निष्पक्षखबर



उतारचढावका बीच बढ्यो नेप्से

विराटचोकः आइतबार उच्च अङ्कले बढेको शेयर बजार सोमबार पनि बढेको छ । कारोबार भएको शुरुको समयमा उच्च अङ्कले बढेको बजार तल झरे पनि त्यसपछि पुनः बजारले उकालो यात्रा तय गरेको थियो ।

सोमबार नेप्से १५ दशमलव १४ अङ्क बढेर १ अर्ब ७० करोड ५० लाख ६० हजार रुपैयाँको शेयर कारोबार भएको छ ।

उतारचढाव भएसँगै घोडीघोडा लघुवित्त र सानिमा माई हाइड्रोको शेयरमूल्य उच्च दरमा बढेको छ । घोडीघोडाको शेयरमूल्य यस दिन ९ दशमलव ८७ प्रतिशत र सानिमा माईको ९ दशमलव ७८ प्रतिशतले बढेको छ । त्यसैगरी, चिलिमे हाइड्रोपावर र राधी विद्युत कम्पनीको शेयरमूल्य ८ दशमलव ६७ प्रतिशत बढेको छ ।

सबैभन्दा धेरै जलविद्युत समूहको सूचक ४ दशमलव ९४ र व्यापार समूहको सूचक ३ दशमलव ६६ प्रतिशतले बढेको थियो । कारोबारमा आएका १२ समूहमध्ये १० समूहको परिसूचक बढ्दा लघुवित्त र उत्पादन समूहको परिसूचक तल झरेको छ ।

नेपाल दूरसञ्चार कम्पनीको सबैभन्दा धेरै ६ करोड ४ लाख रुपैयाँको शेयर कारोबार हुँदा नेपाल लाइफ इन्स्योरेन्स र एनआईसी एशियाको साढे ५ करोडभन्दा बढीको शेयर किनबेच भएको छ ।

सिभिल लघुवित्त, गणपति माइक्रोफाइनान्स, विजय लघुवित्त, नयाँ नेपाल लघुवित्त र सामुदायिक लघुवित्तको शेयरमूल्य ५ प्रतिशतभन्दा धेरैले ओरालो लागेको बजारमा १ सय ८३ कम्पनीको कारोबार भएको थियो । बजर बढेसँगै समग्र बजार पूँजीकरण १६ खर्ब २० अर्ब कायम भएको छ ।

Spread the love



Leave a Reply

Your email address will not be published.