दोहोरो सदस्यता ०७७ असोजभित्र त्याग्न सहकारी विभागले गर्याे अनुरोध

काठमाडौंः सहकारी विभागले एक सूचना जारी गर्दै एउटै स्थानीय तहभित्रका एकै प्रकृतिका सहकारीबीच भएको दोहोरो सदस्यता त्याग्न अनुरोध गरेको छ । आगामी असोज मसान्तसम्ममा त्यस्तो सदस्यता त्याग्न विभागले अनुरोध गरेको हो ।

एक जना व्यक्ति एउटाभन्दा बढी सहकारीमा सदस्य हुन नपाउने सहकारी ऐनको प्रावधान रहेको बताउँदै विभागले दोहोरो सदस्यता रहेको भए त्यस्तो सदस्यता त्याग्न अनुरोध गरेको हो । ऐनको प्रभावकारी कार्यान्वयनका लागि सूचना जारी गरेको विभागले जनाएको छ ।

२०७४ कात्तिक १ गतेदेखि सहकारी ऐन लागू भएको हुनाले एकै स्थानीय तहभित्र एकै प्रकृतिको एउटामात्रै सहकारीको सदस्यता लिन विभागले अनुरोध गरेको हो ।

Spread the love



Leave a Reply

Your email address will not be published.