Connect with us
Advertisement

सामाजिक सञ्जाल विधेयक फिर्ता लिन सर्वसम्मत निर्णय

Published

on

राष्ट्रिय सभाले सरकारबाट सामाजिक सञ्जाल विधेयक फिर्ता गर्ने निर्णयलाई सर्वसम्मतिले पारित गरेको छ ।

सभाको आजको बैठकमा राष्ट्रिय सभामा विचाराधीन सामाजिक सञ्जाल विधेयक २०८१ फिर्ता भएको छ । सभाका अध्यक्ष नारायण दाहालले उक्त विधेयकमाथि निर्णयार्थ प्रस्तुत गर्दै विधेयक फिर्ता भएको घोषणा गरेका हुन् ।

विधायन व्यवस्थापन समितिका सभापति तुलसाकुमारी दाहालले ‘सामाजिक सञ्जाल विधेयक, २०८१ सम्बन्धी विधायक व्यवस्थापन समितिको प्रतिवेदन’ पेस गरेकी थिइन् ।

सो सभाको २०८२ भदौ १३ गते बसेको बैठकले राष्ट्रिय सभाबाट उक्त विधेयक उत्पत्ति गरी दफावार छलफलका लागि विधायक व्यवस्थापन समितिका पठाएको थियो । समितिमा ३५ जना सांसदले १५५ वटा संशोधन प्रस्ताव दर्ता गरेको थियो ।

समितिका सभापति दाहालले उक्त विधेयकमाथि सूचना तथा सञ्चार प्रविधिमन्त्री, मन्त्रालयका सचिव र सरोकारवालासँग विभिन्न चरणमा अनौपचारिक छलफल भएको जानकारी गराए।

सञ्चार तथा सूचना प्रविधि मन्त्रालयले गत माघ २० गते उक्त विधेयक फिर्ता माग्ने निर्णय गरी माघ २१ गतेको पत्रमार्फत सरकारका तर्फबाट विधेयक फिर्ता माग्ने निर्देशन भएको थियो ।

Continue Reading

Facebook Comment

Click to comment

You must be logged in to post a comment Login

Leave a Reply

Banner

टी–२० विश्वकपमा अफगानिस्तानमाथि जित निकाल्दै न्युजिल्यान्डको सानदार सुरुवात

Published

on

आईसीसी टी–२० विश्वकप क्रिकेटमा न्युजिल्यान्डले अफगानिस्तानलाई ५ विकेटले हराउँदै विजयी शुरुआत गरेको छ ।

अफगानिस्तानले दिएको १ सय ८३ रनको लक्ष्य न्युजिल्यान्डले १७ ओभर ५ बलमा ५ विकेट गुमाएर भेटायो । न्युजिल्यान्डका टिम साइफर्टले ६५ रन बनाए । अफगानिस्तानका मुजीब उर रहमानले २ विकेट लिए ।

यसअघि भारतको चेन्नईमा टस जितेर ब्याटिङ गरेको अफगानिस्तानले २० ओभरमा ६ विकेट गुमाएर १ सय ८२ रन बनायो । अफगानिस्तानका गुलबदिन नैबले ६३ रन बनाए । न्युजिल्यान्डका लकी फर्गुसनले २ विकेट लिए ।

प्रतियोगितामा २० वटा टोली चार वटा समूहमा विभाजन गरिएको छ । हरेक समूहका शीर्ष दुई टोली ‘सुपर–एट’ मा पुग्नेछन् । ‘सुपर–एट’ मा चार–चार वटा टोली दुई समूहमा बाँडिनेछन् । समूहका शीर्ष दुई टोली सेमिफाइनलमा पुग्नेछन् । १०औँ संस्करणको टी–२० विश्वकपको फाइनल खेल आउँदो मार्च ८ मा हुनेछ ।

Continue Reading

Banner

विवाह भोजपछि बेहुला–बेहुलीसहित दर्जनौँ बिरामी, शिविरमार्फत उपचार सुरु

Published

on

खोटाङको जन्तेढुङ्गा गाउँपालिका–६ दिप्लुङमा आयोजित विवाह भोज खाएका बेहुला–बेहुलीसहित स्थानीयहरू बिरामी परेपछि उपचारका लागि स्वास्थ्य शिविर सञ्चालन गरिएको छ। भोज खाएको करिब १२ घण्टापछि ज्वरो र झाडापखालाको समस्या देखिन थालेपछि निगालावास भञ्ज्याङस्थित रामकुमार राईको घरमा शिविर राखेर उपचार सुरु गरिएको हो।

स्थानीयवासी वीरबल किराँतीका अनुसार विवाह भोज खाएका अधिकांशमा ‘फुड पोइजन’ भएको आशंका गरिएको छ। २१ माघमा भएको भोजमा सहभागी भएकाहरू २२ माघ साँझदेखि बिरामी पर्न थालेका थिए। बिरामीहरूको उपचारका लागि गाउँपालिकाको स्वास्थ्य शाखाको आरआरटी टोली, स्वास्थ्य कार्यालय खोटाङ र जनप्रतिनिधिहरू परिचालन गरिएको छ।

बिरामीको संख्या बढ्दै गएपछि स्वास्थ्य कार्यालयबाट थप औषधि र जनशक्ति मागिएको गाउँपालिका उपप्रमुख खेमबहादुर खड्काले जानकारी दिए। गाउँपालिकाका सूचना अधिकारी विनय निरौलाका अनुसार उपचारका लागि स्थानीयहरू शिविरमा आउने क्रम जारी छ।

गाउँपालिका अध्यक्ष अरुणादेवी राईका अनुसार हालसम्म ३५ जनालाई स्लाइन र औषधि दिएर उपचार गरिएको छ भने विवाह भोजमा करिब २०० जना सहभागी भएको अनुमान गरिएको छ। भोज खाएर उदयपुर र काठमाडौं फर्किएका पाहुनासमेत बिरामी परेको खबर आएको उनले बताइन्।

स्वास्थ्य कार्यालय प्रमुख कुलबहादुर पौडेलले ‘फुड पोइजन’को कारण पत्ता लगाउने प्रयास भइरहेको बताए। भोज भएको धेरै दिन बितिसकेकाले नमुना सङ्कलन गर्न कठिन भएको उनले बताए। जटिल अवस्थाका बिरामीलाई आधारभूत अस्पतालमा भर्ना गरेर उपचारको व्यवस्था मिलाइएको गाउँपालिकाले जनाएको छ।

Continue Reading

Banner

इंग्ल्याण्डविरुद्ध ऐतिहासिक खेलअघि नेपाली टोलीलाई प्रधानमन्त्री कार्कीको शुभकामना

Published

on

१०औँ संस्करणको आईसीसी टी–२० विश्वकपमा आज इंग्ल्यान्डसँग ऐतिहासिक खेल खेल्न लागेको नेपाली टोलीलाई प्रधानमन्त्री सुशीला कार्कीले जीतको शुभकामना व्यक्त गर्नुभएको छ ।

सामाजिक सञ्जाल फेसबुकमा उहाँले मुम्बईको वानखेडे स्टेडियममा देशको राष्ट्रिय धुन गुन्जिनेछ र त्यो विश्वले सुन्ने उल्लेख गर्नुभएको छ । साथै कप्तान रोहितकुमार पौडेलको टोलीले नेपालको आत्मविश्वास, एकता र सामूहिकताको बेजोड प्रस्तुति देखाउने विश्वास व्यक्त गर्नुभएको छ ।

तेस्रोपटक टी–२० विश्वकप खेल्न लागेको नेपालसँग यतिखेर संसारभर फैलिएका प्रशंसकको साथ र विगतमा गरेका चमत्कार/सफलताको आड रहेको प्रधानमन्त्री कार्कीको भनाइ छ । उहाँले लेख्नुभएको छ, ‘इंग्ल्याण्डसँगको आजको ऐतिहासिक खेलमा सिङ्गाे देशको तर्फबाट जीतको शुभकामना ।’

भारत र श्रीलङ्काले संयुक्त रूपमा आयोजना गरेको विश्वकपमा नेपालले आज आफ्नो पहिलो खेल इंग्ल्याण्डसँग खेल्दैछ । खेल वानखेडे स्टेडियममा नेपाली समयअनुसार दिउँसो सवा ३ बजे शुरु हुनेछ । समूह ‘सी’ मा रहेको नेपालले समूह चरणका अरू खेलमा वेस्ट इन्डिज, स्कटल्यान्ड र इटालीसँग खेल्नेछ ।

प्रतियोगिता आउँदो मार्च ८ तारिख अर्थात् फागुन २४ गतेसम्म चल्नेछ । अहिलेसम्म ६ वटा टोली टी–२० विश्वकपको उपाधि जितेका छन् । भारत, इङ्ग्ल्याण्ड र वेस्ट इन्डिज २÷२ पटक तथा पाकिस्तान, श्रीलङ्का र अस्ट्रेलिया १÷१ पटक विजेता बनेका छन् ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८४२११३१५४, ९८०४३९४५४७, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक ज्ञाननाथ ढकाल
सम्पादक पवन तिम्सिना
प्रबन्धकः शम्भु धमला
हाम्रो फेसबुक