समाचार
आगामी मंसीर १४ गते हुने उपनिर्वाचनको उम्मेदवारी मनोनयन बिहिवार भोली हुने
आगामी मंसीर १४ गते हुने प्रतिनिधिसभा सदस्य र प्रदेशसभा सदस्य उपनिर्वाचनको उम्मेदवारी मनोनयन भोली हुने भएको छ ।
निर्वाचन आयोगले बुधवार काठमाडौंमा पत्रकार सम्मेलन गरी प्रतिनिधिसभा सदस्य र प्रदेशसभा सदस्य उपनिर्वाचनको उम्मेदवारी मनोनयन भोली हुने जानकारी गराएको हो ।
भोली बिहिवार बिहान १० बजेदेखि दिउँसो १ बजेसम्म प्रतिनिधिसभा र प्रदेश सभासदस्यको उपनिर्वाचनका लागि उम्मेदवारी मनोनयन हुने सहितको कार्यतालिका सार्वजनिक गरिएको निर्वाचन आयोगका प्रवक्ता राजकुमार श्रेष्ठले जानकारी दिनुभयो ।
ती उम्मेदवारहरुको अन्तिम नामावली भने कातिक २४ गते प्रकाशन हुनेछ । सो उपनिर्वाचनमा प्रतिनिधिसभा सदस्य–१, प्रदेशसभा सदस्य–३ तथा स्थानीय तह प्रमुख–१ लगायत ३७ जिल्लाका ५२ स्थानहरुमा मतदान हुँदैछ ।
आयोगका प्रवक्ता श्रेष्ठले स्थानीय तहको उपनिर्वाचनका लागि भने उम्मेदवारी मनोनयन आगामी कार्तिक २७ गते हुने पनि बताउनुभयो । निर्वाचन आयोगले उपनिर्वाचनका लागि २४७ वटा मतदान स्थल र ५३७ वटा मतदान केन्द्र पनि तोकेको छ ।
आयोगका प्रवक्ता श्रेष्ठले मतदानमा भाग लिनका लागि मतदाता परिचय पत्र लिएर आउन पनि आम मतदातालाई आह्वान गर्नुभयोे । निर्वाचन आयोगले उपनिर्वाचन प्रयोजनका लागि आगामी मंसीर ५ गतेदेखि ११ गतेसम्म मतदाता शिक्षा कार्यक्रम पनि सञ्चालन गर्नेछ ।
४ लाख ५४ हजार ११४ जना मतदाताले सो उपनिर्वाचनमा भाग लिनेछन् ।
Facebook Comment
Banner
आइफोन निर्माण गर्ने कम्पनी एप्पलले आगामी ३ वर्षमा भारतमा ५ लाख मानिसलाई रोजगारी दिने भएको छ ।
आइफोन निर्माण गर्ने कम्पनी एप्पलले आगामी ३ वर्षमा भारतमा ५ लाख मानिसलाई रोजगारी दिने भएको छ । यी कार्यहरू विक्रेता र कम्पोनेन्ट आपूर्तिकर्ताहरू मार्फत उत्पन्न हुनेछन् ।
Banner
एफए कपको उपाधिका लागि सिटी र युनाइटेड भिड्ने
म्यानचेस्टर युनाइटेडले कोभेन्ट्री सिटीलाई तीन गोलको अग्रता गुमाएपनि पेनाल्टी सुटआउटमा जित निकाल्दा एफए कप फुटबलको उपाधिका लागि सिटीसँगको भेट पक्का गरेको छ।
लगातार दोस्रो पटक एकअर्काविरुद्ध फाइनलमा भिड्न लागेका हुन्। गत संस्करणको फाइनलमा सिटीले युनाइटेडलाई १-० ले हराएर उपाधि जितेको थियो।
च्याम्पियन्सिप (दोस्रो डिभिजन) क्लब कोभेन्ट्री सिटीलाई टाईब्रेकरमा ४-३ हराउँदै म्यानचेस्टर युनाइटेड एफए कपको फाइनलमा प्रवेश गरेको हो।
युनाइटेडले खेलमा तीन गोलको अग्रता बनाएको थियो। तर कोभेन्ट्रीले त्यसपछि लगातार गोल गर्दै खेल ३-३ गोलको बराबरीमा ल्याएपछि ट्राइबेकरबाट खेलको निर्णय भएको थियो। युनाइटेड लगातार दोस्रो पटक एफए कपको फाइनल पुगेको हो।
खेलको २३औं मिनेटमा स्कट मक्टोमीनेको गोलबाट युनाइटेडले खेलमा अग्रता लिएको थियो। पहिलो हाफको इन्ज्युरी समयमा ह्यारी मग्वायरले गोल गर्दै अग्रता दोब्बर बनाए।
खेलको ५८औं मिनेटमा ब्रुनो फर्नान्डेजले गोल गर्दा युनाइटेडले सहज रूपमा खेल आफ्नो पक्षमा पारेको अनुमान गरिएको थियो। तर बलियो अवस्थामा रहेपनि ७१औं मिनेटमा एलिस सिम्सले कोभेन्ट्रीका लागि पहिलो गोल गर्दै टोलीलाई खेलमा फर्काए।
कोभेन्ट्रीले ७९औं मिनेटमा क्यालम ओ’हारेलेको दोस्रो गोल मार्फत् अग्रता बनायो। तेस्रो गोल भने इन्ज्युरी समयमा पेनाल्टी मार्फत् संभव बनाएको थियो। एरन वान बिस्साकाले ह्यान्डबल गरेपछि पाएको पेनाल्टीलाई हाजी राइटले सदुपयोग गरेका थिए।
टाइब्रेकरमा सुरुवातमा पछि परेपनि युनाइटेड कोभेन्ट्रिको गल्तिमा अग्रता बनायो। युनाइटेडको पहिलो पेनाल्टी प्रहारका लागि आएका कासेमिरोको पेनाल्टी ब्राड्ली कोलिन्सले बचाएका थिए। तर त्यसपछि कोभेन्ट्रीका दुई खेलाडी पेनाल्टीमा गोल गर्न चुक्दा युनाइटेडले राहत महसुस गरेका थिए। क्यालम ओ’हारेको पेनाल्टी युनाइटेड गोलरक्षक आन्द्रे ओनानाले बचाउँदा बेन सिएफलेको प्रहार बाहिरियो।
समाचार
उडानका क्रममा अस्वीकार्य र अनाधिकृत ककपिट गतिविधि गरेको भन्दै अर्को सूचना नभएसम्मका लागि क्याप्टेन शेर्पालाई निलम्बन गरेको जानकारी दिएको छ ।
नेपाल नागरिक उड्डयन प्राधिकरणले प्रभु हेलिकप्टर लिमिटेडका पाइलट क्याप्टेन पासाङ शेर्पालाई निलम्बन गरेको छ ।
प्राधिकरणले उडानका क्रममा अस्वीकार्य र अनाधिकृत ककपिट गतिविधि गरेको भन्दै अर्को सूचना नभएसम्मका लागि क्याप्टेन शेर्पालाई निलम्बन गरेको जानकारी दिएको छ ।
क्याप्टेन शेर्पाले केही महिना अघिको गोसाइँकुण्ड उडानका क्रममा यात्रुलाई ककपिटमा राखेको र निषेधित गतिविधि गरेपछि प्राधिकरणले एक्सन लिएको बुझिएको छ । क्यानले घटनाको विस्तृत अनुसन्धान गरिने जनाएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login