नेपाल प्रिमियर लिग (एनपीएल) क्रिकेटको इलिमिनेटरमा काठमान्डु गोर्खाजले लुम्बिनी लायन्सलाई १ सय १२ रनको लक्ष्य दिएको छ ।

कीर्तिपुरको त्रिवि क्रिकेट मैदानमा टस जितेर ब्याटिङ गरेको काठमान्डु १९ ओभर १ बलमा १ सय ११ रन बनाउँदा अलआउट भयो । काठमान्डुका सन्तोष यादवले सबैभन्दा धेरै २३ रन बनाए । लुम्बिनीका कप्तान रोहित पौडेल र शेर मल्लले ३/३ विकेट लिए ।

यो खेल जित्ने टोलीले फाइनल प्रवेशका लागि दोस्रो क्वालिफायरमा विराटनगर किङ्ग्ससँग खेल्नेछ भने हार्ने टोली बाहिरिनेछ । आठ टोली सहभागी प्रतियोगितामा काठमान्डु तेस्रो र लुम्बिनी चौथो स्थानमा रहेर इलिमिनेटरमा पुगेका हुन् ।

यसअघि हिजो भएको पहिलो क्वालिफायरमा विराटनगरलाई हराउँदै सुदूरपश्चिम रोयल्स फाइनलमा पुगिसकेको छ । दोस्रो संस्करणको एनपीएलको फाइनल आउँदो शनिवार हुनेछ ।

दोस्रो संस्करणको नेपाल प्रिमियर लिग (एनपीएल) क्रिकेटको इलिमिनेटरमा आज काठमान्डु गोर्खाज र लुम्बिनी लायन्सले खेल्दैछन् ।

खेल त्रिवि क्रिकेट रंगशालामा दिउँसो ४ बजे शुरू हुनेछ । आजको खेल जित्ने टोली दोस्रो क्वालिफायरमा पुग्नेछ भने हार्ने टोली बाहिरिनेछ । दोस्रो क्वालिफायरको भोलि हुने खेलमा विराटनगर किङ्स र आजको इलिमिनेटर विजेता टोलीले फाइनल पुग्न खेल्नेछन् ।

यसअघि हिजो भएको पहिलो क्वालिफायरमा विराटनगरलाई ७७ रनले हराउँदै सुदूरपश्चिम रोयल्स फाइनलमा पुगिसकेको छ । सुदूरपश्चिम एनपीएलमा लगातार दोस्रो पटक फाइनलमा पुगेको हो ।

अब उसले उपाधिका लागि भोलि हुने दोस्रो क्वालिफायरको विजेतासँग शनिबार खेल्नेछ । अघिल्लो वर्ष भएको पहिलो संस्करणमा फाइनलमा सुदूरपश्चिम जनकपुर बोल्ड्ससँग पराजित भएको थियो ।

प्रतिनिधिसभा चुनाव–२०७९ का लागि समानुपातिक निर्वाचन प्रणालीमा सहभागी हुन १०० राजनीतिक दलले निर्वाचन आयोगमा आवेदन दिएका छन्। आयोगमा दर्ता भएका १४३ दलमध्ये ४३ दलले भने समानुपातिकतर्फ चासो देखाएनन्।

आयोगले मंसिर २१ देखि २३ गतेसम्म आवेदन दिने समय तोकेको थियो। संयुक्त वा एकल चुनाव चिह्न लिएका दलहरूले समयसीमा भित्र निवेदन दर्ता गराएका हुन्। आवेदनहरूको अध्ययनपछि पर्सिसम्म स्वीकृति हुने आयोगले जनाएको छ।

कार्यतालिका अनुसार पुस १३ र १४ गते बन्द सूची आयोगमा पेस गर्नुपर्नेछ। त्यसपछि अध्ययन गरी माघ ४ गते प्रारम्भिक सूची र माघ २० गते अन्तिम सूची प्रकाशित हुनेछ।

प्रतिनिधिसभाका २७५ सिटमध्ये १६५ प्रत्यक्ष र ११० समानुपातिक प्रणालीमार्फत सदस्य चयन हुने व्यवस्था