पर्यटन
सौराहामा माघ २८ गतेदेखि खाना महोत्सव
चितवनः भ्रमण वर्ष सन् २०२० लाई लक्षित गरी चितवनको सौराहामा माघ २८ गतेदेखि खाना महोत्सव गरिने भएको छ । स्वदेशी तथा विदेशी पर्यटकलाई प्राकृतिक सौन्दर्यसँगै खानाको स्वाद दिन महोत्सव आयोजना गर्न लागिएको आयोजक रेष्टुरेण्ट एण्ड बार एशोसिएशन नेपाल (रेवान) ले जनाएको छ ।
सौराहाको सिसुवार खेलमैदानमा महोत्सवको १४ औँ संस्करण हुन लागेको हो । स्थानीय कला, संस्कृति, वेषभूषाको जगेर्नाका लागि महोत्सव केन्द्रित रहने रेवानका अध्यक्ष दीपेन्द्र खतिवडा बताउँछन् । महोत्सव अवधिभर सौराहाको राप्ती तटबन्धनको ड्यामदेखि महोत्सवस्थलसम्म विविध झाँकी प्रस्तुत गरिने पनि उनले बताए । खेलकुद कार्यक्रम, प्रेमपत्र लेखन प्रतियोगिता, सडक नाटक आयोजना गरिने महोत्सवमा हरेक दिन राष्ट्रिय तथा अन्तराष्ट्रिय कलाकारको प्रस्तुति रहने महोत्सवका संयोजक ध्रुव गिरीले जनाए ।
फागुन २ गते प्रेम दिवसको दिन टिकटको व्यवस्था गरिए पनि अन्य दिन निःशुल्क प्रवेशको व्यवस्था हुने बताइएको छ । टिकटबाट सङ्कलित रकममध्ये ७५ प्रतिशत रकम गौतमबुद्ध क्रिकेट रङ्गशालालाई दिइने आयोजकले जनाएको छ । झण्डै २ करोड ५० लाखको कारोबार हुने अनुमान गरिएको महोत्सवमा दैनिक २० हजार दर्शकले अवलोकन गर्ने अनुमान गरिएको आयोजकले जनाएको छ ।
रेवानमा आबद्ध ५६ रेष्टुरेण्टमा १५, होटलमा ३० र साना पर्यटन व्यवसायमा १५ प्रतिशत छुटको व्यवस्था गरिएको बताइएको छ ।
Facebook Comment
काठमाडौंः भर्खर विवाह गरेका १० जोडीहरूलाई बुद्ध एयरले टिकट उपहार दिने घोषणा गरेको छ । एयरलाइन्सले विवाहपञ्चमीभित्र विवाह गरेका नयाँ जोडीलाई दुईतर्फी उडान टिकट उपहार स्वरूप दिने भएको हो ।
बुद्ध एयरले काठमाडौं–पोखरा रूटको दुईतर्फी उडानका लागि टिकट उपहार दिन लागेको जनाएको छ । बुद्धले यो उपहार १० जोडीलाई दिने बताएको छ ।
यस उपहारका लागि भने बुद्ध एयरमार्फत् नै टिकट काट्नुपर्ने र विवाहको दिन बेहुलाबेहुलीले यात्रा गरेको तस्बिर अनिवार्य हुनुपर्नेछ । टिकट पाउन बुद्ध एयरको विमानसँग बेहुला बेहुलीको तस्विर बुद्ध एयरको सामाजिक सञ्जालमा ट्याग वा पोष्ट गर्नुपर्नेछ । यसका लागि मंसिर १ गतेदेखि मंसिर ३० सम्म विवाह गरिएको र बुद्ध एयरको प्रयोग गरिएको हुनुपर्ने बताइएको छ ।
काठमाडौंः अध्यागमन विभागका अनुसार नेपालमा नोभेम्बर महिनामा १ लाख ८ हजार ६ सय ३० जना पर्यटक नेपाल भित्रिएका छन् ।
विभागले पर्यटन बोर्डलाई बुझाएको विवरणअनुसार नोभेम्बरमा सबैभन्दा बढी भारतबाट २४ हजार ४ सय ४३ पर्यटक नेपाल आएका छन् । त्यस्तै, अमेरिकाबाट ११ हजार ४ सय ६१ जना, चीनबाट ७ हजार ६ सय १, बेलायतबाट ६ हजार १ सय ३८ जना र अष्ट्रेलियाबाट ५ हजार ६० जना पर्यटक नेपाल आएका छन् ।
सन् २०२३ को जनवरीदेखि अक्टोबरसम्ममा ९ लाख १८ हजार ३ सय ८ जना पर्यटकले नेपाल भ्रमण गरेका छन् ।
अक्टोबरमा १ लाख १७ हजार ३ सय ६ पर्यटक नेपाल आएका थिए ।
विराटचोकः मुस्ताङमा लटरम्मै स्याउ पाकेको छ । मुखै रसाउने स्वादिलो स्याउ पाकेर डाँडापाखा रंगीन बन्दा असाध्यै मनमोहक देखिन्छ, मुक्तिनाथ ।
मुक्तिनाथको दर्शन गरेपछि घर फर्किंदा प्रसाद र कोसेलीको रूपमा स्याउ ल्याउने गरिन्छ । त्यसैले यो मुस्ताङ घुम्ने र स्याउ चाख्ने सबैभन्दा उपयुक्त समय हो ।
मुक्तिनाथको दर्शन गरी फर्किँदा खाना खाने ठाउँ पर्ने जोमसोम र मार्फाका हरेक पसलमा स्याउ राखिएको हुन्छ । २ केजी र ५ केजीको पोका बनाएर राखिएको रसिलो स्याउ नकिन्ने बिरलै पाइन्छन् ।
सामान्यतः अक्टोबरदेखि डिसेम्बरसम्म मुस्ताङमा पर्यटकको भीडभाड देखिन्छ । यो भीडमा स्वदेशी तथा विदेशी पर्यटकहरू हुन्छन् । विशेषतः भारतीय पर्यटकको चाप यतिबेला मुक्तिनाथमा बढी देखिन्छ । मुक्तिनाथ अधिकांशतः स्थलमार्गबाट पुग्छन् ।
विशेष गरी दशैं तिहारको बिदामा सरकारी कर्मचारीदेखि वैदेशिक रोजगारीबाट फर्केकाहरू बढी मात्रामा समुद्री सतहबाट ३,७१० मिटरको उचाइमा रहेको मुक्तिनाथ पुग्छन् ।
मुक्तिनाथ हिन्दू र बौद्ध धर्मावलम्बीहरूको लागि ठूलो धार्मिक महत्वको तीर्थस्थल हो । मुक्तिनाथमा रहेका १०८ वटा जलाधारमा नुहाउँदा आत्माशुद्धि, नवीकरण र मोक्ष प्राप्त हुने जनविश्वास रहेको छ ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login