प्रतिनिधि सभा निर्वाचन २०७९
स्वतन्त्र उम्मेद्वार गणेश पोखरेलले सार्वजनिक गरे चुनावी प्रतिबद्धता, ठूला दलका उम्मेद्वारलाई यसरी लगाए आरोप
विराटचोकः प्रदेश नम्बर १ मा सबैभन्दा धेरै उम्मेद्वार भएको क्षेत्र हो मोरङको क्षेत्र नम्बर ३ । यस क्षेत्रबाट प्रतिनिधि सभाका लागि ३१ जना उम्मेद्वार छन् । तीमध्ये १९ जना स्वतन्त्र उम्मेद्वार छन् । पूर्व स्वास्थ्यमन्त्री भानुभक्त ढकाल, मेडिकल कलेज सञ्चालक सुनिल शर्मा र चर्चित अभिनेतृ रेखा थापा पनि यही क्षेत्रबाट चुनाव लडिरहेकाले यस क्षेत्रलाई निकै महत्वका साथ हेरिएको छ ।
यसै क्षेत्रबाट स्वतन्त्र उम्मेद्वारी दिनेमध्येका गणेश पोखरेलले बिहीबार सुन्दरहरैंचाको विराटचोकमा पत्रकार भेटघाट कार्यक्रम आयोजना गरी आफ्ना प्रतिबद्धता व्यक्त गरेका छन् । सो क्रममा उनले मुख्य तीन दलका उम्मेद्वारलाई किन भोट दिन नहुने भनेर आफ्नो तर्क पनि प्रस्तुत गरेका थिए ।
डा. शर्माले स्वास्थ्य शिविरको नाममा मतदाता ढाँटे
नेपाली कांग्रेसका उम्मेद्वार सुनिल शर्माले स्वास्थ्य शिविरको नाममा भोट बटुल्ने काम गरेको र जनता त्यसमा झुक्किइरहेको बताए । मेडिकल कलेज सञ्चालनको लागि अनुमति लिँदा नै विपन्न वर्गलाई निःशुल्क उपचार गर्छु भनी प्रतिबद्धता गरेअनुरुप नै उनले निःशुल्क स्वास्थ्य शिविर चलाएका हुनाले त्यसलाई भोट माग्ने विषय बनाउन नहुने उनको भनाइ थियो । त्यसरी निःशुल्क शिविर सञ्चालन गरेबापत आईएनजीओबाट उनले अथाह रकम लिइरहेको उनले आरोप लगाए ।
शर्माले साँच्चै विपन्नलाई निःशुल्क उपचार गर्ने भए मोरङको क्षेत्र नम्बर ३ बाहेकका बिरामीलाई निःशुल्क उपचार गरेर देखाउन पोखरेलले शर्मालाई चुनौती दिए ।
चुनाव जितेर गएमा शर्मा स्वास्थ्य मन्त्री बन्ने र त्यसपछि उनले निजी मेडिकल कलेजको पक्षमा वकालत गर्न थाल्ने र त्यसरी नै नीति बनाउने हुनाले सरकारी अस्पतालको दुर्दशा हुने उनले औँल्याए । गरीब जनताको हितमा शर्माले काम गर्ने वाचा गरेमा आफूले आफ्नो उम्मेद्वारी फिर्ता लिएर शर्मालाई जिताउन लागिपर्ने उनले जनाए ।
ढकाललाई यस क्षेत्रको माया नै छैन
नेकपा एमालेबाट उम्मेद्वार बनेका पूर्व स्वास्थ्यमन्त्री भानुभक्त ढकाललाई यस क्षेत्रको माया नै नभएको पोखरेलले आरोप लगाए । ‘उहाँको यहाँ न कुनै साथीभाइ छन् न उहाँ यहाँको बासिन्दा, न उहाँले यहाँको कलेज पढ्नुभएको, न यहाँको भूगोल उहाँले चिन्नुभएको छ,’ पोखरेलले भने, ‘न हिजो जितेर गएपछि यहाँका जनताले देखिने गरी कुनै काम गर्नुभयो ।’
स्वास्थ्यमन्त्री हुँदा उनले १ अर्ब २४ करोड रुपैयाँ अनियमितता गरेको भनी महालेखाले उनलाई आरोप लगायो । त्यसमा क्लिन चिट नपाइकन ढकाल उम्मेद्वार भएकाले उनलाई मत दिएर लज्जित नहुन उनले अनुरोध गरे । ढकालले इमान्दारितापूर्वक काम नगर्नले नै यस पटक मोरङको क्षेत्र नम्बर ३ मा धेरै जनाले स्वतन्त्र उम्मेद्वारी दिएको उनको भनाइ थियो ।
सिने क्षेत्रमा सफल भए पनि राजनीतिका लागि अनुपयुक्त पात्र थापा
राष्ट्रिय प्रजातन्त्र पार्टीबाट उम्मेद्वार भएकी रेखा थापाको जन्म यहाँ भए पनि र बाल्यकाल यतै बिते पनि त्यसपछि उनी यहाँको लागि पराइ भएको पोखरेलले आरोप लगाए । सिने क्षेत्रमा सफल भएपछि गृहनगर नटेक्ने थापाले यहाँको भूगोल नै नचिनेको हुनाले राजनीतिमा सफल नहुने उनले बताए ।
हालसम्म जितेर जाने नेताहरुले नातावाद र कृपावादलाई प्रश्रय दिँदा जनमतको कदर हुन नसकेको तथा मतदाताका आकाङ्क्षा पूरा हुन नसकेको उनको भनाइ थियो । जताततै भ्रष्टाचार व्याप्त भएको, लुटतन्त्र मच्चाइरहेको देखेपछि आफूले उम्मेद्वारी दिएको उनले जनाएका छन् ।
पोखरेलका प्रतिबद्धता
सामुदायिक विद्यालयहरुको पठनपाठनलाई चुस्त बनाउन र सडकको दुरावस्थाको अन्त्य गरी अन्तर्राष्ट्रिय मापदण्डको बनाउन लागिपर्ने उनले उद्घोष गरेका छन् ।
एमसीसी बाहेकका सबै सन्धि सम्झौता गोप्य रुपमा हुने गरेकोमा त्यसको अन्त्य गराउन र दुव्र्यसनी रोक्न आफूले उम्मेद्वारी दिएको उनको भनाइ छ । युवालाई प्रविधिमा दक्ष बनाउन र आफ्नै क्षेत्रमा घरेलु उद्योग सञ्चालन गरी रोजगारी दिलाउन आफूले पहल गर्ने उनले प्रतिबद्धता पत्रमा उल्लेख गरेका छन् ।
सिँचाइ, तटबन्ध र खानेपानीको समस्या हल गर्न, एक घर एक टनेलको व्यवस्था गरी तरकारी उत्पादन गर्न, सामुदायिक वनमा हुने राजनीतिको अन्त्य गर्न आफू सधैँ प्रतिबद्ध हुने उनले जनाएका छन् ।
Facebook Comment
प्रतिनिधिसभा चुनावको प्रत्यक्षतर्फ १६५ मध्ये १६१ क्षेत्रमा मतगणना भइरहेको छ । यसमध्ये ३४ वटा निर्वाचन क्षेत्रको अन्तिम नतिजा सार्वजनिक भएको छ । निर्वाचन आयोगको पछिल्लो विवरण अनुसार राष्ट्रिय स्वतन्त्र पार्टी (रास्वपा) २५ क्षेत्रमा विजयी भएको छ । नेपाली कांग्रेसले ५, नेपाली कम्युनिष्ट पार्टी (नेकपा)ले २ र एमालेले १ तथा स्वतन्त्र उम्मेदवारले १ क्षेत्रमा जित हासिल गरेका छन् । मतगणना भैरहेका ठाउँमा रास्वपाकै उम्मेदवाहरु अगाडि छन् । रास्वपा ९३, कांग्रेस १०, एमाले १०, नेकपा ११, श्रम संस्कृति पार्टी ५ र राप्रपा १ क्षेत्रमा अगाडि छन् ।
रास्वपा
१. बुद्धिप्रसाद पन्त – पर्सा १ बाट २७ हजार २७४ मत ल्याएर विजयी हुँदा एमालेका प्रदिप यादवले १३ हजार ३० मत ल्याउनुभयो ।
२. सागर भुसाल – पर्वतबाट २६ हजार ५६१ मत ल्याएर विजयी हुनुभएको छ । कांग्रेसका अर्जुनप्रसाद जोशीको १५ हजार ९५४ र एमालेका पदम गिरीको १५ हजार ७५ मत आएको छ ।
३. अरबिन्द साह – बारा ३ बाट ४० हजार ६९७ मत ल्याएर विजयी हुँदा कांग्रेसका फरमुल्लाह मंसुरले १० हजार ५२ मत ल्याउनुभयो र
४. रवि लामिछाने – चितवन क्षेत्र नम्बर २ बाट तेस्रोपटक विजयी हुनुभएको छ । लामिछानेले ५४ हजार ४०२ मत ल्याएर विजयी हुनुभएको हो । उहाँका निकटतम् प्रतिष्पर्धी नेपाली कांग्रेसकी मिना खरेलले १४ हजार ५६४ र एमालेका अस्मिन घिमिरेले ६ हजार ९९२ मत ल्याउनुभयो ।
५. रुकेश रन्जित – भक्तपुर १ बाट ३३ हजार ४३६ मत ल्याएर विजयी हुँदा नेपाल मजदुर किसान पार्टीका प्रेम सुवालले २८ हजार १४७ मत ल्याउनुभयो ।
६. सुनिल केसी – काठमाण्डौ २ बाट ३४ हजार २३८ मत ल्याएर विजयी हुनुभएको छ । उहाँका प्रतिष्पर्धी कांग्रेसका कविर शर्माले ८ हजार ८७४ मत ल्याउनुभयो ।
७. प्रमोद कुमार महतो – महोत्तरी १ बाट ३४ हजार ६३६ मत ल्याएर विजयी हुनुभएको छ । उहाँका निकटतम प्रतिष्पर्धी नेकपाका गिरिराजमणि पोखरेलले १२ हजार ६२४ मत ल्याउनुभयो ।
८. धनञ्जय रेग्मी – स्याङ्जा १ बाट २९ हजार ७१ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका भरतराज ढकालले १८ हजार ८५७ मत ल्याउनुभयो ।
९. सुरेशकुमार चौधरी – बाँके १ बाट ५२ हजार ७९२ मत ल्याएर विजयी हुनुभएको छ । उहाँका निकटतम प्रतिष्पर्धी नेपाली कांग्रेसका नारायणप्रसाद गौडेलले १५ हजार ३०१ मत ल्याउनुभयो ।
१०. खगेन्द्र सुनार – बाँके ३ बाट २९ हजार ५५१ मत ल्याएर विजयी हुनुभएको छ । उहाँका निकटमत प्रतिष्पर्धी एमालेका सुमन मल्लले १९ हजार ६१५ मत ल्याउनुभयो ।
११. कन्हैया बनिया– रुपन्देही ४ बाट २८ हजार ६६ मत ल्याएर विजयी हुनुभएको छ । प्रतिष्पर्धी एमालेका प्रमोदकुमार यादवको २० हजार २६२ मत आएको छ ।
१२. रुविना आचार्य– मोरङ ६ मा विजयी हुँदा कांग्रेसका डा. शेखर कोइराला पराजित हुनुभएको छ । आचार्यले ५५ हजार ५१३ मत ल्याउँदा कोइरालाले १२ हजार ८५० मतमात्रै ल्याउनुभएको छ ।
१३. डीपी अर्याल– काठमाण्डौ ९ मा ३५ हजार ९३ मत ल्याएर विजयी हुनुभएको छ । कांग्रेसकी नानुमाया बास्तोलाले ५ हजार ४६० मत ल्याउनुभयो ।
१४. मनिष झा– धनुषा ३ मा विजयी हुँदा कांग्रेसका विमलेन्द्र निधि पराजित हुनुभएको छ । झाले ४३ हजार १४२ र निधिले १५ हजार ९९२ मत ल्याउनुभयो ।
१५. सन्तोष राजवंशी– मोरङ ४ मा विजयी हुँदा कांग्रेसका गुरुराज घिमिरे पराजित हुनुभयो । राजवंशीले ४० हजार ८३३ मत ल्याउँदा घिमिरेले १२ हजार ८१८ मत ल्याउनुभयो ।
१६. बिना गुरुङ – कास्की ३ मा विजयी हुँदा कांग्रेसका मनोज गुरुङ पराजित हुनभयो । बिनाले ३७ हजार ७५० मत ल्याउँदा मनोजले १२ हजार ७८० मत ल्याउनुभयो ।
१७. प्रदीप बिष्ट – काठमाण्डौ १०मा विजयी हुँदा कांग्रेसका हिमाल कार्की पराजित हुनुभएको छ । बिष्टले ३७ हजार ४६९ र कार्कीले ८ हजार १०० मत ल्याउनुभयो ।
१८. उत्तम प्रसाद पौडेल – कास्की २ मा विजयी हुँदा एमालेका रश्मि आचार्य पराजित हुनुभयो । पौडेलले ३१ हजार ९११ र आचार्यले ७ हजार ४९३ मत ल्याउनुभयो ।
१९. सस्मित पोखरेल – काठमाण्डौ ५ मा विजयी हुँदा कांग्रेसका प्रदीप पौडेल र एमालेका ईश्वर पोखरेल पराजित हुनुभयो । पोखरेलले ३० हजार ७३७ मत ल्याउँदा पौडेलले ९ हजार १५९ र पोखरेलले ४ हजार ७०१ मतल्याउनुभयो ।
२०. पुकार बम – काठमाण्डौ ४ मा विजयी हुँदा कांग्रेसका सचिन तिमल्सिेना र एमालेका राजन भट्टराई पराजित हुनुभयो । पुकारले २९ हजार २४२, सचिनले ८ हजार ८२४ र भट्टराईले ५ हजार ७३३ मत ल्याउनुभयो ।
२१. गणेश पराजुली – काठमाण्डौ ७ मा २७ हजार ८०५ मत ल्याएर विजयी हुनुभएको छ ।
२२. राजुनाथ पाण्डे– काठमाडौ ३ मा विजयी हुँदा उज्यालो नेपाल पार्टीका अध्यक्ष कुलमान घिसिङ पराजित हुनुभयो । रास्वपाका पाण्डेले १८ हजार ७५७ मत र घिसिङले ११ हजार १७१ मत ल्याउनुभयो ।
२३. विराजभक्त श्रेष्ठ– काठमाण्डौ ८ बाट विजयी हुनुभएको छ । उहाँले २४ हजार ५९२ र उहाँका निकटतम प्रतिस्पर्धी नेपाली कम्युनिष्ट पार्टी (नेकपा) का सुमन सायमीले ३ हजार २१७ मत ल्याउनुभयो ।
२४. शिशिर खनाल– काठमाण्डौ ६ बाट विजयी हुनुभएको छ । खनालले २७ हजार ७१९ र उहाँका निकटतम प्रतिस्पर्धी नेपाली कांग्रेसका कृष्ण बानियाँ क्षेत्रीले ६ हजार ६४७ मत पाउनुभयो ।
२५. रञ्जु न्यौपाने (दर्शना)– काठमाण्डौ १ बाट १५ हजार ४ सय ५५ मतसहित विजयी हुनुभयो । उहाँका प्रतिस्पर्धी नेपाली कांग्रेसका प्रबल थापाले ६ हजार ३६४ मत प्राप्त गर्नुभयो ।
कांग्रेस
१. तेह्रथुमबाट कांग्रेसका सन्तोष सुब्बा ११ हजार ५६१ मत ल्याएर विजयी हुनुभएको छ । उहाँका निकटतम प्रतिष्पर्धी एमालेका भानुभक्त ढकालले १० हजार ६८२ मत ल्याउनुभयो ।
२. दैलेख १ मा बासना थापा १२ हजार ३७२ मत ल्याएर विजयी हुनुभएको छ । निकटम प्रतिष्पर्धी एमालेका रविन्द्रराज शर्माले ११ हजार ७९६ मत ल्याउनुभयो ।
३. रसुवा १ मा मोहन आचार्य १० हजार ६५६ मत ल्याएर विजयी हुनुभएको छ । निकटम प्रतिष्पर्धी रास्वपाका बसन्त भट्टले ५ हजार ५७१ मतल्याउनुभयो ।
४. मुस्ताङबाट योगेश गौचन थकाली ३ हजार ३०७ मत ल्याएर विजयी हुनुभएको छ । प्रतिस्पर्धी एमालेका ईन्द्रधार विष्टले एक हजार ८०३ मत प्राप्त गर्नुभयो ।
५. मनाङबाट टेकबहादुर गुरुङ २ हजार ४१५ मतसहित विजयी हुँदा उहाँका प्रतिस्पर्धी नेकपाकी यशोदा गुरुङ (सुवेदी)ले ४५४ मत ल्याउनुभयो ।
नेकपा
१. कालिकोटबाट महेन्द्रबहादुर शाहीले ११ हजार ३३८ मत ल्याएर विजयी हुनुभएको छ । प्रतिष्पर्धी एमालेका नगीन्द्र शाहीले १० हजार ३५२ मत ल्याउनुभयो ।
२. रुकुमपूर्वबाट नेपाली कम्युनिष्ट पार्टी (नेकपा)का संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ विजयी हुनुभएको छ । उहाँले १० हजार २४० र एमालेका लीलामणि गौतमले ३ हजार ४६२ मत प्राप्त गर्नुभयो ।
एमाले
१. बाँके २ बाट मोहम्मद इस्तियाक राईले २४ हजार ६४७ मत ल्याएर विजयी हुनुभएको छ । प्रतिष्पर्धी रास्वपाका विवेककुमार श्रेष्ठले १८ हजार ६७९ मत ल्याउनुभयो ।
स्वतन्त्र
१. म्याग्दीबाट स्वतन्त्र उम्मेदवार महावीर पुन निर्वाचित हुनुभएको छ । उहाँले २२ हजार ८५० मत ल्याएर विजयी हुँदा एमालेका हरिकृष्ण श्रेष्ठले ७ हजार ९१९ मत ल्याउनुभयो ।
मोरङ क्षेत्र नम्बर ६ मा राष्ट्रिय स्वतन्त्र पार्टी (रास्वपा) की उम्मेदवार रुबिना आचार्य विजयी भएकी छिन् ।
उनी ५५ हजार ५१३ मतसहित विजयी भएकी हुन् । उनका निकटतम प्रतिस्पर्धी डा. शेखर कोइरालाले १२ हजार ८५० मत प्राप्त गरेका छन् ।
काठमाडौं क्षेत्र नम्बर ८ मा राष्ट्रिय स्वतन्त्र पार्टीका उम्मेदवार विराजभक्त श्रेष्ठले भारी मतान्तरसहित सुरुवाती अग्रता लिएका छन् ।
बिहीबार भएको मतदानपछि जारी मतगणनामा उनले १७२४ मत प्राप्त गरेका छन् ।
त्यस्तै, कांग्रेस उम्मेदवार सपनाराज भण्डारीले २०७, नेपाली कम्युनिस्ट पार्टीका सुमन सायमीले १५४ र नेकपा एमालेका राजेश शाक्यले ११५ मत प्राप्त गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login