मुख्य
प्रदेश १ मा ८ लाख २१ हजारले गरे स्वास्थ्य बीमा
विराटचाेक : नेपाल सरकारद्वारा संचालित स्वास्थ्य बीमा कार्यक्रमले देशका प्रत्येक नागरिकलाई स्वास्थ्य उपचारमा गुणस्तरीय, सरल र सहज पहँुच पु¥याउने उदेश्यले ल्याएको हो । यो कार्यक्रम योगदान र सामाजिक साझेदारीमा आधारीत छ ।
यसले हाल स्वास्थ्य उपचारमा अनियन्त्रित रुपमा भइहेको व्यक्तिगत तथा पारिवारिक खर्चलाई घटाउने लक्ष्यका साथ पहिलो पटक २०७२ चैत्र २५गते कैलाली जिल्लाबाट सुरु भएको हो । त्यस पछि २०७३ असार १५ मा बाग्लुङ, इलाममा सुरुवात भएसंगै हाल ५७ जिल्लामा सञ्चालित छ । यस कार्यक्रममा हाल सम्म देशका २८ लाख ६६ हजार ८८ जना बिमित भएका छन् ।
जस मध्ये प्रदेश नं. १ अन्तर्गत झापामा ३ लाख ३३ हजार ७६ जना, सुनसरीमा २ लाख १४ हजार ८ सय ६२ , मोरङमा १ लाख ६ हजार ७२, इलाममा ८३ हजार ७ सय ५७, खोटाङमा ३१ हजार ९ सय ७४, भोजपुर २३ हजार ७ सय ४१, संखुवासभामा १३ हजार १ सय ४६, ओखलढुंगामा ८ हजार ५ सय ७२, सोलखम्बुमा ६ हजार १ सय ६६ र तेह्रथुममा ४ सय ७६ गरी जम्मा प्रदेश नं. १ का १० जिल्लाका ८ लाख २१ हजार ८ सय ३६ जना सहभागी भएको स्वास्थ्य बीमा १ नं. प्रदेश संयोजक दुर्गाप्रसाद आचार्यले बताएका छन् ।
प्रदेश नं. १ बाट सरकारी तथा गैरसरकारी गरी ८७ वटा सेवाप्रदायक स्वास्थ्य संस्थाहरु रहेका छन् । जस मध्ये २५ वटा सरकारी अस्पताल, ३७ वटा प्राथमिक स्वास्थ्य केन्द्र, १७ वटा नीजि अस्पताल र ८ वटा आँखा अस्पतालहरु बाट सेवा लिन सकिने संयोजक आचार्यले बताएका छन् ।
यस कार्यक्रममा आबद्ध हुनका लागि प्रत्येक वडामा रहेका दर्ता सहयोगी मार्फत आबद्ध हुन सकिने छ । बिमित हुन चाहने परिवारले आफ्नो घरमूली तथा अन्य सदस्यहरुको नागरिकता वा नेपाल सरकारबाट जारी परिचय पत्र अनिवार्य रुपमा देखाई परिवारका सबै सदस्यहरुको आवश्यक फारम भरी लाभान्वित हुन सकिने छ ।
बीमामा आबद्ध हुन ५ जनासम्मको परिवारले वार्षिक ३ हजार ५सय रुपैया तीर्नुपर्ने छ भने ५ जना भन्दा बढी सदस्य भएको परिवारमा थप प्रति सदस्यको लागि ७ सय थप्नुपर्ने व्यवस्था रहेको छ । ७० वर्ष भन्दा माथिका ज्येष्ठ नागरिक, अति गरिव, पूर्ण असक्त अपाङ्गता भएका व्यक्ति एवम् कुष्ठरोगी, एम.डी.आर, टी.वी र एच.आइ.भि सक्रमिति बिरामी भएका घर परिवारलाई योगदान रकममा पूर्ण छुटको व्यवस्था गरेको छ ।
यस कार्यक्रममा ५ जना सम्मको परिवारले वार्षिक रु. ३ हजार ५सय योगदान रकम तिरेपछी १ लाख सम्मको तोकिएको स्वास्थ्य संस्थाहरुबाट उपचार लिन सकिने छ । ५ जना भन्दा बढी सदस्य भएको परिवारले प्रति थप सदस्य ७ सय तिरे वापत सुविधाको थैलिमा २० हजार वृद्धि हुदै जाने छ र परिवार संख्या अनुसार बढीमा २ लाख सम्मको उपचार खर्च बीमाले बेहोर्ने छ । ७० वर्ष माथिका ज्येष्ठ नागरिकलाई एक जना बराबर एक परिवार एकाई मानी वार्षिक रु. १ लाख सम्मको स्वास्थ्य उपचार सेवा पाउने छन् र जेष्ठ नागरिकको योगदान रकम भने सरकारले नै व्यहोर्ने स्वास्थ्य बीमा नियमावलिमा समेत उल्लेख गरिएको छ ।
स्वास्थ्य बीमा कार्यक्रममा जुनसुकै समयमा सदस्य बन्न सकिने भएता पनि सेवा प्राप्त गर्न तोकिएको समय सम्म कुर्नुपर्ने व्यवस्था रहेको छ । कार्यक्रमको सदस्यता दर्ता चक्र, बैशाख, जष्ेठ र असार भित्र बिमित भएका सदस्यहरुको सेवा क्रियाशील भदौ १ गते, साउन, भदौ र असोजमा बिमित भएका सदस्यहरुको सेवा क्रियाशील मंसिर १ गते, कात्तिक , मंसिर र पौष भित्र बिमित भएका सदस्यहरुको सेवा क्रियाशील फागुुन १ गते र माघ फागुन चैत्र महिनामा बिमित भएका सदस्यहरुको सेवा क्रियाशील जेष्ठ १ गते बाट सेवा पाउन सकिने व्यवस्था रहेको छ । यसको समय १ वर्षको मात्र हुनाले सुविधा लिन हरेक वर्ष अनिवार्य रुपमा नवीकरण गर्नुपर्ने हुन्छ । यस कार्यक्रमको सदस्यता क्रियाशील अवधि कार्यक्रमको सदस्य बनेको मितिबाट नभइ सेवा क्रियाशील भएको मितिबाट १ वर्षको हुने समेत व्यवस्था रहेको संयोजक आचार्यले बताएका छन् । यस कार्यक्रममा आबद्ध हुने बिमित सदस्यहरुले बहिरंग, अन्तरंग आकस्मिक तथा अन्य कक्षहरुबाट प्रदान गरिने बीमा बोर्डले तोकेका उपचार सेवाहरु प्राप्त गर्ने बोर्डले जनाकारी दिएको छ ।
यो पनि पढ्नुहाेस्
तेह्रथुम जिल्लामा स्वास्थ्य बिमा कार्यक्रम सुरु
धनकुटामा स्वास्थ्य बीमा कार्यक्रम शुरु, स्वास्थ्य बीमा ५७ जिल्लामा
Facebook Comment
अमेरिकाले इरानमाथि नयाँ आक्रमण गर्न सक्ने अनुमान बढ्दै जाँदा अर्को अमेरिकी युद्धपोत मध्यपूर्व आइपुगेको छ ।
मिसाइल विनाशक यूएसएस डेलबर्ट डी ब्ल्याक युद्धपोत मध्यपूर्व आइपुगेको जहाज ट्र्याकिङ साइट ’मरीनट्राफिक’ लाई उद्धृत गर्दै बीबीसीले जनाएको छ । अहिले कम्तीमा १० वटा अमेरिकी युद्धपोत मध्यपूर्वमा रहेको विश्वास गरिन्छ ।
अमेरिकी राष्ट्रपति डोनाल्ड ट्रम्पले इरानलाई परमाणु कार्यक्रमबारे तत्काल सम्झौता गर्न चेतावनी दिइरहनुभएको छ । इरानभरि सरकार विरोधी प्रदर्शनमा धेरैको ज्यान गएपछि अमेरिकासँगको तनाव बढेको छ । ट्रम्पले ठूलो नौसेना समूह इरानतिर जाँदैछ भनेपछि आक्रमणको सम्भावना अझ बढेको छ ।
जवाफमा इरानका विदेशमन्त्री अब्बास अराघचीले जमिन वा समुद्रबाट हुने कुनै पनि आक्रमणको तत्काल जवाफ दिन सेना तयार रहेको बताउनुभएको छ ।
यसैबीच साउदी अरेबिया र संयुक्त अरब इमिरेट्स (यूएई) ले इरानमाथि आक्रमण गर्नका लागि आफ्नो भूमि वा आकाश प्रयोग गर्न नदिने बताएका छन् । यसले अमेरिकाको सम्भावित सैन्य योजनामा अवरोध सिर्जना गरेको छ ।
साउदी अरेबियामा अमेरिकाका २ हजार ३ सयभन्दा धेरै सैनिक छन् । त्यस्तै यूएईमा रहेको अल दाफ्रा एअर बेसमा ५ हजार सैनिक बस्छन् ।
साउदीका राजकुमार मोहम्मद बिन सलमानले इरानी राष्ट्रपति मसूद पेजेश्कियनलाई फोन गरेर आफ्नो भूममा रहेका पूर्वाधार आक्रमणका लागि प्रयोग गर्न नदिने बताउनुभएको हो । यस्तै यूएई सरकारले पनि इरानविरुद्ध आफ्नो भूमि र आकाश प्रयोग गर्न नदिने बताइसकेको छ ।
बुधबार नेप्से परिसूचक दोहोरो अंकले घटेर बन्द भएको छ। आज साताको अन्तिम दिन समग्र बजार दोहोरो अंकले घटे पनि हाइड्रोपावर समूहका शेयरमा भने लगानीकर्ताको उत्साह देखिएको छ ।
बिहीबार नेप्से परिसूचक १७.५३ अंकले घटेर २७१४.०५ विन्दुमा पुगेको छ। यस दिन सेन्सेटिभ इण्डेक्स १.५५ अंक घटेको छ भने फ्लोट इण्डेक्स १.२६ अंक र सेन्सेटिभ फ्लोट इण्डेक्स ०.७५ अंक बढेको छ।
नेप्से घटे पनि कारोबार रकम भने बढेको छ। बिहीबार ३२० स्टकको १ लाख ३८ हजार ८८३ पटकको कारोबारमा १४ अर्ब ५६ करोड रुपैयाँबराबरको ३ करोड ५४ लाख ७७ हजार ९३९ कित्ता शेयर खरिदबिक्री भएको छ। गत बुधबार ११ अर्ब ४९ करोड रुपैयाँ बराबरको मात्रै शेयर कारोबार भएको छ।
कुल कारोबारमा जलविद्युत समूहका कम्पनीको कारोबार ८ अर्ब ७९ करोड रुपैयाँ बराबरको कारोबार भएको छ जुन कुल कारोबारमा ५८ प्रतिशत हुन आउँछ । टप गेनरमा हाइड्रोपावर कम्पनी आए पनि नेप्से परिसूचकलाई सकारात्मकतातिर डोर्याउन सकेन ।
कारोबार रकमका आधारमा यस दिन ङादी ग्रुप पावर लिमिटेड शीर्ष स्थानमा रहेको छ। सो कम्पनीको यस दिन ५९ करोड ९९ लाख रुपैयाँबराबरको शेयर किनबेच भएको छ। त्यस्तै, यस दिन एसवाई प्यानल नेपाल लिमिटेडको कारोबार रकम ५२ करोड २९ लाख रुपैयाँ नाघेको छ भने युनाइटेड मोदी हाइड्रोपावरको ४६ करोड ६४ लाख रुपैयाँको शेयर कारोबार भएको छ।
१३ उपसमूहमध्ये यस दिन ३ उपसमूहको परिसूचक बढेको छ भने १० उपसमूहको परिसूचक घटेको छ। यस दिन जलविद्युत उपसमूहको परिसूचक ०.३८ प्रतिशत बढेको छ भने लगानी समूह ०.०८ प्रतिशत र म्युचुएल फन्ड समूहको परिसूचक ०.३६ प्रतिशतले बढेको छ । विकास बैंक समूह सबैभन्दा धेरै २.२३ प्रतिशतले घटेको छ भने उत्पादन तथा प्रशोधन समूह २.१२ प्रतिशत, अन्य समूह १.१२ प्रतिशत, वित्त समूह १.७५ प्रतिशत र होटल तथा पर्यटन समूह १.२९ प्रतिशतले घटेको छ ।
गएको पुस महिनामा गाडी दुर्घटनामा परेर देशभर २ सय ३८ जनाको ज्यान गएको छ । नेपाल प्रहरीले सार्वजनिक गरेको तथ्याङ्कअनुसार पुसमा ४ हजार ५ सय ४९ वटा गाडी दुर्घटना हुँदा २ सय ३८ जनाको ज्यान गएको हो । ज्यान गुमाउनेमा १ सय ९२ जना पुरुष, ३१ जना महिला, १५ जना बालबालिका छन् ।
पुसमा गाडी दुर्घटनामा ६ सय ६३ जना गम्भीर घाइते भएका छन् । यस्तै ३ हजार ३ सय ५३ जना सामान्य घाइते भएका प्रहरीको तथ्याङ्क छ ।
पुस महिनामा सबैभन्दा धेरै २ हजार ३ सय ८२ वटा मोटरसाइकल दुर्घटनामा परेका छन् । यस्तै जीप, कार र माइक्रोबस गरी ७ सय ३६, बस १ सय ८०, टेम्पो २ सय ४७ वटा दुर्घटनामा परेका छन् । २ सय ८८ वटा ट्रक, ट्याङ्कर, टिपर दुर्घटनामा परेको प्रहरीको तथ्याङ्क छ ।
सबैभन्दा धेरै गाडी दुर्घटना दिउँसो १२ बजेदेखि राति १२ बजेसम्म भएका छन् ।
गाडी दुर्घटनाका मुख्य कारणमा तीव्र गति, अनावश्यक ओभरटेक, जाँड–रक्सी खाएर चलाउनु, चालकको असक्षमता, यात्रुले हतारमा बाटो पार गर्दा लगायत ट्राफिक नियम उल्लङ्घन रहेका प्रहरीले जनाएको छ ।
ट्राफिक प्रहरीले पुस महिनामा ८८ हजार ९ सय ६९ जना चालकलाई कारबाही गरेर ८ करोड ४ लाख रुपैयाँभन्दा धेरै राजस्व सङ्कलन गरेको छ ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login