विश्वबजार नै अहिले डिजिटल बाटोमा हिँडिरहेको छ । कोडिङ भनेको पनि डिजिटलाइजेसन नै हो । यसले हाम्रो दैनिक जिवनमा सहज तथा नतिजामुलक बनाएको छ । कम्प्यूटरमा प्रोग्रामिङ ल्याङ्वेजको विशेष महत्व हुन्छ । प्रोग्रामिङ भनेको अंकहरुको भाषा हो जसलाई नै हामी कोड भन्छौँ । यहि कोडले हामीलाई इन्स्ट्रक्सन लेख्न सिकाउँछ । जुन कोडलाई कम्प्यूटरले बुझेर काम गर्न सक्छ । साधरण भाषामा बुझ्दा मानौं तपाइ एउटा वेवपेजमा विभिन्न फोटो तथा कन्टेन्ट देख्नुभएको छ त्यो विभिन्न कोडहरु मिलेको हुन्छ । अथवा कुनै सफ्टवेयर पनि कोडहरु मिलेर बनेको हुन्छ । पहिलाको समयमा कोडिङ सिक्न ज्यादै जटिल हुन्थ्यो । तर आजभोली हाइलेबल ल्याङ्वेजको कारण सहज हुँदै आएको छ । आजभोली कोडिङका कक्षाहरु विद्यालय तथा ट्युसन सेन्टरहरुमा पनि पढाउन थालेका छन् ।

ओपन सोर्स प्लेटफर्ममा पनि यो उपलब्ध हुँदै आएको छ । आजको समयमा त जाभास्क्रिप्ट जस्ता कोडिङहरु बच्चाहरुले पनि सजिलै सिक्न सक्ने भएका छन् । कोडिङ एउटा एकदम नयाँ तथा फरक खालको भाषा हो। जुन कम्प्युटरले मात्र बुझ्छ । यो सिक्न एकदमै रमाइलो पनि हुन्छ । वयस्कहरुले भन्दा केटाकेटीहरुले नयाँ भाषा छिटो सिक्न सक्छन् । तसर्थ बालबालिकाहरुलाई कोडिङ सिकाउन उपयुक्त पनि हुन्छ । सुरुमा हामी कोडिङ सिक्न हौसिन्छौं अनि अलि पछि गएर अल्छि मान्दै जान्छौं । कोडिङमा सानो गल्तिले पनि रिजल्टमा निकै ठूलो असर पुर्याएको हुन्छ । पढेर मात्र भन्दा पनि अभ्यास गरेर नै कोडिङ सिक्नुपर्छ । जस्तै लुपहरु कन्डिसनल फङ्सन, क्लास, फाइल ह्यान्ड्लिङबारे पढ्दा सजिलै जस्तो लाग्छ तर कम्प्यूटरमा वास्तविक प्रोग्रामिङ नमिल्न सक्छ ।

बाइनरी ल्याङ्वेजमा जिरी र वान को मात्र प्रयोग हुन्छ । यही नम्बरहरुले कुनै पनि शब्द वा कमाण्डको काम गर्छ । युरोपियन देशहरुमा ५ वर्ष देखि १६ वर्ष उमेरका बालबालिकाहरुलाई त पाठ्यक्रममा नै कोडिङ राखिएको हुन्छ । कोडिङले बालबालिकलाई खाली कम्प्यूटरको ज्ञान मात्र नभएर अरु सिर्जनात्मक कार्यहरुमा पनि सहयोग पुर्याउँछ । किनकी कोडिङमा लजिक लगाएर काम गरेको हुन्छ । कोडिङले तार्किक सोचाइको विकास गर्छ । र जुनसुकै किसिमको समस्या पनि समाधान गर्न केन्द्रित गर्छ । कोडिङ पनि एउटा हिसाब जस्तै हो ।

रट्ने शिक्षण पद्बती धेरै पुरानो अनि असान्दर्भिक पद्बती हो जसले बालबालिकालाई सिर्जनशिलतालाई मेटाउने काम गर्छ । बालबालिकाले कोडिङ विभिन्न तरिकाले सिक्न सक्छन् । विभिन्न युट्युवका च्यानलहरु, अनलाइन वेवसाइट, बुट क्याप्प, कोडिङ ग्रुप आदीबाट बालबालिकाले मज्जाले कोडिङ सिक्न सक्छन् । अब कोडिङ भनेको कम्प्यूटर साइन्सको मात्र विषय होइन, सबै किसिमको पेशा तथा व्यवसायमा आवश्यकता भएकाले बालबालिकालाई सानै उमेरदेखि कोडिङ सिकाउनुपर्छ ।