स्थानीय तह
सुन्दरहरैंचाको सार्वजनिक सुनुवाइमा मेयरलाई प्रश्नैप्रश्न, कार्यकारी अधिकृत, उपमेयर र वडाध्यक्षलाई सोधिएन प्रश्न
विराटचोकः सुन्दरहरैंचा नगरपालिकाले चालु आर्थिक वर्षको ६ महिनाको कामको जानकारी दिन सार्वजनिक सुनुवाइ गरेको छ । कार्यक्रममा सामाजिक परीक्षण मस्यौदा प्रस्तुतिकरण पनि गरिएको थियो ।
कार्यक्रममा गछिया तथा बुढी खोलाको दोहन तथा तटबन्ध निर्माण, अव्यवस्थित बसोबास, सुकुम्बासी समस्या र सडक निर्माण तथा सिटी सफारी व्यवस्थापनका विषयमा कार्यक्रममा सहभागीले प्रश्न राखेका थिए ।
सहभागीले सोधेका प्रश्नको जवाफ दिने क्रममा नगरप्रमुख शिवप्रसाद ढकालले अघिल्ला वर्षजसरी अब खोलाजन्य पदार्थ उत्खननमा ठेक्का नलगाइने बताए । ‘अब पैसा पनि घट्छ, मेसिन प्रयोग गर्न पनि पाइँदैन,’ मेयर ढकालले भने, ‘गछिया खोलो केही गहिरो भएकै छ । त्यसतर्फ नगरले ध्यान दिनेछ ।’
झोलुङ्गे पुल बनाउने सम्झौता भए पनि सो कम्पनीले पुल नबनाएको बताउँदै ढकालले यसै आर्थिक वर्षमा बुढी खोलामा झोलुङ्गे पुल बन्ने बताए । नगरले पहिलो प्राथमिकता गछिया र बुढी खोलालाई दिएको उनको भनाइ थियो ।
सिटी सफारीलाई करको दायरामा ल्याउन नगरपालिकाले पहल गरे पनि नसकेपछि ठेकेदारमार्फत् पटके कर उठाउनुपरेको बाध्यता ढकालले बताए । कतिपय कर भने नगरले कम दर निर्धारण गरे पनि प्रदेश सरकारले करको दर बढाउन चेतावनी नै दिएको हुनाले आर्थिक ऐनअनुसार नै करको दर बढाइएको उनले उल्लेख गरे ।
आफ्नो क्षेत्राधिकारको प्रश्न बढी आउने गरेको मेयरको भनाइ
कार्यक्रममा सोधिएका केही प्रश्नको जवाफ आफूले दिन नसक्ने मेयर ढकालले बताए । पूर्वपश्चिम राजमार्ग, सार्वजनिक शौचालय निर्माणलगायतका विषयमा आफूले पूर्ण जानकारी दिन नसक्ने उनको भनाइ थियो ।
गछिया, गोठगाउँ, मृगौलिया तथा बलियामा सार्वजनिक शौचालय निर्माण नहुनुमा मानिसको नियत नै खराब हुनु मुख्य कारण रहेको उनले जनाए । पूर्वपश्चिम राजमार्ग पनि स्थानीय तहको क्षेत्रभन्दा बाहिरको भएको उनको भनाइ थियो ।
कार्यक्रममा कमला अधिकारी, गंगाप्रसाद घिमिरे, नारायण घिमिरे, दधिराम ढुङ्गाना, गंगा न्यौपाने, नेत्रप्रसाद घिमिरे, अर्जुन तिम्सिनालगायतले प्रश्न सोधेका थिए ।
प्रमुख प्रशासकीय अधिकृत र उपमेयरलाई प्रश्नै सोधिएन
कार्यक्रममा प्रश्न सोध्नेले प्रमुख प्रशासकीय अधिकृत, उपमेयर र वडाध्यक्षलाई भने प्रश्नै सोधेनन् । आफ्नो मन्तव्यको क्रममा उपमेयर धनमाया तामाङले पनि सो कुरा उल्लेख गरिन् ।
न्यायिक समितिमा परेका मुद्दामध्ये अब १२ ओटा मुद्दामात्रै फछ्र्योट हुन बाँकी रहेको उनले बताइन् । राजस्व परामर्श समितिको बैठक समयमा बस्न नसक्नुमा समितिका सबै सदस्यको समय नमिल्नु रहेको उल्लेख गर्दै चाँडै सो बैठक बस्ने बताइन् ।
दिउँसो २ बजेका लागि आह्वान गरिएको सार्वजनिक सुनुवाइमा सहभागीको सङ्ख्या पनि न्यून रहेको थियो । नगरपालिकाका कर्मचारीको उल्लेख्य उपस्थिति रहे पनि वडाध्यक्ष तथा अन्य जनप्रतिनिधि र सर्वसाधारणको उपस्थिति भने कम थियो ।
सार्वजनिक सुनुवाइको सहजीकरण रेडियो सुसेलीका कार्यकारी प्रमुख बाबुराम निरौलाले गरेका थिए ।
Facebook Comment
मध्यपूर्वमा अमेरिका र इरानबीचको तनाव फेरि चर्किएको छ । अमेरिकी सेनाको केन्द्रीय कमान्डले इरानको हर्मुज जलमार्गमा रहेको क्युशिम टापुमा ‘आत्मरक्षाका लागि’ सैन्य कारबाही गरेको जनाएको छ ।
कतारी सञ्चारमाध्यम अलजजीराका अनुसार इरानले कुवेत र बहराइनतर्फ ब्यालिस्टिक क्षेप्यास्त्र तथा ड्रोन प्रहार गरेको छ । कुवेतको वायु प्रतिरक्षा प्रणालीले आकाशमै ती आक्रमण निष्क्रिय पारेको र बहराइनमा पनि अमेरिकी तथा बहराइनी सुरक्षा संयन्त्रले मिसाइलहरू अवरोध गरेको अमेरिकाको दाबी छ ।
इरानको इस्लामिक रिभोलुसनरी गार्ड कोप्र्स (आईआरजीसी) ले अमेरिकी कारबाहीको जवाफ स्वरूप ड्रोन र मिसाइल आक्रमण गरेको जनाएको छ । इरानी सञ्चारमाध्यमहरूका अनुसार अमेरिकी सेनाले होर्मुज जलमार्ग नजिकै रहेको एक इरानी तेल ट्याङ्कर तथा केश्म टापुको दक्षिणी क्षेत्रमा रहेको सञ्चार टावरमा प्रहार गरेको थियो ।
आईआरजीसीले त्यसपछि अमेरिकी तथा इजरायली हितका जहाज र क्षेत्रीय सैन्य अड्डाहरूलाई निशाना बनाएको दाबी गरेको छ । मध्यपूर्वमा बढ्दो सैन्य गतिविधि र आक्रमणका कारण क्षेत्रीय सुरक्षा अवस्था थप जटिल बन्दै गएको विश्लेषण गरिएको छ ।
प्रतिनिधिसभाको बैठकमा आजदेखि बजेटमाथिको छलफल शुरू हुँदैछ । सरकारले आर्थिक वर्ष २०८३/०८४ को लागि प्रस्तुत गरेको बजेटमाथि आजदेखि दफाबार छलफल शुरू हुने संघीय संसद् सचिवालयले जनाएको छ ।
यसैबीच प्रतिनिधिसभा नियमावली, २०८३ पारित भएको छ । प्रतिनिधिसभाको हिजोको बैठकबाट नियमावली पारित भएको हो ।
बैठकमा प्रतिनिधिसभा नियमावली मस्यौदा समितिका सभापति गणेश पराजुलीले ‘प्रतिनिधिसभा नियमावली मस्यौदा समितिको प्रतिवेदन, २०८३ लाई पारित गरियोस्’ भन्ने प्रस्ताव प्रस्तुत गर्नुभएको थियो । प्रस्तावलाई सभाको बहुमतले पारित गरेको हो ।
सभामुख डोलप्रसाद अर्यालले प्रतिनिधिसभा नियमावली मस्यौदा समितिको प्रतिवेदन, २०८३ को नियम २ देखि २६३ सम्म र अनुसूची १ देखि ७ सम्म नियमावलीको अङ्ग बनेको घोषणा गर्नुभयो । बैठकले नियमावली मस्यौदा समितिको प्रतिवेदनका सम्बन्धमा सभापति पराजुलीले जवाफ दिने क्रममा स्वीकार गर्नुभएको संशोधन स्वीकृत गरेको थियो ।
आज सुनचाँदीको भाउ घटेको छ । आज सुन तोलामा ५ हजार ५०० रुपैयाँ घटेर २ लाख ८५ हजारमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन तोलामा २ लाख ९० हजार ५०० मा कारोबार भएको थियो । आज चाँदीको भाउ पनि २१५ रुपैयाँ घटेको छ । आज चाँदी तोलाको ४ हजार ८६५ रुपैयाँमा कारोबार भइरहेको छ ।
हिजो तोलाको ५ हजार ८० रुपैयाँमा कारोबार भएको महासङ्घले जनाएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login