विराटचोक :  चितवनमा निर्माण भइरहेको गाैतमबुद्ध अन्तर्राष्ट्रिय क्रिकेट रङ्गशालाकाे सहयाेगार्थ एक रूपैयाँ कप चिया बेचेर माेरङका युवाले सहयोग रकम जुटाएका छन् । माेरङ सुन्दरहरैचा नगरपालिकामा रहेको यमबुद्ध क्रिकेट क्लबले सात दिन सम्म संचालन गरेको एक रूपैयाँ कप चिया अभियानमा १ लाख ८५ हजार १ सय ३९ रूपैयाँ सङ्कलन भएको क्लबका सचिव अाशिष अाचार्यले बताए ।

माघ १२ देखि १८ गतेसम्म बिराटचाेक, खाेर्साने, सलकपुर लगायत ठाउँमा एक रूपैयाँ कप चिया अभियान संचालन भएको थियो । उक्त अभियानमा जनप्रतिनिधि, कर्मचारी, खेलाडी, राजनीतिक दलका प्रतिनिधि, युवा, बालबालिका मात्र नभएर बृद्धअबश्थाका सचेत नागरिकले समेत सहयोग गरेका छन् ।

धुर्मुस सुन्तली फाउन्डेसन द्वारा निर्माणाधीन अन्तर्राष्ट्रिय क्रिकेट रङ्गशाला लाइ सहयोगका लागि सङ्कलित रकमकाे खर्च कटाएर बचेको १ लाख ७६ हजार ३ सय ४ रूपैयाँ यहि साता निर्माण भईरहेकाे स्थानमा नै पुगेर हस्तान्तरण गर्ने यमबुद्ध क्रिकेट क्लवका अध्यक्ष सेवन्त खतिवडाले बताए । अध्यक्ष खतिवडाका अनुसार क्लबका सदस्यले रकम हस्तान्तरण संगै निर्माण भइरहेको स्थानमा पुगेर श्रमदान समेत गर्ने तयारी गरेको छ ।

यसरी ठुलो मात्रमा सहयोग रकम जुट्नुले खेलमा कुनै खास उमेर समूह मात्र नभए र सबैकाे चासाे र खेल प्रति लगाव भएको प्रष्ट देखिन थालेको छ ।

पछिल्लाे दिन स्वाद होटल, हाल पोल्याण्डमा रहनु हुने सुन्दरहरैचा १० निवासी सरोज बुढाथोकी, हाल कोरियामा रहनु हुने सुन्दरहरैचा ०९ निवासी प्रतीक आचार्य, हाल अस्ट्रेलियामा रहनु हुने सुन्दरहरैचा ०८ निवासी सन्जय पराजुली, हाल जापनमा रहदै आउनु भएका सुन्दरहरैचा ०८ निवासी सुजन सुवेदी, सन्तोश बान्तवा,जीवन खतिवडा, युबेन गुरुङ लगायतका ब्यक्तित्वको सहयोग रहेको अध्यक्ष खतिवडाले बताए ।