शिक्षा / स्वास्थ्य
राहत लिनेको नाम सार्वजनिक होस्
लकडाउनका कारण हातमुख जोर्न समस्या भएपछि सरकारले विपन्न व्यक्तिका लागि राहत वितरण गरेको छ । अधिकांश स्थानीय तहले राहत सामग्री वितरण गरेका छन् ।
राहत वितरणमा केही विवाद पनि आएका छन् । राहत नपाउनुपर्ने व्यक्तिले राहत लिए, कोरोनाको संक्रमणबाट बच्न लिनुपर्ने भनिएको सामाजिक दूरी राहत लिँदा पालना गरिएन भन्ने आवाज उठेका छन् । राहत दिँदा तस्बिर खिच्न मात्रै ध्यान दिएको भन्ने आवाज पनि आए । यीमध्ये कतिपय आवाज सही हुन् । कतिपयले भने केवल आलोचना मात्रै गरेको पनि हुन सक्छ । तर यी माथि भनिएका आवाज सबैतिर उठेको र राहत दिँदा तथा राहत संकलन गर्दा लिइएका तस्बिर हेर्दा ती आवाज सही भएको प्रष्ट देखिन्छ ।
सरकारले राहत संकलन गर्ने क्रममा दाताको नाम र सहयोग रकम सार्वजनिक गरेझैँ राहत लिनेको नाम पनि सार्वजनिक गर्नुपर्छ । जसले गर्दा आफ्नो वडामा कसले राहत पाए, राहत पाउनुपर्ने व्यक्तिले पाए कि पाएनन् । कत्रो परिवार हुनेले कति राहत पाए भनेर सबैले बुझ्न सजिलो हुन्छ । कतिपयको राहत दोहोरिएको पनि हुन सक्छ । एउटै व्यक्तिको स्थायी र अस्थायी गरेर दुवैतिर बसोबास छ भने उसले दुवैतिरबाट राहत पाएको हुन सक्छ । त्यस्तै डेरा गरेर बस्ने १ जना वा २ जनाको परिवार भएका र १० जनाको परिवार भएका व्यक्तिलाई समान तरिकाले राहत वितरण गर्नु पनि न्यायोचित देखिँदैन । कतिपय राहत लिन आवश्यक नभएका व्यक्तिले पनि राहत लिएको पाइएको छ । यी सबै समस्या निराकरण गर्नका लागि पनि राहत लिनेको नाम सार्वजनिक गर्नु उपयुक्त हुन्छ ।
लकडाउनको समयावधि फेरि थपिएको छ । कामना गरौँ अब लकडाउन लम्ब्याउन नपरोस् । तर, नयाँ सालमा पनि लकडाउनको अवधि थपेको घोषणा गर्नुपर्याे भने अहिले राहत लिनेलाई फेरि राहत दिनुपर्ने त छँदैछ अन्य थप मानिसलाई पनि राहत दिनुपर्ने हुन सक्छ । सो समयमा कसरी राहत वितरण व्यवस्थापन गर्ने भन्ने बारेमा पनि नीति बनाउन आवश्यक छँदैछ । यी सबै तथ्यलाई मनन गरी पहिलो चरणमा राहत लिने व्यक्तिको नाम सार्वजनिक गर्नु उचित हुने देखिन्छ ।
Facebook Comment
यो वर्षको माध्यामिक शिक्षा परीक्षा एसईई तालिका सार्वजनिक भएको छ । यही माघ ११ गते बसेको बैठकको निर्णय अनुसार राष्ट्रिय परीक्षा बोर्डले परीक्षा तालिका सार्वजनिक गरेको हो । बोर्डका अनुसार नियमित र ग्रेडवृद्धि परीक्षाको पहिलो दिन अनिवार्य अंग्रेजी विषयको परीक्षा तोकिएको छ । अंग्रेजी विषयको परीक्षा चैत्र १७ गते शुक्रबार बिहान ८ देखि ११ बजेसम्म हुनेछ । एसईई परीक्षा चैत्रको २९ गते सकिनेछ ।
विराटचोकः मोरङको सुन्दरहरैँचा नगरपालिका वडा नम्बर ४ मा रहेको श्री आदर्श आधारभूत विद्यालयले भान्सा कोठा छुट्टै नहुँदा कार्यालयभित्रै भान्सा निर्माण गरेर विद्यार्थीलाई खाजा बनाएर दिँदै आएको छ । भण्डार कक्ष, भाँडावर्तन राख्ने ठाउँ विद्यालयको कार्यालय अफिस एकै कोठामा सञ्चालन भइरहेको छ ।
सरकारले विद्यार्थीलाई आकर्षित गर्न आधारभूत विद्यालयमा दिवा खाजा कार्यक्रम ल्याएपछि विद्यार्थीलाई खाज दिन शुरु गरिएको विद्यालयका प्रधानाध्यापक मीना चौधरीले बताइन् । विद्यालयमा वालविकास देखि कक्षा ५ सम्म अध्ययनरत १ सय १४ जना विद्यार्थी रहेको चौधरी बताउँछिन् । विद्यालय ३ जना शिक्षक, १ जना बाल विकास सहयोगी र १ जना कार्यालय सहयोगीको भरमा चल्दै आएको छ ।
प्रधानाध्यापक चौधरीका अनुसार यो विद्यालयमा ऋषिदेव समुदायका विद्यार्थी धेरै आउने र उनीहरुका अभिभावक दैनिक मजदुरी गर्न खोलामा काम गर्ने भएकाले खाजा खान पाउने भएकाले गर्दा नै विद्यार्थीे आउने गरेका हुन् । दैनिक प्रति विद्यार्थी १५ रुपैयाँको खाजा विद्यालयले कार्यालय कोठाभित्रै बनाएर दिने गरेको उनी बताउँछिन् ।
भान्सा कोठा बनाउन केन्द्र र स्थानीय सरकारलाई भन्दा हालसम्म कसैले चासो नदिएको चौधरीको गुनासो छ । बाहिर खाज दिन नपाइने र विद्यार्थीलाई पैसा पनि दिन नपाइने भएकाले कार्यालयमै भान्सा बनाउनु परेको उनले बताइन् ।
विद्यालयमा पर्याप्त शिक्षक नहुँदा पढाउन समस्या भएको प्रधानाध्यापक चौधरीले बताइन् । ५ वटा कक्षामा ३ जना शिक्षकले पढाउनुपरेकाले गुणस्तरीय शिक्षा दिन समस्या भएको उनले बताइन् । ४५ मिनेटको समय २ वटा कक्षामा पढाउनुपर्ने बाध्यता रहेको उनको भनाइ छ ।
भिडियोः
https://www.facebook.com/NispakshyaKhabarDotCom/videos/568744341772218
विराटनगरः जिउँदो शिशुलाई मृत घोषणा गर्ने चिकित्सकलाई विराटनगरको कोशी अस्पतालले काम गर्न रोक लगाएको छ । सो घटनाको छानबिन गर्न तीन सदस्यीय समिति बनाइएको छ ।
बुधबार बिहान श्वासप्रश्वासमा समस्या भएपछि इमरजेन्सी वार्डमा भर्ना गरिएकी १९ दिने शिशुलाई अस्पतालका मेडिकल अफिसर डा. आकाश यादवले मृत घोषित गरेका थिए । शिशुको अन्त्येष्टिको तयारी हुँदै गर्दा शिशुले शरीर चलाएपछि आफन्तले गोल्डेन अस्पताल विराटनगर भर्ना गरेका थिए । अहिले उनको गोल्डेन अस्पतालमा उपचार भइरहेको छ ।
उपचारमा लापरवाही गरेको गुनासो आएपछि अस्पतालले छानबिनका लागि बालरोग विशेषज्ञ डा. प्रवीण झाको नेतृत्वमा तीन सदस्यीय समिति गठन गरेको छ । समितिको सदस्यमा बालरोग विशेषज्ञ डा. सूर्यकान्त चौधरी र प्रशासनका कर्मचारी रामप्रसाद नेपाल रहेका छन् । नेपाल अस्पतालका सूचना अधिकारी पनि हुन् ।
उपचारमा संलग्न डा. आकाश यादव, अहेब लक्ष्मण माझी र टीका भण्डारीलाई अस्पतालले काममा रोक लगाएको हो ।
-
अर्थ3 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner7 months agoसाउनदेखि कुन तहका कर्मचारीको कति तलब ?
-
खेलकुद3 years agoरंगशालाको अवलोकन
-
अर्थ3 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य3 years agoशेयर बजारमा झिनो अंकको गिरावट
-
मुख्य3 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य3 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
प्रदेश नं. १3 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login