Connect with us
Advertisement
Advertisement

कक्षा ५ सम्म स्थानीय पाठ्यक्रम लागू गरिने, यस्तो छ सुन्दरहरैंचाले ल्याएको शिक्षासम्बन्धी नीति

Published

on

विराटचोकः सुन्दरहरैंचा नगरपालिकाले चालु आर्थिक वर्षको लागि आज नीति तथा कार्यक्रम सार्वजनिक गरेको छ । ५ वटा मूलभूत नीति अघि सारिएको कार्यक्रमको पहिलो नीति स्थानीय सामाजिक विकाससम्बन्धी नीति छ । त्यसअन्तर्गत पहिलो नीति शिक्षा नीति लिइएको छ । शिक्षानीति अन्तर्गत २५ वटा कार्यक्रम अघि सारिएको छ ।

यी हुन् सुन्दरहरैंचाले अघि सारेका शिक्षासम्बन्धी कार्यक्रमः
१. आधारभूत विद्यालयलाई मुख्य प्राथमिकतामा राखेर प्रत्येक आर्थिक वर्षमा कम्तीमा २ ओटा आधारभूत सामुदायिक विद्यालयलाई नमुना आधारभूत विद्यालयको रूपमा विकास गर्दै ५ वर्षभित्रमा सबै वडामा कम्तीमा एक नमुना आधारभूत विद्यालय निर्माण गरिने,

२. शिक्षासम्बन्धी कानुननिर्माण गरी नगरभित्रका शैक्षिक कार्यक्रमलाई व्यवस्थित गरिने,

३. नगर शिक्षा समितिको गठन गरी शैक्षिक सुधारका लागि व्यवस्थापन समितिलगायत समग्र शिक्षा प्रणाली सुधारका लागि आवश्यक निर्णय लिइने,

४. विद्यालयको चल अचल सम्पत्तिको एकीकृत लगत सङ्कलन गरी अभिलेखीकरण गरिने,

५. सार्वजनिक विद्यालयहरूको क्षमता विकास गरी सार्वजनिक विद्यालयप्रति विद्यार्थीको आकर्षणलाई बढाइने,

६. सामुदायिक शिक्षालाई प्रविधिमैत्री, गुणस्तरीय, सीपमूलक र जीवनोपयोगी बनाइने, विद्यालय जाने उमेरका सबै बालबालिकालाई प्रारम्भिक बाल विकास तथा आधारभूत तथा माध्यमिक शिक्षामा सहज पहुँच पु¥याइने तथा नगरभित्र सञ्चालित बालविकास केन्द्रको स्तरउन्नति गरिने

७. आधारभूत तथा माध्यमिक विद्यालयको शिक्षालाई थप गुणस्तरीय, प्रविधिमैत्री र जीवनोपयोगी बनाउन नगरभित्रका सेवानिवृत्त शिक्षक तथा कर्मचारीहरूको विषयगत अभिलेख तयार गरी उनीहरूलाई नगरको शिक्षा क्षेत्रको विकासका लागि विज्ञका रूपमा उपयोग गर्ने,

८. विद्यालयहरूको पर्याप्त कोठा पुस्तकालय र विज्ञान तथा कम्प्युटर प्रयोगशाला, विद्यार्थी अनुपातमा शिक्षकको व्यवस्था, तालिमप्राप्त शिक्षकमार्फत् अध्यापन गराइने,

९. बालबालिकामैत्री शौचालयको व्यवस्था, सेनिटरी प्याडको नियमित र भरपर्दो वितरण, बालिका छात्रवृत्तिको व्यवस्था, विद्यार्थीका लागि पोशाक, दिवा खाजा, पाठ्यसामग्री जस्ता प्रोत्साहन कार्यक्रम सञ्चालन गरिने,

१०. नगरक्षेत्रका नागरिकहरूलाई साक्षर बनाई पूर्ण साक्षर नगर बनाउन प्रौढ शिक्षा कार्यक्रम र साक्षरोत्तर कार्यक्रम सञ्चालन गरिने,

११. सामुदायिक विद्यालयमा अध्ययनरत उत्पीडित असाहय, सीमान्तीकृत तथा आर्थिक अवस्था कमजोर भएका अल्पसङ्ख्यक तथा जेहन्दार विद्यार्थीहरूलाई छात्रवृत्तिको व्यवस्था गरिने,

१२. नगरभित्रका सबै सामुदायिक तथा संस्थागत विद्यालयहरूमा आगामी शैक्षिक सत्रदेखि कक्षा ५ सम्म स्थानीय पाठ्यक्रम लागू गरिने,

१३. पूर्वको पहिचानको रूपमा रहेको सुकुना बहुमुखी क्याम्पसलाई विकास र विस्तार गरी अनुसन्धान केन्द्रको रूपमा विकास गरिने,

१४. सबै सामुदायिक विद्यालयहरूमा आवधिक रूपमा विद्यार्थीहरूको स्वास्थ्य परीक्षण, खानेपानी विद्युत् तथा इन्टरनेटको सुनिश्चितता गरी शिक्षक कर्मचारीको इ हाजिरी लागू गरिने,

१५. सामुदायिक विद्यालयहरूमा अनिवार्य रूपमा स्काउट कक्षा सञ्चालन यसै आर्थिक वर्षबाट चार ओटा सामुदायिक विद्यालयका स्काउटमा आबद्ध विद्यार्थीहरूलाई पोशाक उपलब्ध गराइने,

१६. संस्थागत विद्यालयहरूको वर्गीकरण गरी व्यावहारिक तथा वैज्ञानिक शुल्क प्रणाली लागू गर्ने तथा नियमन र व्यवस्थापन गर्न सरोकारवाला पक्षहरूसँग आवश्यक समन्वय र सहकार्य गर्ने,

१७. संस्थागत विद्यालय तथा सामुदायिक विद्यालयमा कार्यरत निजी स्रोत तर्फका शिक्षक र कर्मचारीहरूलाई श्रम ऐनमा व्यवस्था भए बमोजिमको न्यूनतम पारिश्रमिक र सामाजिक सुरक्षा कोषमा आबद्धताका लागि पहल गरिने,

१८. नगरभित्रका सामुदायिक तथा संस्थागत विद्यालयहरूका विद्यार्थीहरूको प्रतिभा पहिचान तथा प्रस्फुटनका निमित्त वार्षिक रूपमा अतिरिक्त क्रियाकलापहरू समेट्ने गरी सुन्दरहरैँचा खेल मेला ( सुन्दरहरैँचा स्पोर्ट्स मिट) सञ्चालन गरिने,

१९. नगरभित्र रहेका सबै सामुदायिक तथा संस्थागत विद्यालयहरूमा इएमआइएस लागू गरी शैक्षिक तथ्याङ्कलाई सुदृढ तथा प्रभावकारी बनाइने,

२०. पूर्वाञ्चल विश्वविद्यालय गोठगाउँमा मेडिकल कलेज र ३ सय बेडको अस्पताल सञ्चालन गर्न पहल गर्ने,

२१. वृन्दावन गौशाला तथा शेषनारायण दिव्य धामका साथै धार्मिक, भाषिक, सांस्कृतिक तथा जातीय पहिचान बोकेका नगरभित्रका सबै गुरुकुल, गुम्बा तथा मदरसामा उपयुक्त शिक्षा सञ्चालन गर्न पहल गर्ने,

२२. सामुदायिक तथा संस्थागत विद्यालयमा अध्ययनरत सम्पूर्ण विद्यार्थी, शिक्षक तथा कर्मचारीहरूलाई कोभिड –१९ विरुद्धको खोप अभियान सञ्चालन गरी पूर्ण खोपयुक्त विद्यालय निर्माण गर्ने नीति लिइने,

२३. प्राविधिक जनशक्ति उत्पादनका लागि सङ्ख्या र प्रकृतिको अध्ययन गरेर नगरपालिकाले आवश्यक छात्रवृत्तिमार्फत जनशक्ति उत्पादन गरी नगर क्षेत्रभित्र सेवामा लगाउने,

२४. प्रणामी मन्दिर सुन्दरहरैँचा –९ मा सञ्चालित अनाथालयमा रहेका बालबालिकाहरूका लागि शिक्षा तथा पोषणका लागि सहयोग गर्ने,

२५. विभिन्न विद्यायल, विश्वविद्यालय, प्रतिष्ठान तथा शैक्षिक केन्द्रहरूमा स्थानीय छात्रवृत्ति कोटा थपका लागि आवश्यक व्यवस्था मिलाउने ।

सुन्दरहरैंचा नगरपालिकाको नीति तथा कार्यक्रम सार्वजनिक, ५ वटा मूलभूत नीतिका आधारमा बजेट ल्याइने

Continue Reading

Facebook Comment

Advertisement
Click to comment

You must be logged in to post a comment Login

Leave a Reply

Banner

अविरल वर्षाको असरः विराटनगरका विद्यालयमा ३ दिन बिदा

Published

on

विराटनगरः सोमबार रातिदेखि परेको अविरल वर्षाका कारण देशभरको जनजीवन अस्तव्यस्त भएको छ । यसै क्रममा बाढीबाट विस्थापित विराटनगरवासीलाई विराटनगरका विद्यालयमा आश्रय दिइएको छ । सोही कारण विराटनगरका विद्यालय तीन दिन बन्द गर्ने महानगरपालिकाले निर्णय गरेको छ ।

विराटनगर महानगरपालिकाका प्रमुख नागेश कोइरालाले विस्थापितहरुलाई राख्ने ठाउँको अभाव भएको कारण आकस्मिक बैठक बसेर विद्यालयमा राख्ने निर्णय गर्नुका साथै ३ दिन विद्यालय बिदा गर्ने निर्णय गरेको हो । महानगर प्रमुख नागेश कोइरालाको अध्यक्षतामा मंगलबार साँझ बसेको बैठकले अविरल वर्षाका कारण बाढी र डुबानको जोखिम बढ्दै गएकाले असार १५ देखि १७ गतेसम्म सामुदायिक र निजी विद्यालय बन्द गर्ने निर्णय गरेको हो ।

प्रमुख कोइराला, उपप्रमुख शिल्पा निराला कार्की, प्रमुख प्रशासकीय अधिकृत उमेश बस्नेतसहित १९ वटै वडाका वडाध्यक्षहरूको उपस्थितिमा बसेको बैठकले बर्खे बिदाबाट कटौती गर्ने गरी तीन दिन विद्यालयहरू बन्द गर्ने निर्णय गरिएको हो ।

सोही बैठकले अविरल वर्षाका कारण महानगरका विभिन्न क्षेत्रहरू डुबानमा परेको र डुबानको प्रकोप अझ बढ्ने सम्भावना रहेकाले आमनागरिकको सुरक्षाका लागि सामुदायिक, संस्थागत र परम्परागत विद्यालयहरूसहित सामुदायिक भवनहरूलाई आवासका लागि व्यवस्थापन गर्ने निर्णय गरेको छ ।

Continue Reading

Banner

असार २० गतेदेखि बीपी प्रतिष्ठानमा स्वास्थ्य बीमामार्फतको सेवा बन्द हुने

Published

on

विराटचोकः स्वास्थ्य बीमाबापत पाउनुपर्ने रकम बीपी कोइराला स्वास्थ्य विज्ञान प्रतिष्ठानले असार २० गतेदेखि स्वास्थ्य बीमाअन्तर्गतको स्वास्थ्य सेवा बन्द गर्ने भएको छ । प्रतिष्ठानका उपकुलपति ज्ञानेन्द्र गिरीले सोमबार प्रेस विज्ञप्ती जारी गर्दै सो जानकारी गराएका हुन् ।

स्वास्थ्य बीमा बोर्डबाट हुनुपर्ने भुक्तानी नियमित हुन नसक्दा आफू आर्थिक संकटको अवस्थाबाट गुज्रिरहेको प्रतिष्ठानले उल्लेख गरेको छ । साथै बोर्डले प्रतिष्ठानले गरेका दाबीहरुलाई एकतर्फी रुपमा विविध शर्तहरु तेस्र्याएर कम भ्यालुएसन गर्ने, रिजेक्ट गर्ने लगायत गतिविधि गर्न थालेको समेत उल्लेख गरेको छ ।

आम्दानीको ७० प्रतिशत हिस्सा स्वास्थ्य बीमाबापतको रकम भएको उल्लेख गर्दै प्रतिष्ठानले मुख्य हिस्सा भएको आम्दानी नपाउँदा समस्या भएको जनाएको छ । जसका कारण प्रतिष्ठानमा कार्यरत चिकित्सक, स्वास्थ्यकर्मी तथा अन्य कर्मचारीहरुको नियमित तलबभत्ता लगायत दैनिक प्रशासनिक खर्च सञ्चालनमा समेत प्रतिकुल प्रभाव पारेको विज्ञप्तिमा उल्लेख छ ।

आफूले पाउनुपर्ने बाँकी सबै रकम भुक्तान गरी अहिले उठाइएको समस्या समाधान नभएसम्मका लागि बीमाअन्तर्गतका आकस्मिक, बहिरङ्ग र अन्तरङ्ग सेवा बन्द गर्ने प्रतिष्ठानले जनाएको छ ।

Continue Reading

Banner

जोखिममा सुन्दरहरैँचाका विपन्न महिलाहरु

Published

on

४० वसन्त पार गरेकी सुन्दरहरैँचा वडा नं ५ को विपन्न मुसहर समुदाय निवासी रमावती मुसहर (परिवर्तित नाम) ले पाठेघरमा लागेको रोगले संसारबाट बिदा लिनुपर्ला भन्ने सोचेकै थिइनन् । तर त्यस्तै भयो, २०७६ सालमा पाठेघरमा समस्याले उनको प्राण लियो । त्यही साल नै अर्की २ दशक पनि पार नगरेकी अनिता ऋषिदेव (परिवर्तित नाम) गर्भवती भएकी थिइन् । दुःखको कुरा न बच्चालाई बचाउन सकियो न आमालाई नै बचाउन सकियो । सुत्केरी भएपछि शरीर सुन्निने, पेट सुन्निने समस्या भएको थियो । आर्थिक अभाव भएका कारण उनको समयमै राम्रो उपचार हुन सकेन र १ महिना पश्चात आमाको पनि मृत्यु भयो ।

यो घटना पश्चात सो समुदायमका महिलाहरुसँग यस विषयमा छलफल भयो । अन्य महिलालाई पनि यो समस्या छ कि भनी कुरा गर्दा एक पछि अर्को महिलाले आआफ्नो समस्या सुनाउँदै गए । धेरैमा भइरहेको समस्या सुने पश्चात् स्थानीय स्वास्थ्य चौकीमा परामर्श गर्दा नेपालमा धेरै महिलाहरुमा प्रजनन् स्वास्थ्य समस्या भएका कारण ज्यान गुमाउनु परेको पाइयो । यी रोगहरु सामान्य संक्रमणको रुपमा मात्र सीमित नरही क्यान्सरजस्तो प्राणघातक रोगमा परिणत पनि हुने गर्दछ, भन्ने जानकारी प्राप्त भयो ।

नेपालमा स्तन क्यान्सर पश्चात् पाठेघरको समस्याले महिलाहरुको मृत्यु हुने गरेको विभिन्न समाचार माध्यममार्फत् सूचना प्रवाह भइरहँदा पनि यसबारे अधिकांश मानिसहरुलाई थाहै छैन । अझ विपन्न समुदायका महिलाहरुमा स्वस्थ्य उपचार गर्न गराउन आर्थिक अभाव, सचेतनाको अभाव साथै धामी झाँक्रीलाई पहिले देखाउन जाने जस्ता अन्धविश्वास रहेको पाइन्छ । यसकारण धेरै महिलाहरुमा यौन रोग तथा पाठेघरको समस्या रहन सक्ने अनुमान रहेको जानकारी पाएपछि लुमन्ती (सुन्दरहरैँचा नगरपालिकामा कार्यरत गैरसरकारी संस्था) ले स्वास्थ चौकी तथा परिवार नियोजन संघ विराटनगरको सहकार्यमा ५ स्थानमा पाठेघरको मुखको क्यान्सर परीक्षण शिविर राख्यो ।

घटना घटेकै स्थानमा लुमन्ती र वडा नं. ५ स्वास्थ्य चौकीको सहकार्यमा पहिलो चरणको शिविर समुदायमै राखियो । स्वास्थ्य चौकीमा परिक्षण सामग्री पर्याप्त व्यवस्था नभएका कारण जम्मा १७ जना लाई मात्र परीक्षण गर्न सकियो । जाँचको परिणामले ३ जनाको मात्र पाठेघर अवस्था राम्रो देखियो । बाँकी १४ जना मध्ये ११ जनामा यौनाङ्ग तथा पाठेघरमा संक्रमण देखियो र ३ जनामा पाठेघर झरेको देखियो । त्यसपछि सुन्दरहरैँचा नगरपालिकाका १२ वडाका २१ विपन्न समुदायहरुलाई लक्षित गरी ४ चरणको परिक्षण शिविरको आयोजना गरिएको थियो । जसमा परिवार नियोजन संघ विराटनगरले प्राविधिक सहकार्य गरेको थियो । ५ चरणको स्वास्थ्य परीक्षणको परिणामले २ सय १७ जना मध्ये ६४ प्रतिशतमा यौन रोग सम्बन्धी संक्रमण देखियो । ३ प्रतिशतको पाठेघर झरेको र ३१ प्रतिशतको अवस्था समान्य रहेको देखियो भने २ प्रतिशत महिलाहरु परीक्षण गर्नै डराएर परीक्षण गराएनन् । शिविरका दौरानमा स्वास्थ्यकर्मीले ‌औषधी प्रयोग गर्न दिएको सुझाव अनुसार कतिले औषधी प्रयोग गरे, गरेनन् भनी बुझ्दा धेरैले प्रयोग नगरेको भेटियो । यसका कारण आर्थिक अभाव भएकैले महिलाहरु रोगबारे जानकारी पाउँदापाउँदै पनि उपचार नगरेको र औषधी नखाएको पाईयो । केही महिलाहरु रोगबारे जानकार हुँदाहुदै पनि उपचारका लागि नगएको भेटियो ।

शिविरमा पाठेघर परीक्षण गरेकी वडा नं ९ की एक महिला सानै उमेरमा ३ जना छोरीकी आमा भइसकेकी थिइन् । शिविरको परीक्षणले उनलाई पाठेघरको समस्या गम्भीर रहेको देखाएको छ । यस्तो अवस्थामा पुनः अर्को बच्चा जन्माउन जोखिमपूर्ण छ उनलाई । जोखिमको डरभन्दा छोरा जन्माउनु पर्ने कर छ, उनलाई । विदेशबाट श्रीमान्ले पठाएको रकम जोहो गरेर ५० हजार जम्मा गरिसकेकी छिन् । उनी भन्छिन्, ‘यो रकम फेरि पनि छोरी बसेछ भने अप्रेसन गरेर फाल्नका लागि राखेकी हुँ ।’ पैसा हुदाँहुदै पनि उनले ‍औषधी किनेर खाएकी भने थिइनन् । समाजमा स्थापित पित्तृसत्तात्मक मान्यताका कारण परिवार र समाजको दबाबका कारण उनलाई जसरी भए पनि छोरा जन्माउनु छ । तर आफ्नै जीवन जोखिममा परिरहँदा पनि उनलाई औषधी खान भने कुनै चासो छैन ।

शिविरमा परीक्षणमा सहभागी सिनियर अनमी सन्जु शिवाकोटी भन्छिन्, ‘महिलाहरु लाजका कारण आफ्ना रोग लुकाउँछन् । थाहा भै भइहाले पनि सक्दो लुकाउँछन्, जबसम्म रोगले शरिरलाई गलाउदैन । यसको परिणाम धेरै महिलाहरुको मृत्यु भएको पाइन्छ ।’

राम्रो कुरा यस शिविरमा महिलाहरुमा पाठेघरको मुखको क्यान्सर भएको भेटिएन तर अधिकांश संक्रमित भेटिए । परिवार नियोजन संघ विराटनगर शाखाका प्रमुख शंकर दाहाल भन्छन्, ‘महिलाहरुले व्यक्तिगत सरसफाइमा ध्यान नदिनु, रजस्वला हुदाँका बखत अपनाउनुपर्ने सरसफाइप्रति ध्यान नदिनु तथा अपरिपक्व शारीरिक अवस्थामै विवाह गर्नु र बच्चा जन्माउनुका कारण पनि यस्ता रोगको संकम्रमण बढेको हो । यस्ता संक्रमणको लामो समयसम्म उपचार नभएमा एचआईभी तथा पाठेघरको क्यान्सरको जोखिम सक्छ ।’

खुला र सामान्य रुपमा चर्चा नहुने यस्ता यौन रोगहरु चाहे महिला हुन् वा चाहे पुरुष दुवैले लुकाउने गरेको पाइन्छ । नेपाली समाजमा यी विषयमा छलफल लाजको दायराभित्र पर्दै आएको छ । यसका विषयमा छलफल गर्ने मानिसलाई ‘छाडा’ को संज्ञा दिने गरिएको छ । अझ महिलाहरुलाई यस विषयमा छलफल गर्नु भनेको निकै हिम्मतको विषय हुन्छ । यस्ता समस्याबारे छलफल गर्न वा कसैलाई सुचित गर्नु पर्यो भने, त्यो कुरा भनेपछि आउने प्रतिक्रियाका कारण मानशसक तनावको सामना गर्न पनि तयार बन्नुपर्ने हुन्छ । त्यसैले पनि धेरै महिलाहरु यस विषयमा कुरै गर्न चाहँदैनन् ।

करीब ५० विपन्न समुदायहरु भएको सुन्दरहरैँचाका २२ समुदायका थोरै जनसंख्या २ सय १७ महिलाहरु मात्रमा गरिएको भीआईए परीक्षणमा पनि ६७ प्रतिशतमा संक्रमण भेटिएको छ । यो आफैँमा गम्भीर समस्या हो । स्थानीय तहले शिविर राख्ने तथा जनचेतानामूलक कार्यक्रमका लागि योजना तथा बजेट विनियोजन गर्नु मात्र पनि प्रभावकारी नबन्न सक्छ जबसम्म सघन तवरमा कार्यक्रम कार्यान्वयन गर्न सकिँदैन ।

(लेखक सुन्दरहरैंचा नगरपालिकामा विगत ५ वर्षदेखि लुमन्ती संस्थासँग आबद्ध भई काम गर्दै आएकी छिन् ।)

Continue Reading
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement
Advertisement

Trending

सम्पर्क

विराट मिडिया एण्ड एड्भरटाइजिङ प्रालिद्वारा सञ्चालित
निष्पक्ष खबर डट कम

सुन्दरहरैँचा, मोरङ

सूचना विभाग दर्ता नं. १६४२ ०७६।७७

प्रेस काउन्सिल दर्ता नं. ३४३ ०७६।०७७
कम्पनी दर्ता नं. २२७६३९।०७६।०७७
स्थायी लेखा नं. ६०९६५३९४६

सम्पर्क

९८५११३३२९९, ९८४२१९२४१२, ९८०४०५३७९९

ई–मेल

[email protected]
हाम्रो टिम
अध्यक्ष टेकराज तिम्सिना
प्रधान सम्पादक खेमचन्द्र अधिकारी
सम्पादक ज्ञाननाथ ढकाल
प्रबन्धकः नवराज पोख्रेल
व्यवस्थापकः कृष्णचन्द्र सुवेदी
हाम्रो फेसबुक