उपाधि नजिक पुगेको हो। खेलको ६९औँ मिनेटमा सुनिल खड्काले प्रहार गरेको फ्री–किक नै टिमका लागि निर्णायक गोल बन्यो।
विजयी टिमका विनोद राई ‘म्यान अफ द म्याच’ घोषित भए। उनले नगद ५ हजार १ सय रुपैयाँ प्राप्त गरे।
गाईघाट युनाइटेडले अब उपाधिका लागि शनिबार हुने आयोजक गछिया युवा समाज र राष्ट्रिय जागृति क्लब इटहरीबीचको दोस्रो सेमिफाइनल विजेतासँग सोमबार भिड्नेछ।
प्रतियोगितामा विजेताले २ लाख १ हजार र उपविजेताले १ लाख १ हजार रुपैयाँ पुरस्कार प्राप्त गर्नेछन्।
नेपाल प्रिमियर लिग (एनपीएल) क्रिकेटमा आज जनकपुर बोल्ट्स र लुम्बिनी लायन्सबीच प्रतिस्पर्धा हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँसो ४ बजे सुरु हुने छ।
रोहित पौडेलको कप्तानीमा रहेको लुम्बिनी लिग चरणको अन्तिम खेल खेल्दैछ। अघिल्ला ६ खेलमध्ये ३ मा जित निकाल्दै ६ अंकसहित प्लेअफ नजिक पुगेको लुम्बिनीका लागि आजको खेल अत्यन्तै महत्वपूर्ण मानिँदैछ। जीत हासिल गरे प्लेअफ स्थान सुरक्षित हुने छ।
पछिल्लो संस्करणको विजेता जनकपुर बोल्ट्सको भने यसपटक प्रदर्शन कमजोर रह्यो। ५ खेलमा जम्मा २ अंक जोडेको जनकपुरले एक खेल मात्र जित्न सफल भएको छ। अनिल साहको कप्तानीमा रहेको जनकपुरले आज आफ्नो छैटौँ खेल खेल्दैछ।
जनकपुरले आजको खेल जिते पनि प्लेअफ समीकरण अन्य खेलहरूमा निर्भर रहने छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login