शेयर
आइपीओ निष्कासन अनुमति पाएका ३० हाइड्रोपावर कम्पनीमध्ये १९ को नेटवर्थ ऋणात्मक
काठमाडौंः नेपाल धितोपत्र बोर्डले गत आर्थिक वर्ष र चालु आर्थिक वर्षमा अहिलेसम्म गरी कुल ३० हाइड्रोपावर कम्पनीलाई आइपीओ बिक्री गर्न अनुमति दिइसकेको छ । त्यसअघि पनि हाइड्रोपावरको आइपीओ आएकै हुन्थ्यो ।
जसअनुसार गत वर्ष २९ र चालु आर्थिक वर्षमा १ गरी ३० वटा हाइड्रोपावर कम्पनीले आइपीओ बिक्री गर्न अनुमति पाएको देखिन्छ । यसरी आइपीओ बिक्री गर्न अनुमति पाएका ३० मध्ये १९ वटा कम्पनीको प्रतिशेयर नेटवर्थ ऋणात्मक अर्थात्, १०० रुपैयाँभन्दा पनि कम रहेको छ । यसरी नेटवर्थ ऋणात्मक हुनेलाई हेर्दा कुल निष्कासन अनुमति पाएका हाइड्रोपावर कम्पनीको ६३ प्रतिशत हुन आउँछ । त्यसैगरी, अधिकांश आइपीओ अनुमति पाएका हाइड्रोपावर कम्पनीको प्रतिशेयर आम्दानी पनि नोक्सानीमा रहेको देखिन्छ । गत वर्ष साधारण शेयर जारी गर्न अनुमति पाएका हाइड्रोपावर कम्पनीमध्ये कुथेली बुखरी स्मल हाइड्रोपावरको नेटवर्थ सबैभन्दा धेरै १६५ रुपैयाँ ४ पैसा रहेको छ । यो गत वर्षको चैतमसान्तसम्मको वित्तीय रिपोर्ट अनुसार हो । यसले चौथो त्रैमासको रिपोर्ट भने अहिलेसम्म सार्वजनिक गरेको छैन ।
दोस्रोमा भिजन लुम्बिनी उर्जाको नेटवर्थ १३९ रुपैयाँ ७७ पैसा रहेको छ । यसले चालु आर्थिक वर्षमा आइपीओ बिक्री गर्न अनुमति पाएको हो । यस कम्पनीले पहिलो चरणमा वैदेशिक रोजगारीमा रहेका नेपाली र आयोजना प्रभावित क्षेत्रका स्थानीयलाई आइपीओ बिक्री गरिसकेको छ । अब सर्वसाधारणलाई सेयर बिक्री गर्न बाँकी छ । तथ्याङ्क अनुसार ३० कम्पनीमध्ये ११ वटाको मात्र नेटवर्थ १०० रुपैयाँभन्दा धेरै छ । सबैभन्दा कम नेटवर्थ बाराही हाइड्रोपावर पब्लिक लिमिटेडको ५८ रुपैयाँ ६३ पैसा रहेको छ । यसैगरी, भूगोल इनर्जीको ६४ रुपैयाँ ५४ पैसा, अप्पर स्याङ्गे हाइड्रोपावरको ६५ रुपैयाँ ७१ पैसा र मनकामना इन्जिनियरिङको ६९ रुपैयाँ नेटवर्थ रहेको छ ।
४ कम्पनीको प्रतिशेयर नेटवर्थ ७० रुपैयाँभन्दा कम छ । त्यस्तै, ९ वटाको ८० रुपैयाँ भन्दा कम नेटवर्थ देखिएको छ । यता, सबैभन्दा कम प्रतिशेयर आम्दानी अप्पर स्याङ्गेको देखिएको छ । यसको उक्त आम्दानी २४ रुपैयाँ ९४ पैसाले ऋणात्मक रहेको छ ।
यसरी प्रतिसेयर नेटवर्थ र प्रतिसेयर आम्दानी कम वा ऋणात्मक नै भएका कम्पनीहरुलाई समेत आइपीओ जारी गर्न स्वीकृति दिने धितोपत्र बोर्डले भने यस विषयमा लगानीकर्ता स्वयं नै सचेत भएर आवेदन दिनुपर्ने बताउदै आएको छ । बोर्डका अध्यक्ष रमेश कुमार हमालले बेलाबेला १० कित्ताको नीतिले गर्दा पनि जस्तोसुकै कमजोर कम्पनीको आइपीओ बिक्री भएको बताउने गरेका छन् । उनले सर्वसाधारणले पनि सचेत भएर कमजोर कम्पनीको शेयर नकिन्नुपर्ने बताउँछन् । तर अति कमजोर कम्पनीलाई अनुमति दिनबाट रोक्न भने उनले चाहेको देखिँदैन ।
नियमअनुसार नै दिएको भनेर बोर्डका पदाधिकारी पन्छिने गरेका छन् । नेपाल धितोपत्र बोर्डका प्रवक्ता मुक्तिनाथ श्रेष्ठले प्रक्रिया पूरा गरेर आएका कम्पनीहरुलाई नियमअनुसार सार्वजनिक निष्कासन अनुमति दिएको बताए । कुनै पनि कम्पनीले पूँजी बढाउन र लगानी विस्तार गर्न सर्वसाधारणसँग रकम सङ्कलनका लागि आइपीओ जारी गर्छन् । यसमा सर्वसाधारणले शेयर खरिद गर्नुपर्ने बाध्यकारी अवस्था भने छैन । तर, १० कित्तामात्र खरिद गर्ने व्यवस्थाले गर्दा पनि जस्तोसुकै कम्पनीको शेयर बिक्री भएको जानकारहरु बताउँछन् ।
यता, वित्तीय अवस्था निकै खराब रहेका कम्पनीहरुले शेयरधनीलाई वर्षौंसम्म लाभांश वितरण गर्न नसक्ने देखिएको छ । यस्ता कम्पनीहरुले थप पूँजी बढाउन हकप्रद शेयरको सहारा पनि लिने गरेका छन् । बोर्डले कम नेटवर्थ भएका हाइड्रोपावरसहित अरु समूहका कम्पनीहरुलाई पनि शेयर बिक्री गर्न अनुमति दिइरहेको देखिन्छ । जस्तैः सिटी होटल, नेपाल रिपब्लिक मिडियालगायत कमजोर वित्तीय अवस्था भएका कम्पनीले पनि शेयर बिक्री गर्न अनुमति पाएका हुन् । हाल यही विषयलाई लिएर बोर्डको तीव्र आलोचना पनि भइरहेको छ । बोर्डले जस्तोसुकै कम्पनीलाई पनि आइपीओ बिक्री गर्न अनुमति दिन नहुने लगानीकर्ताले माग गरेका छन् । उनीहरुले शेयर सप्लाई तीव्र रुपमा आएकाले नै बजार थप घटेको भनेर आरोप लगाएका हुन् ।
नेटवर्थ के हो ?
सम्पत्तिमा दायित्वहरु घटाएर आएको रकम नै नेटवर्थ हो । सोही रकमलाई कम्पनीको शेयर संख्याले भाग गर्दा आउने फल नै प्रतिशेयर नेटवर्थ हो । यदि कम्पनी टाट पल्टिन्छ भने सामान्यतयः प्रतिशेयर नेटवर्थ बराबरको रकम त्यसले शेयरधनीलाई वितरण गर्न सक्छ भनेर बुझ्न सकिन्छ । यसकारण पनि विश्लेषकहरुले नेटवर्थ धेरै भएका कम्पनीमा लगानी गर्दा जोखिम कम हुने बताउँदै आएका छन् ।
Facebook Comment
२०८३ साल जेठ २६ गते मंगलबार अधिक जेठ कृष्ण पक्षको नवमी तिथि। सन् २०२६ जुन ९ तारिख। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी हुन्छ।
मेष : दिन सामान्य छ । सानो कुराले व्यवहारमा झन्झट बढ्नेछ । सामाजिक क्षेत्रमा विवाद हुने जोखिम छ । सबै कुरा छोडेर परिवारको काममा केन्द्रित हुनु राम्रो हुन्छ । शिक्षामा भने प्रगति हुनेछ ।
वृष : दिन राम्रो छ । सोचेर गरेको लगानीबाट नाफा हुनेछ । स्वास्थ्यमा सुधारका लागि खानपानमा विशेष ध्यान दिनुपर्नेछ । साथीको सहयोगले तपाईंको काम बन्नेछ । सामाजिक सेवामा ध्यान दिएमा मन शान्त बन्नेछ ।
मिथुन : दिन धेरै राम्रो छ । नियमित कामबाट मन शान्त बन्नेछ । साथीभाइले सहयोग गर्नेछन् । व्यवहारिक पक्षमा सचेत बन्नु राम्रो हुनेछ । थोरै बोलेर धेरै काम गर्नुपर्ने समय छ । शिक्षामा गरेको मिहिनेतको फल मिल्नेछ ।
कर्कट : दिन राम्रो छ । तपाईंको बोलीको प्रभावले राम्रो काम बन्नेछ । मनमा कुरा नराख्नु राम्रो हुनेछ । प्राविधिक शिक्षामा गरेको प्रयासबाट प्रगति हुनेछ । उच्च पदका साथीसँगको भेटले मन हलुका हुनेछ ।
सिंह : दिन सामान्य छ । राजनीतिमा साथी खराब छन्। आफन्तले भन्दा साथीभाइले दुःखमा साथ दिनेछन् । रोगबाट मुक्त हुन खानपानमा विशेष ध्यान दिनुपर्ने दिन छ । परिवारसँगको सम्बन्ध सुमधुर बन्नेछ । प्रेममा सफलता मिल्नेछ ।
कन्या : संकटमा परिवारले साथ दिनेछन् । सञ्चित धन महत्त्वपूर्ण काममा उपयोग हुनेछ । प्रेम सम्बन्ध सुमधुर बन्नेछ । लगानी भए व्यापारमा नाफा हुनेछ । सेवाका लागि राजनीतिमा थप मिहिनेत गर्नुपर्ने दिन छ ।
तुला : शिक्षाको क्षेत्रमा प्रगति हुने दिन छ । साथीभाइको सहयोग प्राप्त हुनेछ । राजनीति संगठनमा सेवाको अवसर मिल्नेछ । परिवारको भावनालाई कदर गर्न नसक्दा खटपटी आउनसक्छ ।
वृश्चिक : हरेक क्षेत्रमा बाधा हुनसक्छ । राजनीतिक संगठनमा अरुले गरेको गल्तीको भारी तपाईंले बोक्नुपर्ने बाध्यता आइपर्न सक्छ । स्वदेशी लगानी भन्दा विदेशको लगानीबाट मन शान्त बन्नेछ । परिवारसँगको सम्बन्ध भने सुमधुर बन्नेछ ।
धनु : दिन राम्रो छ । धन आर्जन हुनेछ । महत्त्वपूर्ण कामका लागि स्वास्थ्यले साथ दिनेछ । बिहानै पिपलको दर्शन गरेमा दिन सहज बन्नेछ । परिवारसँगको सम्बन्ध सुमधुर बन्ने छ । शिक्षामा गरेको मिहिनेतको फल मिल्नेछ ।
मकर : दिन सामान्य छ । एकल निर्णय भन्दा साथीभाइको सहयोगले अगाडि बढ्नुपर्ने दिन छ । स्वदेशमा भन्दा विदेशमा तपाईंको नाम र दाम रहनेछ । साथीभाइसँग व्यवहार गर्दा सचेत बन्नुपर्नेछ । प्रेम सम्बन्ध सुमधुर बन्नेछ ।
कुम्भ : दिन राम्रो छ । महत्त्वपूर्ण काम बन्नेछ । सामूहिक निर्णयमा अगाडि बढेमा फाइदा हुने योग छ। शिक्षामा प्रगति हुनेछ । गणेशको भजन सुन्न सकेमा दिन सहज बन्नेछ । हरेक काममा परिवारको साथ र सहयोग मिल्नेछ ।
मीन : सानो कुराले व्यवहारमा झन्झट आइपर्न सक्छ । लगानी गर्नु भन्दा पनि भएको सम्पत्ति जोगाउने प्रयास गर्नुपर्नेछ । परिवार र साथीभाइको साथ र सहयोग प्राप्त हुनेछ । प्रेम सम्बन्ध सुमधुर हुनेछ । व्यापारमा गरेको मिहिनेतको फल मिल्नेछ ।
एसियाली खेलकुद (एसियाड) छनोटको उपाधि नेपालले जितेको छ। सिंगापुरमा सम्पन्न वर्षाले प्रभावित फाइनलमा नेपालले हङकङलाई १९ रनले पराजित गर्दै उपाधि जितेको हो।
टस हारेर पहिले ब्याटिङ गरेको हङकङले निर्धारित २० ओभरमा ७ विकेट गुमाएर १ सय ८८ रन बनाएको थियो। जवाफमा १ सय ८९ रनको लक्ष्य पछ्याएको नेपालले ११.३ ओभरमा २ विकेट गुमाएर १ सय १४ रन बनाउँदा वर्षाले खेल रोकिएपछि डिएल म्याथोडमा नेपाल १९ रनले विजयी भएको हो।
नेपालका लागि ओपनर कुशल भुर्तेलले ४० बलमा ८ चौका र ३ छक्काको सहयोगमा ६५ रन बनाए। त्यस्तै, रोहित पौडेलले ३५ रन बनाउँदा कप्तान दीपेन्द्र सिंह ऐरीले ९ रनको अविजित इनिङ्स खेले।
हङकङका लागि आयुश शुक्ला र एहसन खानले १-१ विकेट लिए।
त्यसअघि पहिले ब्याटिङ गरेको हङकङका लागि अन्सुमान रथले ४५ बलमा ६ चौका र छक्काको सहयोगमा ८० रन बनाए। त्यस्तै, शिभ माथुरले २६ रन बनाउँदा साहिद वासिफले ५५ रनको अर्धशतकीय इनिङ्स खेलेका थिए।
नेपालका लागि शेर मल्लले ४ विकेट लिँदा करण केसीले २ तथा सन्दीप लामिछानेले १ विकेट लिएका थिए।
नेपाली राष्ट्रिय क्रिकेट टोलीका कप्तान दीपेन्द्रसिंह ऐरीले टी-२० अन्तर्राष्ट्रिय क्रिकेटमा १०० खेल खेल्ने उपलब्धि हासिल गरेका छन्।
एसियन गेम्स पुरुष क्रिकेट छनोटअन्तर्गत सोमबार हङकङविरुद्ध भएको फाइनल खेलमा सहभागिता जनाएसँगै उनले यो कीर्तिमानी संख्या पूरा गरेका हुन्। उक्त खेलमा नेपालले टस जितेर पहिलो चरणमा बलिङ रोजेको थियो।
यस उपलब्धिसँगै दीपेन्द्र टी-२० अन्तर्राष्ट्रिय क्रिकेटमा शतकीय खेल संख्या पूरा गर्ने पहिलो नेपाली खेलाडी बनेका छन्। नेपाली खेलाडीहरूमध्ये सोमपाल कामीले हालसम्म ९१ तथा करण केसीले ९० टी-२० अन्तर्राष्ट्रिय खेल खेलिसकेका छन्।
दीपेन्द्रले सन् २०१८ मा नेदरल्यान्ड्सविरुद्ध लर्ड्स मैदानमा भएको खेलमार्फत टी-२० अन्तर्राष्ट्रिय क्रिकेटमा नेपालको प्रतिनिधित्व सुरु गरेका थिए। त्यसयता उनले ब्याटिङ र बलिङ दुवै क्षेत्रमा महत्वपूर्ण योगदान दिँदै आएका छन्।
१०० खेलको यात्रासम्म आइपुग्दा उनले एक शतक र १२ अर्धशतकको मद्दतले २ हजार २ सय १३ रन जोडिसकेका छन्। साथै उनले ६२ विकेट पनि आफ्नो नाममा दर्ज गरेका छन्। हङकङविरुद्धको खेलको प्रदर्शन भने उक्त तथ्यांकमा समावेश हुन बाँकी छ।
अन्तर्राष्ट्रिय क्रिकेट परिषद् (आइसिसी)को टी-२० अन्तर्राष्ट्रिय अलराउन्डर वरियतामा दीपेन्द्र हाल पाँचौँ स्थानमा रहेका छन्। यसअघि उनी उक्त वरियताको दोस्रो स्थानसम्म पुग्न सफल भएका थिए।
लामो समय राष्ट्रिय टोलीको उपकप्तानको जिम्मेवारी सम्हालेका दीपेन्द्रलाई केही समयअघि मात्र टी-२० अन्तर्राष्ट्रिय टोलीको कप्तानी सुम्पिएको थियो।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login