hrpdf.com.hr
Connect with us
Advertisement
Advertisement

‘लकडाउन’ र जनताको भूमिका

Published

on

कोरोनाको सङ्क्रमणबाट जोगिन सरकारले घोषणा गरेको ‘लकडाउन’ को ५ दिन पूरा भइसकेको छ । सरकारी सो निर्णय पालना गराउन तिनै तहका सरकार त लागेका छन् नै सबभन्दा बढी संवेदनशील जनता स्वयम् हुनुपर्नेछ ।

जनताको स्वास्थ्यको लागि भनेर सरकारले गरेको ‘लकडाउन’को अवज्ञा जताततै भएको पाइन्छ । लकडाउनको समयमा घरबाहिर निस्कनेलाई प्रहरीले दिनहुँ कारवाही गरिरहेको छ । कारवाहीको रुप फेरिरहेको छ तर पनि अवज्ञा गर्ने क्रम उस्तै देखिन्छ ।

अञ्जानमा भन्दा जानाजान अवज्ञा गर्ने व्यक्तिको सङ्ख्या बढेको पाइन्छ । लकडाउन अवज्ञा गर्ने व्यक्तिलाई प्रहरीले कार्वाही (विशेष गरी लठ्ठीले हिर्काउने काम) नगरेको भए यस्तो अवज्ञा गर्ने धेरै नै निस्किने थिए । कानुनी रुपमा त्यसरी सजाय दिनु उचित होइन होला । तर सम्झाउँदा नमान्नेको लागि त्यस्तो सजाय अनुचित हो भन्न नसकिएला ।

इटलीमा लगाइएको लकडाउनको अवज्ञा गर्नाले नै त्यहाँ त्यत्रौ विपत निम्तिएको हो भनेर सञ्चारमाध्यममा आइरहँदा पनि सचेत व्यक्ति नै लकडाउनको अवज्ञा गरिरहेका छन् । अहिले इटालीका सरकार प्रमुख मिडियासामु रोइरहेका छन् । नेपालमा त्यस्तो अवस्था आउन नदिन लकडाउनको पालना गर्नु नै आम नेपालीको विकल्परहित काम हो । घरमा केही काम नभएर लकडाउन हेर्न सडकमा निस्किएको भन्नु लकडाउनको सिधै अवज्ञा होइन र ?

अमेरिका, इटली, स्पेनजस्ता शक्तिशाली देश अहिले कोरोनाको सङ्क्रमणका अगाडि निरीह हुँदैछन् । त्यसैले घरमै बसेर, परिवारलाई समय दिँदै, अनि आफू लुकेर बस्दा नै त्यत्रो महामारीबाट मुक्ति पाइन्छ भने लकडाउनको किन पालना नगर्ने ?

‘लकडाउन’का कारण मजदुरी गर्ने परिवारको चुलो नबलेकोतर्फ सरकारले ध्यान दिनु पर्छ । स्थानीय सरकारलाई संघसंस्थाले पनि सघाउनुपर्छ । विपत्को यो घडीमा सरकारी निर्णयलाई ठट्टाको रुपमा लिनुहुन्न ।

Continue Reading

Facebook Comment

Advertisement
19 Comments

You must be logged in to post a comment Login

Leave a Reply

Banner

कांग्रेसले नयाँ नेतृत्व छान्न सोमबार बिहान ८ बजेदेखि मतदान सुरू गर्ने

Published

on

नेपाली कांग्रेसले नयाँ नेतृत्व छान्न सोमबार बिहान ८ बजेदेखि मतदान सुरू गर्ने भएको छ। १४ औं महाधिवेशनअन्तर्गत सभापति पदका लागि ५ जना मैदानमा छन्। गोरखाका युवराज न्यौपानेले सभापतिमा दिएको उम्मेदवारी फिर्ता लिइसकेका छन्। न्यौपानेले शेखर कोइराला समूहलाई समर्थन गर्दै आज उम्मेदवारी फिर्ता लिएका हुन्। अब शेरबहादुर देउवा, प्रकाशमान सिंह, शेखर कोइराला, विमलेन्द्र निधि र कल्याण गुरूङबीच चुनावी प्रतिस्पर्धा हुने भएको छ।

कांग्रेसले भृकुटीमण्डप, राष्ट्रिय सभागृह र नेपाल पुलिस क्लबमा मतदान स्थल तोकेको छ। कांग्रेसले कागजकै मतपत्र बनाएको छ भने मत खसाल्ने बाकसका रूपमा पानी ट्यांकीको प्रयोग गरिने भएको छ। कांग्रेसमा ४७४३ जना महाधिवेशन प्रतिनिधि छन्। एक महाधिवेशन प्रतिनिधिले २९ मतपत्रमा मतदान गर्नुपर्ने भएकाले करिब एक घन्टासम्म मत खसाल्न समय लाग्नेछ। मत खसाल्ने ठाउँ २९ वटा छ। करिब १० घन्टामा मत खसालेर सक्ने अनुमान छ।

कांग्रेसले मतदान सकिएलगत्तै मतगणना गरिने बताएको छ। कांग्रेस केन्द्रीय निर्वाचन समितिका सदस्य तेज रावलले सबैभन्दा पहिले सभापति पदका लागि मतगणना गरिने बताए।

Continue Reading

Banner

उद्योग वाणिज्य, जेसीज र लायन्सद्वारा शुभकामना आदानप्रदान

Published

on

विराटचोकः मोरङको सुन्दरहरैचा नगरपालिकामा रहेका सुन्दरहरैंचा उद्योग वाणिज्य संघ, इन्द्रपुर जेसीज र लायन्स क्लब अफ इन्द्रपुरले शुभ दीपावली तथा छठ लगायतका पर्वको उपलक्ष्यमा शुभकामना आदानप्रदान कार्यक्रम सम्पन्न गरेका छन् ।

शुभकामना आदानप्रदान कार्यक्रममा बोल्दै नगरप्रमुख शिवप्रसाद ढकालले राजनीतिक पार्टीका अधिवेशन सकिएर चलयमान र सक्रियता बढ्न थालेकाले यसले समाज निर्माणमा टेवा पुग्ने बताए । यस क्षेत्रको राजनीति संस्कारयुक्त रहेको बताउँदै उनले फरक आस्था भए पनि विकास निर्माण, सामाजिक कार्य, विपद व्यवस्थापनमा राजनीतिक शक्ति एक हुनाले स्थानीय सरकार सञ्चालनमा सहयोग पुगेको बताए ।

आफ्नो कार्यकाल छोटिँदै गएकाले सोचेजति काम गर्न नसकिए पनि भए गरेका काम ईमानदारीका साथ हुने उनले बताए । बेमौसमी वर्षाका कारण आएको बाढीले धान खेतीसँगै विकास निर्माणमा ठूलो क्षति पुर्याएकाले यस विषयमा प्रारम्भिक चरणको क्षतिको विवरण लिइसकिएको र केही दिन पछि बस्ने कार्यपालिकाले सो विषयमा निर्णय गर्ने बताए ।

कार्यक्रममा बोल्दै मेयर ढकालले सुन्दरदुलारी उद्योग वाणिज्य संघ र कोशीहरुैंचा उद्योग वाणिज्य संघलाई समायोजन गरी एउटै वाणिज्य संघ बनाउन नवनिर्वाचित पार्टीहरुले भूमिका खेल्नुपर्ने बताउँदै आफूले पनि यस विषयमा घनीभूत तयारी गरिरहेको बताए । कोभिड १९ व्यवस्थापनमा वाणिज्य संघ, जेसीज र लायन्स क्लब लगायतका संस्थाले खेलेको भूमिका प्रति ढकालले प्रशंसा व्यक्त गरे ।

नेकपा एमाले सुन्दरहरैंचाका नवनिर्वाचित अध्यक्ष मातृकाप्रसाद ढकालले पार्टीले साझा धारणा बनाएर अघि बढ्ने बताए । एमालेले हातमा हात मिलाएर सुन्दरहरैंचाको सामाजिक, आर्थिक र विकास निर्माणको श्रीवृद्धिका लागि मिलेर जाने बताए ।
यस्तै, नेपाली काङ्ग्रेस सुन्दरहरैंचाका नगर सभापति भक्तिप्रसाद सिटौलाले जिल्लाकै ऐतिहासिक बजारमा कार्यक्रम आयोजना हुनु राम्रो पक्ष भएको बताउँदैै राजनीतिक दललाई एकै ठाउँमा राखेर भव्य कार्यक्रम हुनाले पछिल्लो समय बिग्रँदो राजनीतिलाई यसले एकताको सन्देश दिएको बताए ।

शुक्रबार वडा नम्बर १ हरैंचामा रहेको हात्तीसार खेलमैदानमा आयोजित कार्यक्रममा नगरप्रमुख शिवप्रसाद ढकाल, उपप्रमुख धनमाया तामाङ, नेकपा एमाले नगर अध्यक्ष मातृकाप्रसाद ढकाल, नेपाली कांग्रेस नगर सभापति भक्तिप्रसाद सिटौला, नेकपा माओवादी केन्द्रका नगर अध्यक्ष दुशान्त भट्टराई, एकीकृत समाजवादीका नगर अध्यक्ष महेश आचार्यसहित विभिन्न संघसंस्थाका पदाधिकारीहरुको उपस्थिति रहेको थियो ।

कार्यक्रममा बोल्दै नेपाली कांग्रेस नगर सचिव दिलीप थापाले हरैचा ऐतिहासिक क्षेत्र भएकाले यस ठाउँलाई चिनाउन यस क्षेत्रको खोज अनुसन्धानमा लाग्नुपर्ने धारणा राखेका थिए ।

कार्यक्रममा आयोजक संस्था वाणिज्य संघका अध्यक्ष कृष्णप्रसाद रिजाल, इन्द्रपुर जेसीजका अध्यक्ष कृष्णप्रसाद ओझा, लायन्स क्लबका अध्यक्ष रोहित शाह लगायत उपस्थित रहेका थिए ।

यसैबीच नेकपा एमाले, नेपाली काङ्ग्रेस, नेकपा माओवादी केन्द्र, एकीकृत समाजवादी पार्टीका नवनिर्वाचित पदाधिकारीलाई सम्मान गरिएको थियो । कार्यक्रम सुन्दरहरैंचा उद्योग वाणिज्य संघका महासचिव नारायण कार्कीले सञ्चालन गरेका थिए ।

Continue Reading

अवर्गीकृत

सुन्दरहरैचामा बाढीले बगाउँदा दुई जना बेपत्ता

Published

on

विराटचाेक: माेरङकाे सुन्दरहरैचा नगरपालिकामा म‌ङ्गलबार आएको बाढीले बगाउँदा दुई जना बेपत्ता भएका छन् । बेपत्ता हुनेमा सुन्दरहरैचा ०७ घर भइ इटहरी बस्दै आएका ४४ वर्षिय जीवन पराजुली र सुन्दरहरैचा ०५ बस्ने  ४० वर्षिय राजकुमार राई छन । पूर्वपश्चिम लोकमार्ग स्थित वडा नम्बर ४ दुलारी चौक देखी पश्चिम तर्फ रहेको कल्भट अत्याधिक वर्षासङ्गै आएकाे बाढीले कटान गरेकाले खाल्डो पर्दा सफारी चालक जीवन पराजुलीलाई बाढीले बगाएई बेपत्ता भएका इलाका प्रहरी कार्यालय बेलबारीका प्रमुख सराेज खनालले बताए  ।

रातको समयमा  पूर्वबाट पश्चिम तर्फ सफारी लिएर हिडिरहेका पराजुलीलाई कल्भटमा आएकाे बाढीले सफारी सहित बगाएकाे थियाे  ।  यस्तै सुन्दरहरैचा ५ स्थित गोर्खाली टोल बस्ने राजकुमार राईलाई समेत खोलाले बगाएको छ ।  बुढीखोलामा आएको बाढीले राईलाई बगाएको प्रहरीले जनाएकाे छ । दुवै बेपत्ता भएका पुरुषको खोजी कार्य भईरहेको इलाका प्रहरी बेलबारीका  प्रमुख सराेज खनालले  जानकारी दिए ।

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक
hrpdf.com.hr