शिक्षा / स्वास्थ्य
संस्थागत विद्यालयलाई पुरस्कृत गरिएको विषयमा आएको टिप्पणीप्रति सुन्दरहरैंचाको ध्यानाकर्षण
विराटचोकः राष्ट्रिय लोक नृत्य प्रतियोगितामा पहिलो हुन सफल सुन्दरहरैंचाको सिद्धार्थ सेकेण्डरी स्कुललाई सुन्दरहरैंचा नगरपालिकाले १२ औँ नगरसभामा पुरस्कृत गरिएपछि नगरको कार्यको विरोध सामाजिक सञ्जालभरी भयो । सो विषयमा आफ्नो गम्भीर ध्यानाकर्षण भएको सुन्दरहरैंचा नगरपालिकाले जनाएको छ ।
नगर प्रवक्ता रोशनप्रसाद ढकालको हस्ताक्षरमा बुधबार विज्ञप्ति जारी गर्दै नगरपालिकाले त्यसको कुरा बुझेर मात्रै नकारात्मक टिप्पणी गर्न र नगरलाई सकारात्मक सुझाव दिन अनुरोध गरेको छ । देशमै नगरको नाम राख्न सफल विद्यालयलाई पुरस्कृत गरिनु अशोभनीय नभएको विज्ञप्तिमा उल्लेख छ ।
विज्ञप्तिमा जनाइएअनुसार गत वर्ष भदौ १३ गते प्याब्सनले गरेको लोक नृत्य प्रतियोगितामा सिद्धार्थ स्कुलले प्रस्तुत गरेको नृत्य पहिलो भएको थियो । त्यसपछि जिल्ला, प्रदेश हुँदै प्याब्सनले आयोजना गरेको राष्ट्रव्यापी लोक नृत्य प्रतियोगितामा सो नृत्य पहिलो भएको थियो । राष्ट्रिय लोक नृत्यमा पहिलो भएमा पुरस्कृत गरिने भनेर नगरपालिकाले गत भदौमा नै घोषणा गरेको थियो । सोही घोषणा पूरा गर्न नगरसभामा विद्यालयलाई पुरस्कृत गरिएको थियो ।
सुन्दरहरैंचा शिक्षा क्षेत्रको विकासमा लागिरहेको र पछिल्लो समय नगरका २ वटा विद्यालयलाई नमूना विद्यालय बनाउन नगर लागिरहेको विज्ञप्तिमा उल्लेख छ ।
सरकारी कर्मचारी, जनप्रतिनिधि र सम्पूर्ण शिक्षकका सन्तान सामुदायिक विद्यालयमा नै पढाउनुपर्ने गरी शिक्षा नीति बनाइएको र सामुदायिक विद्यालयको स्तरोन्नतिमा नगरपालिका लागिरहेको विज्ञप्तिमा उल्लेख छ ।
शिक्षामा सुधार गर्न भनेर नै सामाजिक विकासतर्फको ३० प्रतिशत रकम शिक्षा क्षेत्रमा लगाउनुपर्ने नीति लिइएको र यसै शैक्षिक सत्रदेखि शुक्रबार पनि ३ बजेसम्म विद्यालय सञ्चालन गर्न थालिएको जस्ता धेरै कामहरु शिक्षा क्षेत्रमा भइरहेको विज्ञप्तिमा उल्लेख छ ।
सुन्दरहरैँचा नगरपालिकाद्वारा विद्यार्थी, शिक्षक, कर्मचारीलगायतलाई सम्मान
हेर्नुहोस् राष्ट्रिय लोक नृत्यमा पहिलो हुन सफल भएको सो नृत्यः
https://fb.watch/luLaO5l0Y3/?mibextid=Nif5oz
Facebook Comment
सरकारका प्रवक्ता एवम् सञ्चार तथा सूचना प्रविधिमन्त्री जगदीश खरेल राजीनामा दिने भएका छन् ।
खरेलका प्रेस सल्लाहकार सीबी अधिकारीका अनुसार उनले अहिले ५ः३० बजे मन्त्रालयमा पत्रकार सम्मेलन गर्दै राजीनामा दिन लागेका हुन् ।
उनी राष्ट्रिय स्वतन्त्र पार्टी (रास्वपा) प्रवेश गर्ने तयारी छ । उनीनिकटका अनुसार खरेल ललितपुर– २ बाट चुनावमा भाग लिँदै छन् ।
तामाङ समुदायले हरेक वर्ष माघ शुक्ल प्रतिपदाका दिन मनाउने सोनाम ल्होसार आज विविध कार्यक्रम गरी मनाउँदै छन् ।
मञ्जुश्री पात्रो अनुसार आजदेखि २८६२ औँ वर्ष शुरू भएको छ । आजदेखि सर्प वर्ष पूरा गरी घोडा वर्ष प्रवेश हुन्छ । मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होसारलाई विभाजन गरिएको छ ।
ल्होसारका १२ वटै वर्ष पशुपन्छीको नामबाट गणना गरिएकाले प्रकृतिपूजक रहेको अनुसन्धाता टीका शेर्पाले बताउनुभयो । तामाङ जातिको बाहुल्यता रहेको वाग्मती प्रदेशका विभिन्न जिल्लामा यो पर्व विशेष रुपमा मनाइन्छ ।
झन्डै ४ हजार ७ सय वर्ष पुरानो मानिने यो परम्परा नेपालसहित चीन, मंगोलिया, जापान, भियतनाम, थाइल्यान्ड, ताइवान, मलेसिया, सिंगापुरलगायत देशहरूमा पनि मनाउने गरिन्छ ।
नेपालमा तामाङ समुदायसहित ह्योल्मो, मनाङ्गे, डोल्पो, थकाली, जिरेल, दुरा तथा केही शेर्पा समुदायले समेत यो पर्व मनाउने गर्छन् ।
नेपाली कांग्रेसका सभापति गगनकुमार थापाले प्रतिनिधि सभाको प्रत्यक्ष तर्फका उम्मेदवारको नाम आजै टुंगो लाग्ने बताएका छन् । सोमबार बिहान फेसबुकमा भिडियो पोस्ट गर्दै भन्नुभएको छ, ‘हामी उम्मेदवार छनोटको अन्तिम चरणमा छौँ। समय र प्रक्रियागत बाध्यताबीच पनि समावेशी, सन्तुलित र न्यायपूर्ण निर्णय गर्ने भरपूर प्रयास भइरहेको छ।’ उनले पार्टीको पक्षमा एक ढिक्का भएर उम्मेदवारी दर्ताको पक्षमा रहेको बताएका छन् । उनले उम्मेदवार छान्ने भन्दा सहमति गर्ने र सबै पक्षलाई समेट्ने प्रयास भइरहेको उल्लेख गरेका छन् । उनले पार्टी एकताको अभियानमा जुट्न सबैलाई अनुरोधसमेत गरेका छन् । भोलि सबैजना आ–आफ्नो क्षेत्रमा गएर पार्टीको आधिकारिक उम्मेदवारको पक्षमा एकढिक्का भएर लागौँ । यो व्यक्तिगत होइन, पार्टीको साझा अभियान हो।’समयको चापका बीच पार्टीभित्र सन्तुलन मिलाउने प्रयास भइरहेको थापाले बताएका छन् । थापाले आन्तरिक विवाद छाडेर एक जुट भएर निर्वाचनको अभियानमा जुट्न सबै पक्षलाई अनुरोध गरेका छन् ।
-
अर्थ6 years agoसमाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner4 years agoसाउनदेखि कुन तहका कर्मचारीको कति तलब ?
-
खेलकुद6 years agoरंगशालाको अवलोकन
-
मुख्य6 years agoशेयर बजारमा झिनो अंकको गिरावट
-
अर्थ6 years agoगोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य6 years agoसुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य6 years agoपुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner6 years agoगोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login