विराटचोकः सुन्दरहरैंचा ७ गोठगाउँमा रहेको श्री शिव पाञ्चायन मन्दिर व्यवस्थापन समितिको २० औँ वार्षिक साधारण सभा सोमबार सम्पन्न भएको छ । सभाले पुनः पोष्टकुमार श्रेष्ठलाई नै मन्दिर व्यवस्थापन समितिको अध्यक्ष सर्वसम्मत चयन गरेको छ ।

नयाँ कार्यसमितिको उपाध्यक्षमा दुर्गादेवी भट्टराई, सचिवमा ठमराज न्यौपाने (उज्ज्वल), सहसचिवमा मिलन लुइँटेल र कोषाध्यक्षमा खड्ग श्रेष्ठ चयन भएका छन् ।

समितिको सदस्यहरुमा तुलसा आचार्य, कृष्णमाया श्रेष्ठ, पार्वती राई, मातृका चौलागाई, महेश उप्रेती र कैलाश पोखरेल सर्वसम्मत चयन भएका छन् ।

त्यस्तै, लेखा सुपरीवेक्षण संयोजकमा अम्बिकाप्रसाद सापकोटा तथा सदस्यहरुमा ज्ञाननाथ ढकाल र सरस्वती दाहाल (अधिकारी) सर्वसम्मत चयन भएका छन् ।

नवगठित कार्यसमितिका पदाधिकारीहरुलाई प्रमुख अतिथि सुन्दरहरैंचा ७ का वडाध्यक्ष भुवनसिंह मगर तथा निर्वाचन समितिका संयोजक नागेश पोखरेलले टीका तथा माला लगाएर सफल कार्यकालको शुभकामना दिएका थिए ।

कार्यक्रममा मन्दिर व्यवस्थापन समितिका संस्थापक अध्यक्ष तथा जग्गादाता देवीप्रसाद पराजुलीलाई दोसल्ला तथा प्रशंसापत्रले सम्मान गरिएको थियो । मन्दिर व्यवस्थापन समितिका हालसम्मका पदाधिकारीलाई पनि सम्मानपत्र प्रदान गरिएको थियो ।

कार्यक्रममा पुराण आयोजक मूल समारोह समितिका अध्यक्ष भक्तिप्रसाद सिटौला, प्रमुख अतिथि भुवनसिंह मगरलगायतले शुभकामना मन्तव्य राखेका थिए ।

साधारण सभामा कोषाध्यक्ष दुर्गादेवी भट्टराईले आर्थिक प्रतिवेदन तथा अध्यक्ष पोष्टकुमार श्रेष्ठले प्रगति प्रतिवेदन प्रस्तुत गरेका थिए ।