Connect with us
Advertisement
Advertisement

विराटचोकमा माघ १० गतेदेखि खाद्य मेला लाग्ने

Published

on

विराटचोकः कृषि तथा पशुपन्छी विकास मन्त्रालयको आयोजनामा मोरङको सुन्दरहरैंचामा माघ १० गतेदेखि १२ गतेसम्म खाद्य मेला लाग्ने भएको छ ।

मानिसको खानपान शैलीमा परिवर्तन गर्न र खाद्य सुरक्षासम्बन्धी जानकारी दिन मेला आयोजना गरिएको खाद्य प्रविधि तथा गुण नियन्त्रण कार्यालय विराटनगरका प्रमुख राजकुमार रिजालले जानकारी दिए । मेलाको बारेमा जानकारी दिन विराटचोकमा आयोजना गरिएको पत्रकार सम्मेलनमा बोल्दै उनले पोषण, स्वास्थ्य, खाद्य सुरक्षालगायतका विभिन्न विषयमा पारमर्श लिन अवलोकनकर्तालाई सहज होस् भनेर विराटचोकमा मेला आयोजना गरिएको उल्लेख गरे ।

‘आम मानिसमा के खाने, कति खाने, कसरी खाने, कहिले खाने भन्ने बारेमा जानकारी नै छैन,’ पत्रकार सम्मेलनमा उनले भने, ‘मेलामा त्यससम्बन्धी जानकारी दिनुका साथै खाद्य विषय पढाइ हुने कलेजमार्फत् अन्य जानकारी पनि लिन सकिन्छ ।’

उनका अनुसार मेलामा जातीय खानाका स्टल पनि रहनेछन् । विशेष गरी प्रदेश नम्बर १ भित्रका स्टललाई प्राथमिकता दिइने भए पनि अन्य प्रदेशबाट पनि मेलामा सहभागी हुने उनले बताए । खाद्य मेलामा निकासीयोग्य वस्तु मह, चिया, मकै, कोदो, गहुँसँग सम्बन्धित खाद्य परिकारका स्टल रहनेछन् । तुलसी पराजुली, रामा मण्डल, सुनिता कटुवाल, नितिन गजुरेललगायतका कलाकारको सांस्कृतिक प्रस्तुति पनि मेलामा रहने आयोजकले जनाएको छ ।

लगभग १० लाख खर्च हुने अनुमान गरिएको मेलामा २० हजारभन्दा बढी अवलोकनकर्ताले अवलोकन गर्ने अनुमान गरिएको आयोजकले जनाएको छ । अवलोकनस्थलमा निःशुल्क प्रवेशको व्यवस्था मिलाएको आयोजकले मेलाको लागि स्टल पनि निःशुल्क उपलब्ध गराउने भएको छ । मेलामा ६० ओटा स्टल रहने मेला संयोजक सञ्जय भण्डारीले जानकारी दिए ।

मेलाको सह आयोजकमा सुन्दरहरैंचा नगरपालिका, कोशीहरैंचा उद्योग वाणिज्य सङ्घ, इन्द्रपुर जेसीज र कालीखोला बहुउद्देश्यीय सामुदायिक सेवा समिति रहेका छन् ।

मेलाले खाद्य सुरक्षामा चासो बढाउन सहयोग गर्ने सुन्दरहरैंचा नगरपालिकाका प्रमुख प्रशासकीय अधिकृत गणेशप्रसाद दाहालले बताए । मेलाको लागि व्यवस्थापकीय सहयोग गर्न नगरपालिका तयार रहेको उनको भनाइ थियो । मेला अवधिभर पौष्टिक आहारविहारसम्बन्धी डिस्प्ले राख्न सके अवलोकनकर्तालाई त्यसले थप जानकारी दिने उनले बताए ।

कोशीहरैँचा उद्योग वाणिज्य सङ्घका अध्यक्ष नवराज चापागाईँले महङ्गो र स्वास्थ्य बिगार्ने खाना खाइरहेका मानिसलाई यो मेलाले बानी सुधार्न सहयोग गर्ने बताए ।

कालीखोला बहुउद्देश्यीय सामुदायिक सेवा समितिका अध्यक्ष शिव दाहालले सुन्दरहरैंचामा प्रदेशस्तरीय मेला लाग्नु सुखद पक्ष भएकाले यसमा सबैले सहयोग गर्नुपर्ने बताए ।

Continue Reading

Facebook Comment

Advertisement
18 Comments

You must be logged in to post a comment Login

Leave a Reply

Banner

घट्यो विदेशी मुद्राको विनिमय दर

Published

on

विराटचोकः आज विदेशी मुद्राको विनिमय दर घटेको छ । अस्ट्रेलियन डलरको विनिमय दर २ पैसा बढेको छ । बाँकी सबै विदेशी मुद्राको विनिमय दर घटेको छ ।

नेपाल राष्ट्र बैंकका अनुसार यस्तो छ आज असोज १० गतेका लागि निर्धारण भएको विदेशी मुद्राको विनिमय दरः

Continue Reading

Banner

८ सय रुपैयाँ बढ्यो सुनको भाउ, चाँदीको ४० रुपैयाँ

Published

on

विराटचोकः लगातार ३ दिन घटेको सुन र चाँदीको भाउ आज भने बढेको छ । आज सुन तोलामा ८ सय रुपैयाँ र चाँदी ४० रुपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला ९३ हजार ९ सय र तेजाबी सुनको भाउ प्रति तोला ९३ हजार ४ सय रुपैयाँ कायम भएको छ । त्यस्तै, असली चाँदीको भाउ प्रति तोला १ हजार १ सय ६० रुपैयाँ निर्धारण भएको छ ।

Continue Reading

Banner

विदेशी मुद्राको विनिमय दरः केहीको घट्यो, केहीको बढ्यो

Published

on

विराटचोकः आज पनि विदेशी मुद्राको विनिमय दर अस्थिर रहेको छ । अमेरिकी डलरलगायत केही मुद्राको भाउ बढेको छ भने युरोपियन युरोलगायत केही मुद्राको भाउ घटेको छ । त्यस्तै, केही विदेशी मुद्राको भाउ भने स्थिर रहेको छ ।

नेपाल राष्ट्र बैंकका अनुसार यस्तो छ आज असोज ९ गतेका लागि निर्धारण भएको विदेशी मुद्राको विनिमय दरः

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक