धरानः साउन २६ गते हुने नेपाली कांग्रेसको सुनसरी जिल्ला अधिवेशनमा दुई आकांक्षीले सभापति पदमा उम्मेदवारी घोषणा गरेका छन् । दुई कार्यकाल जिल्ला सचिव भएका अधिवक्ता केदार भण्डारी र जिल्ला उपसभापति सञ्जय श्रेष्ठले जिल्ला सभापतिका लागि आफ्नो उम्मेद्वारी घोषणा गरेका हुन् ।
धरानमा पूर्व सभापति किशोर राई, अजय राई र वर्तमान सचिव श्याम पोखरेलले उम्मेद्वारी दिने भएका छन् ।
इटहरी नगरसभापतिमा हालकै सभापति हेमकर्ण पौडेल र विद्यार्थी राजनीतिबाट आएका विकास केसी सभापतिका आकांक्षी छन् । वर्तमान नगरसचिव प्रकाश बस्नेत, उपसभापति शिव दाहाल र कोविदजंग कार्कीले पनि उम्मेद्वारी दिने भएका छन् ।
इनरुवा नगर सभापतिमा हालका सभापति तथा इनरुवा नगरपालिकाका मेयर राजन मेहेता पुनः सभापतिको तयारी गरिरहेका छन् । उनीबाहेक अन्यले सभापतिमा अहिलेसम्म दाबी गरेका छैनन् ।
रामधुनीमा वर्तमान सभापति सुदीप अधिकारी पुनः सभापतिमा उठ्ने भएका छन । सगेन चौधरी र हालका नगर सचिव दिलबहादुर राईले पनि उम्मेद्वारी दिने बताइएको छ ।
दुहबीमा गिरधारीप्रसाद साह हलुवाई, हालका नगरभापति गुलाबी मियाँ तथा रमेश चौधरी, सन्तोष रौनियार र रमेश रौनियारले उम्मेद्वारी दिने भएका छन् ।
वराहक्षेत्र नगर सभापतिमा रमेश काफ्ले, रमेश कार्की, नारायण नेपाल, रत्नबहादुर राउत, नवराज बस्नेत र जगतबहादुर कार्की सभापतिको लागि आकांक्षीको रुपमा रहेका छन् ।
सुनसरी जिल्लामा २८ हजार क्रियाशील सदस्य रहेका छन् । हिजो क्रियाशील सदस्यताको अन्तिम नामावली आइसकेको छ ।
Pingback: नेपाली कांग्रेसको महाधिवेशनअन्तर्गत धरानमा किशोर राई नेतृत्वको प्यानलको उम्मेदवारी घोषणा - नि