स्थानीय तह
करवृद्धिविरुद्धको आन्दोलनमा कसले के भने
विराटचोकः सुन्दरहरैंचा नगरपालिकाले करवृद्धि गरेपछि कर घटाउन जनदबाब दिने उद्देश्यले गठित सङ्घर्ष समितिले आजदेखि हरेक दिन विभिन्न चोकमा अन्तरक्रिया कार्यक्रम गर्न थालेको छ ।
समितिले आज खोर्सानेमा आयोजना गरेको कार्यक्रममा नेपाली कांग्रेस, राष्ट्रिय प्रजातन्त्र पार्टी, नेकपा एकीकृत समाजवादीका साथै मजदुर, स्थानीय तथा अन्य व्यक्तिले आफ्ना भनाइ राखेका छन् । करवृद्ध फिर्ता नलिएसम्म आन्दोलन जारी राख्नुपर्ने उनीहरुको माग छ । यसरी भनाइ राखे कार्यक्रमका सहभागीले
मित्रसेन योञ्जन, नेपाली कांग्रेस
वृद्धि भएको कर जनहितमा छैन । यो कर जनताको विकास निर्माणको लागि पनि उपयोगमा आएको छैन, तलब भत्तामा यसको उपयोग हुने गरेको छ ।
कर घटाउनुपर्छ भनेर अहिले लाग्नेहरु अघिल्ला वर्षमा कर बढाउने पक्षमा रहेको उनले सुनाए । उद्योग वाणिज्य संघको हलमा भएको कार्यक्रममा नेकपा माओवादी केन्द्रका नेता नवराज चापागाईँले कर बढाउनुपर्छ भन्ने प्रस्ताव राख्दा सबैले सहमति जनाएका तर आफूले मात्रै विमति जनाएको उनले सुनाए । अहिले फेरि चापागाईँ नै कर घटाउनुपर्छ भन्दै लाग्नुभएको उनको भनाइ थियो ।
अघिल्लो वर्ष कर बढाउन सहमत देखिएका व्यक्तिहरुको आड पाएर नै नगरपालिका यस वर्ष यो निर्णयबाट पछि हट्न नमान्ने स्थिति आउन सक्ने उनको भनाइ थियो । पोहोर आफूले खनेको र खन्न आग्रह गरेको बाटोमा नै अहिलेका जनप्रतिनिधि हिँडेका हुनाले पहिले आफूले खनेको बाटो मेट्नुपर्ने उनले बताए ।
बालकृष्ण कँडेल, राप्रपा
करको दुरुपयोग भइरहेको अवस्थामा सयौँ, हजारौँ गुणा कर बढाइनुले अब झन् करको दुरुपयोग हुने सम्भावना रहेको उनले बताए ।
सबैसँग छलफल र अन्तरक्रिया गरेर मात्रै कर बढाउनुपर्नेमा सो कार्यमा नगरपालिका चुकेको उनको भनाइ थियो । व्यापारीसँग कारोबारका आधारमा कर लिइनुपर्ने उनले सुझाव दिए ।
सुजू थापा, नेतृ
अघिल्ला वर्षमा कर तिर्न नागरिक उत्साही हुन्थे, तर अहिले कर नतिर्न अनुरोध गर्ने नगरवासी मात्रै भेटिन थालेका छन् ।
करले जहाजै डुबाउने भयो भन्ने व्यक्तिमात्रै भेटिन थालेको उनको भनाइ थियो । कर घटाउने अभियानमा जनसहभागिता बढाउन ध्यान दिनुपर्ने उनको सुझाव थियो ।
सुरेशकुमार श्रेष्ठ, व्यवसायी
व्यापारीहरु करका कारण पलायन हुने अवस्था आएको छ । अघिल्लो वर्ष ४५० रुपैयाँ तिरेको कर १ हजार ६ सय रुपैयाँ तिर्नुपर्दा पनि कर वृद्धि भएको छैन भनेर नगरपालिकाले भन्नु हास्यास्पद छ ।
भन्सार, बहाल कर, नगरपालिकामा कर, उद्योग वाणिज्य संघमा कर, कर कार्यालयमा कर तिर्नुपर्दा व्यवसायी ठूलो मारमा परेका उनको भनाइ थियो ।
राजन जमरकट्टेल, स्थानीय
व्यक्तिले कानुनलाई हातमा लिएर गरेका निर्णय मान्न हामी बाध्य हुनेछैनौँ । २ हजार प्रतिशतसम्म कर बढेको पाइएको छ ।
मदन भण्डारीको भनाइ उद्धृत गर्दै उनले भने, ‘देशमा दलाल, पूँजीवादको शासन रहिरह्यो भने राजा फालेर पनि सुशासन हुँदैन ।’ शासन सम्हालेको १ वर्ष बितेपछि नगरप्रमुखले कर बढाएका कारण यो नगरमा बस्न सक्ने कि नसक्ने भन्ने परिस्थिति सिर्जना भएको उनले बताए । गाउँगाउँमा आएको सिंहदरबारले कर मात्रै बढाएको उनले बताए ।
सूर्यबहादुर धौलाकोटी, मजदुर
मजदुरले दिनमा ५ सय रुपैयाँ कमाउँछ, तर करको दर बढिरहेको छ । यसले हाम्रो परिवार पाल्न नै समस्या हुने अवस्था आएको छ । अन्य नगरपालिकामा कर बढेको छैन । तर सुन्दरहरैंचामा मात्रै अचाक्ली बढेको छ ।
लक्ष्मीप्रसाद श्रेष्ठ, नेकपा एकीकृत समाजवादी
आम्दानी वा नाफामा कर तिर्न पाउँदा कसैको पनि चित्त दुख्दैन । तर अघिल्लो आर्थिक वर्षमा १८०० तिरेको करदातासँग नगरले अहिले १३ हजार रुपैयाँ लिन्छ भने त्यो कर लिएको होइन, लुटेको हो ।
करका कारण नगरवासीको ढाड भाँचिएको छ, यसले कुनै दललाई छोडेको छैन ।
भक्तिप्रसाद सिटौला, नेपाली कांग्रेस
हामी पूर्वाग्रही नबनौँ । व्यक्तिलाई दोषी नबनाऔँ । सुन्दरहरैंचाको सिंहदरबारले जनताको हितमा काम गर्नुपर्नेमा कर बढाएर । हामी संयम बनेर सबैलाई एकत्रित पार्दै अघि बढौँ । हामी पूर्वाग्रही बन्यौँ भने आन्दोलनमा अवरोध आउन सक्छ ।
कार्यक्रममा सयौँको सङ्ख्यामा स्थानीय उपस्थित भएका थिए ।
कार्यक्रम नेकपा एकीकृत समाजवादीका नेता महेश आचार्यले सञ्चालन गरेका थिए ।
कार्यक्रममा करवृद्धि विरुद्ध ऐक्यबद्धता जनाउनेहरुको हस्ताक्षर सङ्कलन गरिएको थियो ।
समितिले भोलि दिउँसो १ बजे विराटचोक र हरैंचामा अन्तरक्रिया गर्ने भएको छ ।
कार्यक्रमको भिडियोका लागि तलको लिंक क्लिक गर्नुहोस् ।
कार्यक्रमका थप तस्बिरका लागि तलको लिंक क्लिक गर्नुहोस् ।
Facebook Comment
Banner
सुन्दरहरैंचाको गछिया युवा समाज मच्छिन्द्र फुटबल क्लबलाई पराजित गर्दै पुग्यो इटहरी गोल्डकपको फाइनलमा
सुन्दरहरैंचाको गछिया युवा समाज इटहरीमा जारी रेडबुल १६ औं इटहरी गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको फाइनलमा प्रवेश गरेको छ ।
शुक्रबार भएको प्रतियोगिताको पहिलो सेमीफाइनलमा गछियाले मच्छिन्द्र फुटबल क्लब, काठमाडौंलाई पेनाल्टी सुटआउटमा हराउँदै उपाधि नजिक पुगेको हो । निर्धारित समयको प्रतिस्पर्धात्मक खेल दुवै टोलीले ३–३ गोलको बराबरी खेलेपछि खेलको निर्णय पेनाल्टी सुटआउटमार्फत् भएको थियो
निर्धारित समयमा गछियाका लागि जनमय धामी, सुजन डंगोल र पदम भट्टराईले गोल गरेका थिए । मच्छिन्द्रका लागि प्रदिप बुढाथोकीले दुई गोल गर्दा थप एक गोल देवेन्द्र तामाङले गरेका थिए ।
पेनाल्टी सुटआउटमा गछिया ५–४ ले गोलले विजयी बन्दा गछियाकै पदम भट्टराई प्लेयर अफ दि म्याच बने ।
राष्ट्रिय जागृति क्लब, इटहरी, सुनसरीको आयोजनामा जारी प्रतियोगिताको विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ ।
गछियाले उद्घाटन खेलमा नाइजेरियाको फुटबल टिमलाई पराजित गरेको थियो ।
वर्षाका कारण बीपी राजमार्गअन्तर्गत काभ्रेको नमोबुद्धस्थित कटुञ्जेदेखि रोशीको मंगलटार सडकखण्ड आज बिहानदेखि अवरुद्ध भएको छ ।
कटुञ्जे–मंगलटार सडकखण्डको विभिन्न स्थानमा ‘डाइभर्सन’ बगाएका कारण सडक अवरुद्ध भएको जिल्ला प्रहरी कार्यालयले जनाएको छ । डाइभर्सन मर्मत सुरु गरिए पनि आवागमन सुचारु गर्न केही घण्टा लाग्ने भएकाले कार्यालयका सूचना अधिकारी प्रहरी नायब उपरीक्षक रविन विष्टले जानकारी दिए । उनका अनुसार वर्षाका कारण रोशी खोलामा पानीको बहाव बढेपछि राजमार्गमा यसअघि निर्माण गरिएको अस्थायी डाइभर्सन बगाएको हो ।
गत सालको बाढीपहिरोले रागमार्गको रोशी तथा सिन्धुलीको नेपालथोक क्षेत्रमा १८ किमी सडक बगाएपछि डाइभर्सन निर्माण गरी आवागमन भइरहेको थियो । यस्तै, गत चैत तेस्रो साता पनि सोही क्षेत्रको विभिन्न स्थानको चार किमी बगाएपछि पुनः अस्थायी डाइभर्सन निर्माण गरिएको थियो ।
यसैबीच, राजमर्गा अवरुद्ध भएपछि सवारीसाधनलाई अहिले राजमार्गको प्रवेशमार्ग धुलिखेलको काभ्रेभञ्ज्याङ र सिन्धुलीको नेपालथोकमा ‘होल्ड’ गरेर राखिएको छ । राजमार्गको अवस्था बुझेर मात्रै यात्रा गर्न सर्वसाधारणलाई प्रहरीले अनुरोध गरेको छ भने अर्को सूचना जारी नभएसम्म उक्त खण्डमा यात्रा नगर्न अपिलसमेत गरिएको छ ।
गत साल असोजको बाढीपहिरोले चौकीडाँडा–नेपालथोक सडकखण्ड पूर्णरुपमा क्षतिग्रस्त बनाएपछि खोलाबाटै अस्थायी सडक एवं डाइभर्सन बनाएर यातायातका साधन सञ्चालन गर्दै आइएको थियो । हाल उक्त क्षेत्रमा स्थायी सडक निर्माण भइरहेको डिभिजन सडक कार्यालय भक्तपुरले जनाएको छ ।
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login