विराटचोकः आफ्नो स्मरणशक्तिका कारण पछिल्लो समय चर्चामा रहेका विजय शाहीले आफूलाई नेपाली सञ्चारकर्मीलगायतले आफूलाई गलत ढंगले बुझेको बताएका छन् । दशैंको टीकाको दिन उनले फेसबुकमा स्टाटस लेख्दै उनले आफूविरुद्ध आरोप लागेका विषयमा आफ्नो धारणा राखेका हुन् ।

यस्तो छ उनले लेखेको फेसबुक स्टाटसः
नमस्कार, म विजय शाही । मलाई विश्वास छ यो स्टाटस सही विचारले पढ्नुहुनेछ र मेरो मर्मलाई अवश्य बुझ्नुहुनेछ ।

यो स्टाटस लेख्नुको कारण यो हो कि मलाई नेपाली जनताले बुझ्न गा¥हो भको कि ? मैले नेपाली जनतालाई बुझ्न गाह्रो भ’को हो ? प्रश्न चिह्न यसमा रहेको छ ।

१. पहिलो नम्बरमा मप्रति लगाउनुभएको आरोप विजय शाहीको टुनामुना हो, जादु मन्तर हो ।

२. दोस्रो नम्बरमा मप्रति लगाउनु भएको आरोप, विजय शाहीको सेटिङ हो ।

३.तेस्रो नम्बरमा मप्रति लगाउनुभएको आरोप रिपोर्टर्स क्लबमा चिटिङ गर्यो फेक हो, र केही नेपाली जनता र युट्युबर पत्रकारहरुले मलाई गलत सोच्नुभयो ।

मलाई आरोप लगाउनुभन्दा एकपटक गहिरिएर सोच्नुपर्ने थियो । अक्सफोर्ड डिक्सनरी १ हजार ८ सय ७० पेजको छ तर त्यहाँ ह्वाइट पेपर मा ३–४ पेज छापेको थियो । हजुरहरु आफैँले गहिरिएर सोच्नुस् त ? के १ हजार ८ सय ७० पेजको, अक्सफोर्ड डिक्सनरी ३ देखि ४ पेजमा अट्छ र ?

अर्को मैले आफैँले रोजेको पेजबाट लेखेको होइन नि अरुले भनेको पेजबाट लेखेको थिएँ । मैले लेख्नुअघि मेरो फोनदेखि सबै चेक गरिएको थियो । चेक गर्ने क्रममा टेबुलमा २–४ पेजमा छापेको पेपर भेटियो र तुरुन्तै नयाँ पेपर ल्याएपछि मलाई उहाँहरुले भनेकै पेज लेखेर देखाएँ । तर बिडम्बना, युट्युबमा धेरैले भिडियोमा डेमोलाई नराखी, कट गरीगरी नराम्रो बनाइहाल्नुभयो । विजय शाही फेक भनेर नानाथरी लेख्नुभयो । सत्यलाई देखाउनुभएन । असत्य बनाएर भिडियो भाइरल गराउनतर्फ लाग्नुभयो । नेपालमा किन हुन दिँदैनन् राम्रो मान्छेहरुलाई ? किन खुट्टा तान्ने, रिस मान्ने मात्र छन् ?

शायद म नेपालमा जन्मेको भएर होला मेरो पहिचान कसैले गर्न सकेन । न राज्य, न पत्रकार, न नेपाली जनता ? अन्य देशमा हुन्थेँ भने मेरो पहिचान अवश्य गरिने थियो होला । म नेपालमा जन्मेर ठूलो भुल गरेँजस्तो लाग्छ ।

अन्तिममा विजयादशमी २०७७ को हार्दिक मंगलमय शुभकामना । कोबिड १९ को यस विषम परिस्थितिमा यस वर्षको महान पर्व मनाउन गैरहेका छौँ । पहिलेको जस्तै सहज अवस्था नभए पनि हामी जोजो जहाँजहाँ छौं त्यसैलाई रमाइलो मानेर हामी सबैले चाडपर्व मनाउने नै छौँ । सजग र सुरक्षित साथ भौतिक दूरी कायम राख्दै, मनोबल उच्च बनाउँदै र उत्साहपूर्वक विजयादशमीको पावन अवसरमा हजुर र हजुरको सम्पूर्ण परिवारजनमा मेरो तर्फबाट हार्दिक मंगलमय शुभकामना व्यक्त गर्दछु । धन्यवाद !

फेसबुक लाइभमा आएर विजय शाहीले भने, ‘मलाई मार्ने धम्की आइरहेको छ’