सूचना / प्रविधि
ग्राहक तान्न इन्टरनेट कम्पनीका यस्ता छन् अफर
विराटचोकः चाडपर्वलाई मध्यनजर गर्दै नेपालका ठूला इन्टरनेट सेवाप्रदायकले ग्राहकलाई आकर्षित गर्न बम्पर अपर ल्याएका छन् । वर्ल्डलिंक, क्लासिक टेक, सीजी नेट, नेपाल टेलिकम, सुबिसु, भायनेट र डिसहोमले अफर सार्वजिनक गरेका छन् ।
क्लासिक टेकः
क्लासिक टेकको नयाँ ग्राहकले नयाँ कनेक्सन जोडेको खण्डमा २०० एमबीपीएस ९०७ रुपैयाँ र ३०० एमबीपीएस १ हजार १७७ रुपैयाँमा पाउने जनाएको छ । क्लासिक टेकले कारो टेल कम्पनीसँग भिडियोकनको स्मार्ट टिभी बिक्रीका लागि साझेदारी गरेको छ। भिडियोकनको ३२ इन्च र ४३ इन्चको स्मार्ट टिभी बजार मूल्यभन्दा निकै कममा पाइने कम्पनीले जनाएको छ ।
वर्ल्ड लिंकः
नेपालकै ठूलो इन्टरनेट सेवाप्रदायकले दशैं तिहारलाई लक्षित गर्दै अफर ल्याएको छ । जस अन्तर्गत ग्राहकलाई सामसङका उत्पादनमा साढे १५ हजारसम्मको छुट प्रदान दिने वर्ल्डलिंकले अफर ल्याएको छ ।
सामसङ फ्रन्ट लोड इको बबल वासिङ मेसिन खरिदमा सबैभन्दा धेरै १५ हजार ५०० रुपैयाँको छुट पाइनेछ । त्यस्तै ५५ इन्चको सामसङ टेलिभिजनमा १३ हजार, ६६ हजार ५०० रुपैयाँ पर्ने ४३ इन्चको सामसङ फोरके यूएचडी टेलिभिजनमा ८ हजार रुपैयाँ छुट दिएको छ ।
मोबाइलतर्फ ३१ हजार ९९९ रुपैयाँको आठ जीबी –याम तथा १२८ जीबी स्टोरेज भएको सामसङ ए २४ एलटीई स्मार्टफोन ३ हजार ९९९ रुपैयाँ छुटपछि २८ हजार रुपैयाँमा खरिद गर्न सकिने कम्पनीले जनाएको छ ।
त्यस्तै ग्राहकहरुले २५० एमबीपीएसको वार्षिक नवीकरणमा ५०० एमबीपीएस इन्टरनेट पाउने कम्पनीले जनाएको छ । यस्तै, १२ महिनाको रिचार्ज गर्दा २४ महिना इन्टनेट चलाउन सक्ने छन् ।
भायनेटः
भायनेटले तीन महिना वा १२ महिनाको इन्टरनेट जडान गर्ने वा नवीकरण गर्ने पुराना ग्राहकका लागि अफर ल्याएको छ । १२५ एमबीपीएस इन्टरनेट ८ हजार ४ सय, २०० एमबीपीएसको १० हजार ८ सय र ३०० एमबीपीएस १३ हजार २ सय रुपैयाँमा उपलब्ध हुने जनाएको छ । यो मूल्य १२ महिनाको इन्टरनेट खरिदमा हो ।
भायनेटको इन्टरनेट खरिदमा हिमस्टारको टिभी, अल्टिमा एयरबड, हिमस्टारको रेफ्रिजिरेटर, वासिङ मेसिनलगायतमा छुट हुने छ ।
सीजी नेट
चौधरी समूहको सीजी नेटले ट्रिपल स्पिड, क्यासब्याक र टिभीमा ५० प्रतिशत छुट दिने छ । सीजी डिजिटलसँगको सहकार्यमा सीजी नेटले यो अफर ल्याएको हो । कम्पनीले दैनिक क्यास टपअप, साप्ताहिक स्मार्टवाच र बम्पर उपहारमा ४३ इन्चको स्मार्ट टिभी जित्न सक्ने अफर ल्याएको जनाएको छ ।
डिस होम
डिस होमले ५० एमबीपीएसलाई १०० एमबीपीएसमा बढोत्तरी गरेको छ । यसको मूल्य वार्षिक ७ हजार ७९८ रुपैयाँ पर्ने छ । ७५ एमबीपीएस अब १५० एमबीपीएस हुने भएको छ । जसको मूल्य कम्पनीले वार्षिक ८ हजार ७५९ रुपैयाँ तोकेको छ ।
डिस होमले १०० एमबीपीएसलाई २०० एमबीपीएस बनाउँदै वार्षिक ९ हजार ६९८ रुपैयाँमा उपलब्ध गराउने भएको छ । १५० एमबीपीएसलाई ३०० एमबीपीएसमा बढोत्तरी गर्दै १० हजार ५७४ रुपैयाँमा दिने कम्पनीले जनाएको छ ।
टेलिकमले १५० प्रतिशत ब्यान्डविथ दिने
नेपाल टेलिकमले एनटी फाइबर सेवालाई थप आकर्षक बनाउन हाल उपलब्ध गराउँदै आएको स्पिड १५० प्रतिशतसम्म बढोत्तरी गरिने टेलिकमले जनाएको छ ।
हाल १० एमबीपीएस गतिको इन्टरनेट प्रयोग गरिरहेका सेवाग्राहीले सोही मूल्यमै २५ एमबीपीएस र २० वा ३० एमबीपीएस गतिको इन्टरनेट चलाइरहेकाले सोही मूल्यमा ५० एमबीपीएसको सेवा प्रयोग गर्न सक्ने छन् ।
यसैगरी ४० एमबीपीएस गतिको सुविधा प्रयोग गरिरहेकाले सोही मूल्यमा १०० एमबीपीएस र ८० एमबीपीएस सेवा लिइरहेकालाई पुरानै दरमा १५० एमबीपीएस गतिको इन्टरनेट उपलब्ध हुने कम्पनीले जनाएको छ ।
सुबिसुको मंगलमय अफरः
सुबिसुले ८० एमबीपीएस इन्टरनेट चार महिनाको प्याकेज ५ हजार र १२ महिनाको ११ हजार रुपैयाँमा उपलब्ध गराउने भएको छ । २०० एमबीपीएस १२ महिनाको इन्टरनेट प्याकेज १३ हजार र ३०० एमबीपीएस १२ महिनाको १७ हजार रुपैयाँमा दिने सुबिसुले जनाएको छ ।
Facebook Comment
Banner
सुन्दरहरैंचाको गछिया युवा समाज मच्छिन्द्र फुटबल क्लबलाई पराजित गर्दै पुग्यो इटहरी गोल्डकपको फाइनलमा
सुन्दरहरैंचाको गछिया युवा समाज इटहरीमा जारी रेडबुल १६ औं इटहरी गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको फाइनलमा प्रवेश गरेको छ ।
शुक्रबार भएको प्रतियोगिताको पहिलो सेमीफाइनलमा गछियाले मच्छिन्द्र फुटबल क्लब, काठमाडौंलाई पेनाल्टी सुटआउटमा हराउँदै उपाधि नजिक पुगेको हो । निर्धारित समयको प्रतिस्पर्धात्मक खेल दुवै टोलीले ३–३ गोलको बराबरी खेलेपछि खेलको निर्णय पेनाल्टी सुटआउटमार्फत् भएको थियो
निर्धारित समयमा गछियाका लागि जनमय धामी, सुजन डंगोल र पदम भट्टराईले गोल गरेका थिए । मच्छिन्द्रका लागि प्रदिप बुढाथोकीले दुई गोल गर्दा थप एक गोल देवेन्द्र तामाङले गरेका थिए ।
पेनाल्टी सुटआउटमा गछिया ५–४ ले गोलले विजयी बन्दा गछियाकै पदम भट्टराई प्लेयर अफ दि म्याच बने ।
राष्ट्रिय जागृति क्लब, इटहरी, सुनसरीको आयोजनामा जारी प्रतियोगिताको विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ ।
गछियाले उद्घाटन खेलमा नाइजेरियाको फुटबल टिमलाई पराजित गरेको थियो ।
वर्षाका कारण बीपी राजमार्गअन्तर्गत काभ्रेको नमोबुद्धस्थित कटुञ्जेदेखि रोशीको मंगलटार सडकखण्ड आज बिहानदेखि अवरुद्ध भएको छ ।
कटुञ्जे–मंगलटार सडकखण्डको विभिन्न स्थानमा ‘डाइभर्सन’ बगाएका कारण सडक अवरुद्ध भएको जिल्ला प्रहरी कार्यालयले जनाएको छ । डाइभर्सन मर्मत सुरु गरिए पनि आवागमन सुचारु गर्न केही घण्टा लाग्ने भएकाले कार्यालयका सूचना अधिकारी प्रहरी नायब उपरीक्षक रविन विष्टले जानकारी दिए । उनका अनुसार वर्षाका कारण रोशी खोलामा पानीको बहाव बढेपछि राजमार्गमा यसअघि निर्माण गरिएको अस्थायी डाइभर्सन बगाएको हो ।
गत सालको बाढीपहिरोले रागमार्गको रोशी तथा सिन्धुलीको नेपालथोक क्षेत्रमा १८ किमी सडक बगाएपछि डाइभर्सन निर्माण गरी आवागमन भइरहेको थियो । यस्तै, गत चैत तेस्रो साता पनि सोही क्षेत्रको विभिन्न स्थानको चार किमी बगाएपछि पुनः अस्थायी डाइभर्सन निर्माण गरिएको थियो ।
यसैबीच, राजमर्गा अवरुद्ध भएपछि सवारीसाधनलाई अहिले राजमार्गको प्रवेशमार्ग धुलिखेलको काभ्रेभञ्ज्याङ र सिन्धुलीको नेपालथोकमा ‘होल्ड’ गरेर राखिएको छ । राजमार्गको अवस्था बुझेर मात्रै यात्रा गर्न सर्वसाधारणलाई प्रहरीले अनुरोध गरेको छ भने अर्को सूचना जारी नभएसम्म उक्त खण्डमा यात्रा नगर्न अपिलसमेत गरिएको छ ।
गत साल असोजको बाढीपहिरोले चौकीडाँडा–नेपालथोक सडकखण्ड पूर्णरुपमा क्षतिग्रस्त बनाएपछि खोलाबाटै अस्थायी सडक एवं डाइभर्सन बनाएर यातायातका साधन सञ्चालन गर्दै आइएको थियो । हाल उक्त क्षेत्रमा स्थायी सडक निर्माण भइरहेको डिभिजन सडक कार्यालय भक्तपुरले जनाएको छ ।
सुन्दरहरैँचा, मोरङ — एनआरएनए बहराइनको पहलमा क्यान्सर पीडित तथा विगतमा बहराइनमा बसोबास गर्दै आउनु भएकी उमा खड्कालाई आर्थिक सहयोग प्रदान गरिएको छ।
शनिबार सुन्दरहरैँचा नगरपालिका–१२ स्थित उहाँकै निवासमा आयोजित एक कार्यक्रमबीच रु १०१,४६० (एक लाख एक हजार चार सय साठी रुपैयाँ) उक्त सहयोग हस्तान्तरण गरिएको हो। कार्यक्रममा कुल बराबरको रकम सहयोगस्वरूप प्रदान गरिएको जानकारी दिइएको छ।
सहयोग रकम एनआरएनए बहराइनकी महिला संयोजक सरु लामा गुरुङको हातबाट हस्तान्तरण गरिएको थियो। कार्यक्रममा सुन्दरहरैँचा नगरपालिकाका प्रवक्ता तथा वडा नं. १२ का वडाअध्यक्ष रोशन प्रसाद ढकाल, पत्रकार ज्ञाननाथ ढकाल लगायत स्थानीय बासिन्दा र परिवारजनको उपस्थिति रहेको थियो।
कार्यक्रममा सहभागीहरूले मानवीय सहयोग अभियानमा योगदान पुर्याउने सम्पूर्ण दाताहरू तथा सहयोगीप्रति आभार व्यक्त गरेका छन्। साथै, क्यान्सरसँग संघर्षरत उमा खड्काको शीघ्र स्वास्थ्य लाभको कामना समेत गरिएको छ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login