कोशी प्रदेश
प्रदेश सांसद सङ्ग्रौला भन्छन्ः ‘प्रतिष्पर्धाको आधारमा सामुदायिक वनलाई पुरस्कृत गरिनुपर्छ’
विराटचोकः सलकपुर सामुदायिक वन उपभोक्ता समूहको ११ औं वार्षिक साधारण सभामा बोल्दै प्रदेश सांसद लोकप्रसाद सङ्ग्रौलाले प्रतिष्पर्धाको आधारमा सामुदायिक वनलाई पनि पुरस्कृत गरिनुपर्ने बताएका छन् ।
साधारण सभालाई प्रमुख अतिथिको आसनबाट सम्बोधन गर्दै सांसद सङ्ग्रौलाले सामुदायिक वनलाई पुरस्कृत गर्ने पद्धतिले राम्रो काम गर्न प्रेरणा मिल्ने बताए । ‘कामको मूल्याङ्कनको आधारमा उत्कृष्ट सामुदायिक वनलाई पुरस्कृत गरिनुपर्छ’, जिल्ला वन कार्यालय मोरङ र सब डिभिजन वन कार्यालय सलकपुरका प्रतिनिधिसामु उनले भने, ‘कुन सामुदायिक वनले कति जनताको हित गरेको छ, समुदायमा कस्ता काम गरेको छ र वन व्यवस्थापन कसरी गरेको छ त्यसको मूल्याङ्कन गर्नुपर्छ ।’ यसरी पुरस्कृत गर्ने पद्धति बसाउन सके सामुदायिक वन उपभोक्ता समिति उपभोक्ताप्रति र वनको संरक्षणमा अझ बढी जिम्मेवार हुने उनको भनाइ थियो ।
जिल्ला बन डिभिजन कार्यालय मोरङका प्रमुख बीएन झाले २०६२ सालमा समुदायले नै वनको रेखदेख गर्ने गरी सामुदायिक वनको अवधारणा कार्यान्वयनमा आएपछि चारकोशे झाडी संरक्षित हुँदै आएको बताए । खोर्सानेबाट केराबारी जाने बाटोको पश्चिमतर्फको वन क्षेत्र २०६२ सालभन्दा अघि धेरै लथालिङ्ग अवस्थामा रहेको उनको भनाइ थियो ।
सब डिभिजन वन कार्यालय सलकपुरका प्रमुख लालबहादुर माझीले वन पैदावरको उपयोगभन्दा वातावरण सन्तुलनमा वनको बढी महत्व हुने औँल्याए । वैज्ञानिक वन व्यवस्थापन पद्धति अङ्गालेर अघि बढ्नुपर्ने बताउँदै बेलाबेलामा आउने गरेका विवादलाई सलकपुर सामुदायिक वन उपभोक्ता समितिले समाधान गर्दै अघि बढेको आफूले पाएको उनको भनाइ थियो ।
कार्यक्रममा सलकपुर खानेपानी तथा सरसफाइ उपभोक्ता समितिका पूर्व उपाध्यक्ष योगराज कार्की, नेपाली काङ्ग्रेस सुन्दरहरैंचा ८ नम्बर वडा कमिटीका सभापति श्यामप्रसाद आचार्य, सिर्जना सामुदायिक वन उपभोक्ता समितिका अध्यक्ष भक्तिप्रसाद सिटौला, संस्थाका पूर्व अध्यक्ष उदयचन्द्र अधिकारीलगायतले सम्बोधन गरेका थिए । आदिवासी जनजाति महासङ्घ मोरङका सचिव वीरेन्द्र श्रेष्ठले सामुदायिक वनले महिला सहभागितामा जोड दिनुपर्ने धारणा राखेका थिए ।
कार्यक्रममा संस्थाका अध्यक्ष जनक खत्री अधिकारीले वार्षिक प्रतिवेदन, कार्यकारी सचिव भीमप्रसाद भण्डारीले संस्थाको गतिविधि तथा लेखा संयोजक कोमलप्रसाद लुइँटेलले लेखा प्रतिवेदन प्रस्तुत गरेका थिए । संस्थाले गत वर्ष १५ लाख ५१ हजार ३ सय ३ रुपैयाँ बचत गरेको जनाएको छ ।
सो समितिले निर्माण गरेको सभा भवनको कार्यक्रमका प्रमुख अतिथि सङ्ग्रौलाले उद्घाटन गरेका थिए । संस्थाका पूर्व अध्यक्ष उदयचन्द्र अधिकारीलाई कार्यक्रममा सम्मान गरिएको थियो । संस्थाका वरिष्ठ उपाध्यक्ष सुभाषचन्द्र काफ्लेले सञ्चालन गरेको कार्यक्रममा मुख्य सचिव कुमारी न्यौपानेले स्वागत मन्तव्य व्यक्त गरेकी थिइन् ।
Facebook Comment
मध्यपूर्वमा अमेरिका र इरानबीचको तनाव फेरि चर्किएको छ । अमेरिकी सेनाको केन्द्रीय कमान्डले इरानको हर्मुज जलमार्गमा रहेको क्युशिम टापुमा ‘आत्मरक्षाका लागि’ सैन्य कारबाही गरेको जनाएको छ ।
कतारी सञ्चारमाध्यम अलजजीराका अनुसार इरानले कुवेत र बहराइनतर्फ ब्यालिस्टिक क्षेप्यास्त्र तथा ड्रोन प्रहार गरेको छ । कुवेतको वायु प्रतिरक्षा प्रणालीले आकाशमै ती आक्रमण निष्क्रिय पारेको र बहराइनमा पनि अमेरिकी तथा बहराइनी सुरक्षा संयन्त्रले मिसाइलहरू अवरोध गरेको अमेरिकाको दाबी छ ।
इरानको इस्लामिक रिभोलुसनरी गार्ड कोप्र्स (आईआरजीसी) ले अमेरिकी कारबाहीको जवाफ स्वरूप ड्रोन र मिसाइल आक्रमण गरेको जनाएको छ । इरानी सञ्चारमाध्यमहरूका अनुसार अमेरिकी सेनाले होर्मुज जलमार्ग नजिकै रहेको एक इरानी तेल ट्याङ्कर तथा केश्म टापुको दक्षिणी क्षेत्रमा रहेको सञ्चार टावरमा प्रहार गरेको थियो ।
आईआरजीसीले त्यसपछि अमेरिकी तथा इजरायली हितका जहाज र क्षेत्रीय सैन्य अड्डाहरूलाई निशाना बनाएको दाबी गरेको छ । मध्यपूर्वमा बढ्दो सैन्य गतिविधि र आक्रमणका कारण क्षेत्रीय सुरक्षा अवस्था थप जटिल बन्दै गएको विश्लेषण गरिएको छ ।
प्रतिनिधिसभाको बैठकमा आजदेखि बजेटमाथिको छलफल शुरू हुँदैछ । सरकारले आर्थिक वर्ष २०८३/०८४ को लागि प्रस्तुत गरेको बजेटमाथि आजदेखि दफाबार छलफल शुरू हुने संघीय संसद् सचिवालयले जनाएको छ ।
यसैबीच प्रतिनिधिसभा नियमावली, २०८३ पारित भएको छ । प्रतिनिधिसभाको हिजोको बैठकबाट नियमावली पारित भएको हो ।
बैठकमा प्रतिनिधिसभा नियमावली मस्यौदा समितिका सभापति गणेश पराजुलीले ‘प्रतिनिधिसभा नियमावली मस्यौदा समितिको प्रतिवेदन, २०८३ लाई पारित गरियोस्’ भन्ने प्रस्ताव प्रस्तुत गर्नुभएको थियो । प्रस्तावलाई सभाको बहुमतले पारित गरेको हो ।
सभामुख डोलप्रसाद अर्यालले प्रतिनिधिसभा नियमावली मस्यौदा समितिको प्रतिवेदन, २०८३ को नियम २ देखि २६३ सम्म र अनुसूची १ देखि ७ सम्म नियमावलीको अङ्ग बनेको घोषणा गर्नुभयो । बैठकले नियमावली मस्यौदा समितिको प्रतिवेदनका सम्बन्धमा सभापति पराजुलीले जवाफ दिने क्रममा स्वीकार गर्नुभएको संशोधन स्वीकृत गरेको थियो ।
आज सुनचाँदीको भाउ घटेको छ । आज सुन तोलामा ५ हजार ५०० रुपैयाँ घटेर २ लाख ८५ हजारमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन तोलामा २ लाख ९० हजार ५०० मा कारोबार भएको थियो । आज चाँदीको भाउ पनि २१५ रुपैयाँ घटेको छ । आज चाँदी तोलाको ४ हजार ८६५ रुपैयाँमा कारोबार भइरहेको छ ।
हिजो तोलाको ५ हजार ८० रुपैयाँमा कारोबार भएको महासङ्घले जनाएको छ ।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login