अर्थ
जनकपुरमा फागुन १० देखि खाद्यमेला, मैथिली परिकारको प्रबद्र्धनमा जोड
जनकपुरः प्रदेश २ को राजधानी जनकपुरमा तीन दिने प्रादेशिक खाद्य मेला आयोजना हुने भएको छ । मेलामा मैथिली परिकारलाई विशेष महत्व दिई प्रबद्र्धन गरिने आयोजकले जनाएको छ ।
‘परम्परागत, पोसिलो एवं स्थानीय खाद्य पदार्थको प्रवद्र्धन गरौँ, असल पोषणका लागि खानेबानीमा सुधार गरौँ’ भन्ने मूल नाराका साथ खाद्य प्रविधि तथा गुण नियन्त्रण कार्यालय जनकपुरले मेलाको आयोजना गरेको हो ।
जनकपुरको तिरहुतियागाछीमा दोस्रो खाद्य मेला आयोजना हुन लागेको आयोजकले जनाएको छ । खाद्य प्रविधि तथा गुण नियन्त्रण कार्यालयका प्रमुख विजय खनालका अनुसार फागुन १० देखि १२ गतेसम्म लाग्ने सो मेलामा विभिन्न समुदायका प्रचलनमा रहेका र लोप हुन लागेका खाद्य पदार्थको प्रबद्र्धन गर्न मेलाको आयोजना गर्न लागिएको हो । परम्परागत, स्थानीयवासी, अल्प प्रचलनमा रहेका पोसिला खाद्य पदार्थलाई प्रवद्र्धन गर्दै खानेबानीमा सुधार गर्ने उद्देश्यले आयोजना हुने मेलामा ६० ओटा कक्ष रहने भएका छन् ।
बिहान १० बजेदेखि साँझ ६ बजेसम्म मेला लाग्ने मेलामा करीब १५ लाखसम्म खर्च हुने अनुमान गरिएको र २० हजार दर्शक भित्र्याउने लक्ष्य राखिएको खनालले बताए । खाद्य मेलामा मनोरञ्जनात्मक सांस्कृतिक कार्यक्रमहरु समेत प्रस्तुत गरिने सो मेलामा जनकपुरधाम उपमहानगपालिका र उद्योग वाणिज्य संघ, श्रीराम युवा कमिटी र महावीर युवा कमिटी मेलाको सह आयोजकको रूपमा रहेका छन् । क्रियटिभ मिडिया सेन्टर सहयोगीको भूमिकामा रहेको सो मेलामा नटराज प्रोडक्सन र स्थानीय कलाकारले साङ्गीतिक प्रस्तुति पनि दिने भएका छन् ।
निःशुल्क प्रवेश र निःशुल्क स्टलको व्यवस्था भएको मेलामा सहभागी स्टलमध्ये ४ विधामा पहिलो, दोस्रो, तेस्रो र सान्त्वना हुने स्टललाई पुरस्कृत गरिने खनालले जानकारी दिए । प्रदेश कृषि राज्यमन्त्री योगेन्द्र रायले मेलाको उद्घाटन गर्ने भएका छन् ।
अर्गानिक उत्पादनको बारेमा जानकारी लिँदै खाद्यमेलाका अवलोकनकर्ता
Facebook Comment
अर्थमन्त्री डा. प्रकाशशरण महतले स्थानीयको पेट काटेर जम्मा गरेको पूँजी मासेर ऋण माफी गर्न नसकिने बताएका छन् ।
सहकारी र लघुवित्त पीडितलाई उपयोग गरेर केही मानिसले राजनीतिको रोटी सेकाउन थालेको भन्दै अर्थमन्त्रीले भने, ‘ऋण तिर्नुपर्दैन भन्ने समूहमा कोही लाग्नु हुँदैन ।’
काठमाडौं । नेपाल राष्ट्र बैंकले शनिबारका लागि विदेशी मुद्राको विनिमय दर तोकेको छ ।
राष्ट्र बैंकका अनुसार, आज अमेरिकी डलर एकको खरिद दर १३२ रुपैयाँ ५३ पैसा र बिक्री दर १३३ रुपैयाँ १३ पैसा कायम भएको छ ।
यस्तै, युरो एकको खरिद दर १४२ रुपैयाँ ७७ पैसा र बिक्री दर १४३ रुपैयाँ ४२ पैसा रहेको छ । बेलायती पाउण्ड एकको खरिद दर १६६ रुपैयाँ ८९ पैसा र बिक्री दर १६७ रुपैयाँ ६४ पैसा रहेको छ । कतारी रियालको मूल्य एकको खरिद दर ३६ रुपैयाँ ३४ पैसा र बिक्री दर ३६ रुपैयाँ ५१ पैसा रहेको राष्ट्र बैंकले जनाएको छ ।
सिटिजन्स लाईफ ईन्स्योरेन्समा १ प्रतिशत बढी स्वामित्व भएका लगानीकर्ताहरुको संख्या २२ जना रहेको छ । यो व्यक्तिगत र संस्थागत लगानीकर्तासहितको विवरण हो ।
कम्पनीमा कान्तिपुर पब्लिकेसन र सुमित कुमार अग्रावलको समान ७.४३ प्रतिशत शेयर स्वामित्व रहेको छ । दुबैको शेयर संख्या समान १९ लाख ५० हजार रहेको छ । त्यसैगरी प्रदिपजंग पाण्डेको ५.२४ प्रतिशत रहेको छ । उनको १३ लाख ७५ हजार कित्ता शेयर रहेको छ ।
यस्तै, विक्रम जेबि राणा, सुष्मा राणा र यति वल्ड ईन्भेष्टमेन्टको समान ५.१४ प्रतिशत हिस्सा छ । कम्पनीमा एयर डाईनाष्टी हेली सर्भिसको ३.०६ प्रतिशत शेयर रहेको छ भने ज्योति प्रकाश पाण्डे, ललिता अग्रवाल र उर्मिला पाण्डेको समान २.२९ प्रतिशत शेयर रहेको छ । यसैगरी, राजेन्द्र प्रसाद श्रेष्ठको २ प्रतिशत , राम अग्रवालको १.८९ प्रतिशत, तथा गुडविल फाईनान्स र प्रिमियर वायर्सको समान १.७१ प्रतिशत स्वमित्व रहेको छ।
-
अर्थ4 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years agoसाउनदेखि कुन तहका कर्मचारीको कति तलब ?
-
खेलकुद4 years agoरंगशालाको अवलोकन
-
मुख्य4 years agoशेयर बजारमा झिनो अंकको गिरावट
-
अर्थ4 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login