सुदुर पश्चिम प्रदेश
कोरोना जितेका वडाध्यक्ष भन्छन्ः ‘कोरोनासँग नडराऔँ, हेलचेक्र्याइँ पनि नगरौँ’ (कोभिड जित्नेको अनुभवः ३)
विराटचोकः नेपालमा कोरोना संक्रमण दिनहुँ बढिरहेको छ । अहिलेसम्म विदेशबाट र खासगरी भारतबाट घर फर्कने नेपालीमा संक्रमणको दर उच्च देखिएको छ । त्यसका साथै विदेशबाट आउने व्यक्तिसँग बढी नजिक रहनेमा पनि संक्रमण देखिएको छ ।
स्वास्थ्यकर्मी, सुरक्षाकर्मी, सञ्चारकर्मीका साथै जनप्रतिनिधिलाई कोरोना संक्रमण हुन थालेको छ । यसै क्रममा केही स्थानीय तहका जनप्रतिनिधिलाई पनि कोरोना संक्रमण पुष्टि भएको छ । यस्तै जनप्रतिनिधिमध्येका एक हुन् कैलालीको गोदावरी नगरपालिका वडा नम्बर १ का अध्यक्ष शर्मानन्द भट्ट । नगरपालिकाको प्रवक्तासमेत रहेका भट्ट कोरोना संक्रमणपछि निको भएर अहिले घरमै आराम गरिरहेका छन् । उनै भट्टसँग फोन सम्पर्क गरी यो सामग्री तयार पारिएको हो ।
सरकारले लकडाउन घोषणा गर्नासाथ २०७६ चैत ११ गते नगरपालिकाले गठन गरेको टास्क फोर्सको संयोजक भएर भट्टले काम गर्दै आए । क्वारेन्टाइन व्यवस्थापनमा महत्वपूर्ण भूमिका खेलिरहेका उनको जेठ २० गते आरडीटी परीक्षण गर्दा पोजेटिभ नतिजा आयो । त्यसपछि उनको सोही दिन स्वाब संकलन गरी पीसीआर गरियो ।
‘आरडीटी परीक्षणको नतिजा पोजेटिभ आउनासाथ म जेठ २० गतेदेखि नै सेल्फ आइसोलेसनमा बसेँ’, फोन सम्पर्कमा भट्टले भने, ‘जेठ २४ गते पीसीआरको रिपोर्ट पनि पोजेटिभ नै आयो ।’
त्यसपछि उनी अस्पताल भर्ना भए र हालै कोरोनालाई जितेर घर फर्किएर फेरि सेल्फ आइसोलेसनमा बसिरहेका छन् । कोरोना सामान्य रोग भए पनि हेलचेक्र्याइँ गर्दा भने ज्यानै जान सक्ने डरलाग्दो रोग रहेको उनको अनुभव छ ।
जेठ २४ गतेदेखि आइसोलेसनमा बसेका उनलाई जेठ २८ गते समस्या देखियो । यसअघि कोरोनालाई सामान्य रुपले लिइरहेका उनले जब आफूलाई सास फेर्न गाह्रो महसुस गरे तब हेलचेक्र्याइँ गर्न नहुने रहेछ भन्ने पनि बुझे ।
‘२८ गते राती साढे ८ बजेपछि मलाई श्वासप्रश्वासमा समस्या भयो । बोल्न गाह्रो भयो अनि थकान महसुस भयो,’ अनुभव सुनाउने क्रममा उनले भने, ‘यस्तो बेलामा संक्रमितको मनोबल खस्किँदो रहेछ । सास फेर्न गाह्रो भएपछि मलाई पनि निकै डर लाग्यो । जतिसुकै डराउँदिन भने पनि मन आत्तिँदो रहेछ ।’
सास फेर्न गाह्रो भएपछि उनी कोठाबाट बाहिर निस्किएर लामो सास ताने । अनि योगा गर्न थाले । डाक्टरले दिएको एन्टिबायोटिक औषधी सेवन गरे । अनि रुखाखोकी लागेको समयमा जस्तै गरी बाफ लिन थाले । त्यसबेला उनले बुझे कोरोना सामान्य होइन, हेलचेक्र्याइँ गर्नुहुन्न । अहिले उनलाई फोन सम्पर्क गरी कोरोना संक्रमणको अनुभव सोध्नेलाई उनी कोरोनालाई हेलचेक्र्याइँ गर्न नहुने सुझाव दिन्छन् ।
उनी आइसोलेसनमा रहेकै बेला उनकै वडाका एक पुरुषको कोरोना संक्रमणका कारण मृत्यु भयो । कैलालीमा एकै दिन मृत्यु भएका २ जना कोरोना संक्रमितमध्ये पुरुष संक्रमित उनकै टोलका व्यक्ति थिए, जसलाई उनी राम्ररी चिन्थे । सवारी चालक पेशामा रहेका र दीर्घ रोग नदेखिएका ती व्यक्तिको मृत्यु भएपछि कोरोना संक्रमणलाई खेलाँची ठान्न नहुने उनले अनुभव गरे ।
सबै सचेत भएर बस्न, कोरोनासँग नडराउन तर हेलचेक्र्याइँ नगर्न उनी सुझाव दिन्छन् ।
सम्बन्धित थप समाचारहरु
कतारमा कोरोना जितेका कटुवाल भन्छन्, ‘मनोबल दह्रो बनाउनुपर्छ’ (कोरोना जित्नेको अनुभव २)
स्वीडेनमा कोरोना जितेका अधिकारी दम्पत्ति भन्छन्ः घरै बसेर निको भयौँ (कोरोना जित्नेको अनुभवः १)
Facebook Comment
प्रधानमन्त्री बालेन शाहले बुधबार अपराह्नका लागि बैठक बोलाएको उनको सचिवालयले जनाएको छ ।
बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा अपराह्न ४ बजे बस्नेछ ।
राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा आज सर्वदलीय बैठक बस्दैछ ।
बैठक बिहान ११ बजे रास्वपा संसदीय दलको कार्यालय सिंहदरबारमा बस्ने रास्वपाका प्रवक्ता जगदीश खरेलले जानकारी दिए ।
बैठकमा विपद् जोखिम न्यूनीकरण तथा व्यवस्थापनका लागि उच्चस्तरीय राजनीतिक संयन्त्र गठन गर्ने विषयमा छलफल हुने बताइएको छ ।
भदौ १० गते रसुवाको भोटेकोशीमा आएको बाढीपछि रास्वपा सभापति रविले भदौ ११ र १६ गते दुई पटक सर्वदलीय बैठक राखिसकेका छन् । प्रधानमन्त्री वालेन्द्र शाहले दलहरूसँगको संवादमा चासो नदिएपछि रवि आफैँले बैठक राखेका थिए ।
भदौ १६ गते बसेको सर्वदलीय बैठकमा दोस्रो तहका नेताहरू सहभागी भए । भोटेकोशी बाढीले निम्त्याएको संकट समाधानका लागि उच्चस्तरीय सर्वदलीय संयन्त्र गठनसम्बन्धी छलफल गर्न रास्वपाले उक्त बैठक राखेको थियो ।
त्यसअघि भदौ ११ गते लामिछानेले पहिलो बैठक बोलाएका थिए । त्यस बैठकले बाढी प्रभावित क्षेत्रका जनतालाई उद्धार, राहत तथा व्यवस्थापनको लागि उच्चस्तरीय संयन्त्र गठन गर्ने निर्णय गरेको थियो ।
जलवायु अन्यायविरुद्ध सामागाउँका युवा आमरण अनशन बस्ने भएका छन्। हिमाली क्षेत्रले भोगिरहेका दुःखकाविरुद्धमा जिल्लाको चुमनुब्री गाउँपालिका–१ सामागाउँका युवाले मनास्लु बेसक्यापमा आमरण अनशन बस्ने घोषणा गरेका हुन्।
जलवायु परिवर्तनबाट उत्पन्न जोखिम न्यूनीकरण गर्नुपर्ने मागसहित आगामी असोज २ गतेदेखि १८ गतेसम्म अनशन बस्न लागेको स्थानीय धावा नोर्बु लामाले बताए।
गोरखाका प्रमुख जिल्ला अधिकारीलाई सम्बोधन गरी लेखिएको आठबुँदे ध्यानाकर्षण पत्र सामागाउँका वडाध्यक्ष कर्मा छेवाङ लामा, मनास्लु संरक्षण क्षेत्र आयोजना (एमक्याप) को स्थानीय इकाइ कार्यालय र सामागाउँ प्रहरीचौकीमा पेस गरेको लामाले बताए।
पत्रमा मनास्लु आधार शिविर तथा सामागाउँ क्षेत्रमा यो वर्ष धेरै नयाँ हिमताल थप भइरहेकाले यसबाट उत्पन्न हुनसक्ने जोखिमको अध्ययन तथा यसबाट बच्न अपनाउनुपर्ने उपायको खोजी गर्न सरकारसमक्ष माग गरिएको छ।
‘मनास्लुको फेद (पुंगेन)मा ताल थपिएका छन्। वीरेन्द्र ताल, कालताल, घुन्सारफुकमा रहेको ताल, न्योचुथानमा रहेका तीन वटा ठूलो जोखिमयुक्त हिमताल एवं मनास्लु क्षेत्र र चुम क्षेत्रमा रहेका अन्य तालको हवाइ अनुगमन, निरीक्षण गरियोस्,’ पत्रमा भनिएको छ, ‘यी सबै तालको गहिराइ मापन गरी भविष्यमा हुनसक्ने हिमताल विस्फोटको जोखिम अध्ययन गरियोस्।’
ताल र नदीमा पानीको जलसतह नाप्ने संयन्त्र र जोखिम बढेमा सर्वसाधारणलाई सतर्क गराउन साइरन बज्ने प्रविधि जडान गर्न माग गरिएको छ।
नेपाल र चीनमा रहेका हिमताल तथा हिमनदीको संयुक्त रुपमा अध्ययन, अनुगमन गर्न माग गरिएको छ। एमक्यापजस्ता हिमाली क्षेत्रसँग सम्बन्धी संस्थाले देशभरका हिमाली क्षेत्रमा जलवायु परिवर्तनका कारण बढिरहेको जलसतहको नियमित अनुगमन र निगरानी राखी त्यसबाट उत्पन्न जोखिमबाट आसपासका नागरिकलाई सुरक्षित राख्न पहल गर्नुपर्ने माग गरिएको छ।
हिमाली क्षेत्रका विद्यालयमा जलवायु परिवर्तनको प्रभावका विषय पाठ्यक्रममा समेट्न पनि माग गरिएको छ। विश्वव्यापी वातावरणीय प्रदूषणमा नेपालको योगदान जम्मा शून्य दशमलव चार प्रतिशत योगदान रहेकामा प्रदूषण फैलाउने विकसित राष्ट्रबाट नेपालले पाउनुपर्ने जलवायू क्षतिपूर्ति र न्यायका लागि जोडदार पहल गर्न माग गरिएको छ।
हिमाली क्षेत्रमा परेको जलवायु परिवर्तनको वास्तविक प्रभाव प्रत्यक्ष अनुभव गर्न सहरमा हुने गरेका जलवायु सम्बन्धी बैठक, सेमिनार हिमाली क्षेत्रमा आयोजना गर्न विभिन्न राष्ट्रिय, अन्तरराष्ट्रिय सरकारी, गैरसरकारी संस्थासँग माग गरिएको छ।
सन् २०२७ मा एलनिनोको प्रभावले हिमाली क्षेत्रमा अझै धेरै असर पर्ने हुनाले हिमाली बस्तीका नागरिकको जीवन रक्षा गर्न पूर्वतयारी गर्न पनि माग गरिएको छ। सुरुमा आफू एक्लै आमरण अनशन बस्ने र आफूलाई साथ दिन धेरै युवा तयार रहेको धावा नोर्बु लामाले बताए।
-
अर्थ7 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद7 years agoरंगशालाको अवलोकन
-
मुख्य7 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य7 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य7 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner7 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login