Banner
च्याम्पियन्स ट्रफी विजेता भारतीय टोलीलाई बीसीसीआईको ५८ करोड पुरस्कार
७ चैत, काठमाडौं । केही दिनअघि सम्पन्न आईसीसी च्याम्पियन्स ट्रफीको विजेता भारतीय क्रिकेट टोलीलाई भारतीय क्रिकेट बोर्ड (बीसीसीआई)ले नगद पुरस्कार घोषणा गरेको छ ।
उपाधि जितेको टोलीलाई ५८ करोड भारु नगद पुरस्कार दिने बोर्डले घोषणा गरेको हो। यो पुरस्कार खेलाडी, प्रशिक्षक, सहयोगी टिम तथा चयन समितिका सदस्यहरूको योगदानको सम्मानस्वरूप प्रदान गरिन लागेको हो ।
कप्तान रोहित शर्माको नेतृत्वमा भारतीय टोलीले प्रतियोगितामा प्रभावशाली प्रदर्शन गरेको थियो । भारतले समूह चरणमा बंगलादेश, पाकिस्तान र न्युजिल्याण्ड तथा सेमिफाइनलमा अस्ट्रेलिया र फाइनलमा न्युजिल्यान्डविरुद्ध जित दर्ता गर्दै उपाधि जितेको थियो ।
बीसीसीआईका अध्यक्ष रोजर बिन्नीले लगातार दुईवटा आईसीसी उपाधि जित्नु भारतीय क्रिकेटका लागि ऐतिहासिक उपलब्धि भएको बताउँदै यो नगद पुरस्कार खेलाडी र सहयोगी टिमको मेहनतको सम्मानको रूपमा प्रदान गरिएको उल्लेख गरे।
भारतले सन् २०२४ मा टी-२० विश्वकप पनि जितेको थियो । २०२५ मै आईसीसी यू-१९ महिला विश्वकप जितिसकेको छ, जसले देशको क्रिकेट संरचना बलियो रहेको देखाएको बिन्नीको भनाइ छ।
बोर्डका सचिव देवजित साइक्याले भारतीय टोलीले विश्व क्रिकेटमा आफ्नो प्रभुत्व जमाएको भन्दै प्रशंसा गरे। उनले यो जितले भारतको ह्वाइट बल क्रिकेटमा शीर्ष स्थान पुष्टि गरेको र आगामी दिनमा टोली अझ उत्कृष्ट प्रदर्शन गर्नेमा आफूहरू विश्वस्त रहेको बताए।
उपाध्यक्ष राजीव शुक्लाले खेलाडीहरूले दबाबमा पनि उत्कृष्ट खेल प्रस्तुत गरेको बताउँदै टोलीको जित भारतीय क्रिकेटको मजबुत आधार, मानसिक दृढता र जित्ने मानसिकताको उदाहरण भएको उल्लेख गरे।
Facebook Comment
के तपाईँ आफ्नो स्वास्थ्यप्रति सजग हुनुहुन्छ ? अब तपाईँले एआईको सहायताले केही क्षणमै आफ्नो स्वास्थ्य परीक्षण गर्न सक्नुहुन्छ ।
‘वन बाई मेटलाइफ’ एपमा उपलब्ध हेल्थ रिस्क एसेसमेन्ट फिचरमार्फत मोबाइलको क्यामेरा प्रयोग गरी अनुहार स्क्यान गरेर आफ्नो स्वास्थ्य परीक्षण गर्न सकिने छ ।
मेटलाइफले यो सुविधा विशेषगरी हार्ट रेट, ब्रिदिङ रेट, ब्लड प्रेसर, अक्सिजन स्याचुरेसन र स्ट्रेस लेभल जाँच्नका लागि ल्याएको हो । यसबाट प्रयोगकर्ताले वेलनेस (Welness) स्कोरको जानकारी जुनसुकै समयमा लिन सक्ने कम्पनीले जनाएको छ ।
पहिले यो सुविधा मेटलाइफका ग्राहकका लागि मात्र उपलब्ध थियो । अहिले भने सबैका लागि उपलब्ध गराइएको कम्पनीले जनाएको छ । यस एपमार्फत तपाईंले आफूसँगै परिवारका सदस्यहरूको पनि एआईको सहायताले स्वास्थ्य परीक्षण गर्न सक्नुहुन्छ ।
नेपालमा पहिलो पटक एआई प्रयोग गरी हेल्थ रिस्क एसेसमेन्ट सुविधा ल्याएको मेटलाइफले दाबी गरेको छ ।
ग्राहकले ‘वन बाई मेटलाइफ’ एप डाउनलोड गरी दर्ता गरेपछि एपको ३६० हेल्थभित्र रहेको हेल्थ रिस्क एसेसमेन्टमा गएर यो सेवा प्रयोग गर्न सक्नेछन् । कम्पनीका अनुसार यो फिचर सीमित अवधिका लागि मात्र उपलब्ध गराइएको छ ।
आईओएस प्रयोगकर्ताले एप डाउनलोड गर्न यहाँ र एन्ड्रोइड प्रयोगकर्ताले एप डाउनलोड गर्न यहाँ क्लिक गर्नुहोस् ।
लेनोभोको नयाँ ल्यापटप योगा स्लिम सेभेन आई औरा र एलओक्यू इसेन्सियल नेपाली बजारमा आउने भएका छन् । नागमणि इन्टरनेसनल प्रालिसँगको सहकार्यमा अत्याधुनिक प्रविधि र शक्तिशाली प्रदर्शन दिने वाचासहित यी प्रोडक्ट सार्वजनिक हुने घोषणा गरिएको हो ।
यो प्रिमियम ल्यापटपमा अत्याधुनिक डिजाइन, एआई क्षमता, र उच्च प्रदर्शन पाउन सकिने बताइएको छ । इन्टेलको सहकार्यमा डिजाइन गरिएको यस डिभाइसले प्रोफेसनल, सिर्जनशील व्यक्तिहरू र सामान्य प्रयोगकर्तालाई लक्षित गर्दै उत्पादनशीलता र दक्षतालाई नयाँ स्तरमा पुर्याउने दाबी कम्पनीले गरेको छ ।
यी उत्पादनहरू चाँडै नै नेपाली बजारमा उपलब्ध हुने छन् । तर मूल्य र थप विवरणका लागि भने लेनोभोको आधिकारिक वितरक नागमणि इन्टरनेसनलसँग सम्पर्क गर्न सकिने बताइएको छ ।
इन्टेल कोर अल्ट्रा प्रोसेसर रहेको योगा स्लिम सेभेन आई औरामा ८ कोर रहेका छन् । साथै यसमा इन्टिग्रेटेड इन्टेल आर्क ग्राफिक्स र ३२ जीबीसम्मको एलपीडीडीआर ५ एक्स मेमोरी रहेको छ ।
१ टीबीसम्मको एसएसडी स्टोरेज, १५.३ इन्च २.८ के एलसीडी टचस्क्रिन, १२० हर्ज रिफ्रेश रेट रहेको यो ल्यापटपले टीयूभी लो ब्लु लाइट सर्टिफिकेसन समेत प्राप्त गरेको छ ।
यो ल्यापटप कोपाइलट प्लस एआई क्षमता युक्त समेत छ, जसले जेनरेटिभ एआई प्रयोग गरी टेक्स्ट लेख्न, भिजुअल डिजाइन गर्न, र कार्यहरूको सरलीकरण गर्न मद्दत गर्छ ।
एलओक्यू इसेन्सियल भने विद्यार्थी र नयाँ गेमरहरूका लागि लक्षित गेमिङ ल्यापटप हो । १२ औं जेनेरेसन इन्टेल कोर प्रोसेसर रहेको यो ल्यापटपमा एनभीदिया जिफोर्स आरटीएक्स जीपीयू समावेश छ । १५.६ इन्च फुल एचडी स्क्रिन, १४४ हर्ज रिफ्रेश रेट, १६ जीबीसम्म डीडीआर ५ मेमोरी र १ टीबी सम्मको एसएसडी यसका थप विशेषता हुन् ।
ताप्लेजुङ । नेपाल कम्युनिस्ट पार्टी (माओवादी केन्द्र) का नेता जनार्दन शर्माले पाथीभरामा निर्माणाधीन केवलकार परियोजना विवाद समाधान गर्न सरकारलाई सुझाएका छन् ।
प्रेस सेन्टरले फुङ्लिङमा आज आयोजना गरेको पत्रकार सम्मेलनमा उनले भने, ‘पाथीभरा राष्ट्रको धार्मिक धरोहर भएकाले यसको संरक्षण र व्यवस्थापन सरकार, स्थानीय समुदाय तथा सरोकार भएका सबैको संयुक्त जिम्मेवारी हो ।’
हाल पाथीभरा केबलकार निर्माणलाई लिएर स्थानीय समुदायका केही समूहले विरोध जनाएका छन् ।
पूर्वमन्त्री शर्माले विवाद समाधानका लागि संवाद, सहकार्य र समन्वय आवश्यक रहेको भन्दै सरकारलाई स्थानीय समुदायको भावनाअनुसार अघि बढ्न सुझाव दिए स्थानीय सहमति प्रमुख आवश्यकता भएको उल्लेख गर्दै नेता शर्माले सबै पक्षको चासोलाई सम्बोधन गर्नुपर्नेमा जोड दिए ।
-
अर्थ5 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner3 years agoसाउनदेखि कुन तहका कर्मचारीको कति तलब ?
-
खेलकुद5 years agoरंगशालाको अवलोकन
-
मुख्य5 years agoशेयर बजारमा झिनो अंकको गिरावट
-
अर्थ5 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य5 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य5 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner5 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login